Civil Rights Movement

Civil Rights Movement

မြန်မာကို ပိုပြီးဖိအားပေးဖို့ မလေးရှား အတိုက်အခံ ပြောကြား

မလေးရှား အစိုးရအတိုက်အခံ ခေါင်းဆောင် ဒေါက်တာဝမ်အဇီဇာ က အာဆီယံအဖွဲ့ဝင် နိုင်ငံတွေ အနေနဲ့ ရခိုင်ပြည်နယ်က ရိုဟင်ဂျာပြဿနာကို ပိုမိုအာရုံ စိုက်ဖြေရှင်းကြဖို့ မနေ့က ထပ်မံ ပြောကြားလိုက်ပါတယ်။

ရိုဟင်ဂျာအရေးနဲ့ ပတ်သက်ပြီး မလေးရှားအစုိုးရနဲ့ အာဆီယံအဖွဲ့က အခုလုပ်ဆောင်နေတာတွေကို မိမိ ထောက်ခံပါတယ်။ ဒါပေမယ့် မလေးရှားအစိုးရ အနေနဲ့ မြန်မာအစိုးရကို ပိုပြီးဖိအားပေးဖို့နဲ့ လူသားချင်းစာနာမှုစာနာမှုအကူညီတွေ ပိုမိုထောက်ပံ့ဖို့ လိုတယ်လို့ မလေးရှားအစိုးရအတိုက်အခံ ခေါင်းဆောင် ဝမ်အဇီဇာ ကပြောပါတယ်။

ဒီအတောအတွင်း မောင်တောမြို့နယ် ၀က်ကျိန်းကျေးရွာနှင့် ဘဒကားကျေးရွာကြားရှိ ပြူးမချောင်း ဘေး မြေနုကျွန်း၌ ရွှံ့များပေကျံနေသော အလောင်းတစ်လောင်း ကို ဒီဇင်ဘာ ၂၆ ရက် ညနေက တွေ့ရှိကြောင်း မြန်မာအစိုးရပြန်ကြားရေးဌာနက ကြေညာခဲ့ပါတယ်။

သေဆုံးသူမှာ ဒီဇင်ဘာ ၁၆ ရက်နေ့ကစတင် ပျောက်ဆုံးနေခဲ့တဲ့ ၀က်ကျိန်းရွာသား ဆီရာဇူဟွတ် ဆိုသူ ဆယ်အိမ်မှူး ဟောင်းဖြစ်ပြီး ဖွံ့ဖြိုးရေးလုပ်ငန်းတွေ ကို ဒေသခံ အဖွဲ့အစည်းတွေနဲ့ တက်ကြွစွာ ပါဝင်ဆောင်ရွက်ခဲ့သူဖြစ်တယ်လို့လည်း ဆိုပါတယ်။

source – www.rfa.org

Leave a Reply

Your email address will not be published. Required fields are marked *