လွှတ်တော်နိုင်ငံရေး ဖြစ်ထွန်းလာရင်- ကိုယ်စားပြု အမတ်ဆိုတာ လိုလာမှာပါပဲ-
လူထုဟာ အမတ်ကို ရွေးချယ်တတ်ဘို့ လိုပါတယ်။
ကိုယ်ပြောချင်တဲ့ စကားကို –
(၁) လွှတ်တော်ထဲမှာ ပြောမယ့်သူ-(၂) ပြောရဲသူ (၃) တိုတုတ်ရှင်းလင်းစွာ ပြောတတ်သူ (၄) မိမိ မဲဆန္ဒရှင်များရဲ့ ခံစားချက်နဲ့ ဖြစ်လိုစိတ်ကို သိနိုင်အားရှိသူ (၅) သက်ဆိုင်ရာ ဥပဒေများကို နှံ့စပ်ပြီး ဥပဒေဘောင်တွင်းမှာ ယုတ္တိကျကျထောက်ပြတတ်သူ (၆) အချိန်အခါ အလျှောက် တွေဝေနေခြင်း မရှိသူ- (၇) ကပ်ဖားယပ်ဖားမဟုတ် ဖြောင့်မတ်တည်ကြည်သူ (၈) လူထုအတွက် ကိုယ်စားပြု အမတ် တစ်ကယ်လုပ်ချင်သူ- တို့ကို ရွေးချယ်သင့်ပါတယ်။

မရွေးချယ် အပ်- မဲမပေးအပ်သော သူများမှာ-
(၁) အမတ်လုပ်ချင်လွန်းလို့ ဘယ်လိုဖြစ်ဖြစ် အမတ်ဖြစ်ပြီးရော ကတိအလွယ်ပေးတတ်သူ (၂) ဝေ့လည်ကြောင်ပတ် စကားပြောတတ်သူ (၃) မဲဆန္ဒရှင်များက ဖေါ်ပြောမှ သိတတ်သူ (ကိုယ်ပိုင်အမျှော်အမြင်နည်းသူ) (၄) အပေါ်ဖားအောက်ပိ စိတ်ရှိသူ- စတဲ့ လူတွေကို ရှောင်ရပါမယ်။

ပါတီတစ်ခုအတွင်းမှ အမတ်လောင်း ဖြစ်သော်- ပါတီရဲ့ မူနဲ့ အဲ့ဒီပါတီရဲ့ လုပ်ပိုင်ခွင့် ပါတီမှ ဆုံးဖြတ်ခွင့်ရှိသူထဲမှ အများစုရဲ့ သဘောထားကို လေ့လာရပါမယ်။ တစ်ခါတစ်ရံ အမတ်လောင်းတစ်ဦးဟာ အလွန်တော်နေပေမယ့်- သူ့ပါတီရဲ့ မူ ကြောင့် လူထုအတွက် ဘာမှ မလုပ်ပေးနိုင်တာများလည်း ရှိပါတယ်။ (ပါတီရဲ့ မူကို ကျော်ဖြတ်နိုင်သူကတော့ တစ်ကယ့် သူရဲကောင်းပါ- အဲ့လို လူမျိုးကို ပါတီ မကြည့်ဘဲ မဲပေးသင့်ပါတယ်။ အမတ်ဖြစ်သင့်ပါတယ်။)

ဒေသ တစ်ခုချင်းက မဲဆန္ဒရှင်များ အနေနဲ့- မိမိရဲ့ ဆန္ဒကို တစ်ကယ့် အခက်အခဲ အချိန်မှာ ဘယ်အမတ်တွေက ကိုယ့်အတွက် ကိုယ်စားပြု ပြောဆို လုပ်ဆောင်ပေးမလဲ ဆင်ခြင်သင့်ပါတယ်။ ဥပမာ- လွန်ခဲ့တဲ့ အမတ်များကို ကြည့်ပါ။ ဥပမာ မင်္ဂလာဒုံမြို့နယ်က အမတ်က မင်္ဂလာဒုံလူထုအတွက် ကိုယ်စားပြုပြီး ဘာတွေ လုပ်ပေးခဲ့သလဲ၊ ဘာတွေများ လွှတ်တော်ထဲမှာ ပြောပေးခဲ့သလဲ။ အလားတူ တာမွေမြို့နယ်၊ ဒဂုံမြို့နယ်၊ မင်္ဂလာတောင်ညွန့်မြို့နယ်၊ မြောက်ဥက္ကလာပ မြို့နယ်-၊ စသည်ဖြင့် မြန်မာတစ်နိုင်ငံလုံးရှိ သက်ဆိုင်ရာ မြို့နယ်၊ ဒေသ အမတ်တွေ စဉ်းစားသင့်ပါတယ်။

ကိုယ့်မြို့ ကိုယ့်ဒေသ ကိုယ်လူထုတစ်ရပ်၊ ကိုယ့်အသိုင်းအ၀ိုင်း အတွက် ဘာမှ အသုံးမကျတဲ့ အမတ်များကို (ပါတီကြောင့် ဆိုတဲ့ အစွဲကြောင့်) ဆက်လက် မဲ မပေးသင့်ပါ။ အော် သူဆိုရင်တော့ ငါတို့အတွက် တစ်ခုခုတော့ ပြောဆို လုပ်ကိုင်ပေးမှာပဲ ဆိုတဲ့ အမတ်လောင်းများ ပေါ်လာရင် အဲ့ဒီ အမတ်ကို လေ့လာပါ။ တစ်ကယ် သတ္တိရှိရဲ့လား၊ တစ်ကယ်လုပ်နိုင်စွမ်းရှိရဲ့လား-၊ တစ်ကယ် ကိုယ်ကျိုးစွန့်ရဲ့လား- (လူဆိုတာ ၁၀၀% စိတ်တိုင်းကျ မဟုတ်နိုင်ပေမယ့် ရာနှုန်းအများ အားသားချက် ရှိရင်) အဲ့ဒီ အမတ်လောင်းများကို မိမိမြို့နယ် မိမိဒေသ အတွက် လက်လွတ်ဆုံးရှုံး မခံသင့်ပါ။

မဲဆန္ဒရှင်များ လွတ်လပ်စွာ ဆုံးဖြတ်နိုင်ကြပါစေ။

မုဟမ္မဒ်တွာဟေရ် (ဌေးလွင်ဦး)
ဦးဆောင်လှုပ်ရှားမှု တာဝန်ခံ
Civil Rights Movement