Civil Rights Movement

Civil Rights Movement

Myanmar

now browsing by category

 

USAID အကြီးအကဲ ရခိုင်ပြည်နယ်သွားရောက်

ရိုဟင်ဂျာမွတ်ဆလင်တွေရဲ့ အခွင့်အရေးကို အာမခံချက်ပေးဖို့နဲ့ နိုင်ငံကနေထွက်ပြေးသွားသူ ထောင်ပေါင်းများစွာ ပြန်လာရေး အားတက်စေဖို့ရာ စစ်မှန်တဲ့ စိတ်ရင်းစေတနာကို ပြသဖို့ အမေရိကန်အစိုးရရဲ့ နိုင်ငံတကာ အကူအညီပေးရေးအေဂျင်စီ အကြီးအကဲက မြန်မာအစိုးရကို တနင်္ဂနွေနေ့မှာ တိုက်တွန်းလိုက်ပါတယ်။

အမေရိကန်ပြည်ထောင်စု၊ နိုင်ငံတကာဖွံ့ဖြိုးတိုးတက်ရေးအေဂျင်စီ (USAID) အကြီးအကဲ Mark Green ဟာ သုံးရက်ကြာ မြန်မာနိုင်ငံခရီးစဉ် အဆုံးသတ်အဖြစ် ရခိုင်ပြည်အနောက်ပိုင်းက ရိုဟင်ဂျာနဲ့ ရခိုင် လူမှုအဝန်းအဝိုင်းနှစ်ခုလုံးနဲ့ သွားရောက် တွေ့ဆုံပြီးတဲ့နောက် အဲဒီလို တိုက်တွန်းလိုက်တာပါ။

မြန်မာနိုင်ငံမလာခင် ဘင်္ဂလားဒေ့ရ်ှနိုင်ငံ ခရီးစဉ်အတွင်း သူနဲ့တွေ့ဆုံတဲ့ ရိုဟင်ဂျာဒုက္ခသည်တွေဟာ ကြောက်လန့်နေကြပြီး ပြန်လာချင်ကြပေမဲ့ ပြန်ဖို့အတွက် ဆုံးဖြတ်ချက်မချခင်မှာ သူတို့ရဲ့အခွင့်အရေးနဲ့ လုံခြုံရေးအတွက် အာမခံချက်ပေးဖို့ တောင်းခံ ကြတယ်လို့ မစ္စတာ Green ကပြောပါတယ်။

“ရိုဟင်ဂျာတွေအနေနဲ့ အဲဒီလိုအခြေအနေတွေအောက်မှာ ပြန်လာနိုင်ရေး လက်တွေ့ပြသမှုတခုဖြစ်တဲ့ ခိုင်မာတဲ့ လုပ်ဆောင်ချက် တွေကို အစိုးရအနေနဲ့ ချမှတ်လုပ်ဆောင်ဖို့ ကျနော်တို့ အခိုင်အမာ အားပေးတိုက်တွန်းပါတယ်” လို့ Mark Green ကပြောပါ တယ်။

USAID အကြီးအကဲ ရခိုင်ပြည်နယ်သွားရောက် ( Photo- Mark Green Twitter)

Mark Green ဟာ သောကြာနေ့က နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ နေပြည်တော်မှာ တွေ့ဆုံပြီး စနေနေ့ ကတော့ အရပ်ဘက် လူမှုအဖွဲ့အစည်းတွေနဲ့ ရန်ကုန်မြို့မှာ တွေ့ဆုံပါတယ်။ အဲဒီနောက် တနင်္ဂနွေနေ့က ရခိုင်ပြည်မှာ ပြည်နယ် အစိုးရ တာဝန်ရှိသူတွေနဲ့ တွေ့ဆုံပြီးတဲ့နောက် ပြည်နယ်မြောက်ပိုင်းက အကြမ်းဖက် ပဋိပက္ခ ဖြစ်ထားတဲ့နေရာတွေဆီ သွားပါတယ်။

သူဟာ ရခိုင်ပြည်နယ်၊ စစ်တွေမြို့တော်ကနေ သိပ်မဝေးလှဘဲ ရိုဟင်ဂျာဒုက္ခသည် ၆,၀၀၀ လောက်ရှိတဲ့ သက်ကယ်ပြင် ဒုက္ခ သည်စခန်းကိုသွားပြီး စခန်းတာဝန်ရှိသူတွေနဲ့ တွေ့ဆုံပါတယ်။

“ကျနော်တို့မှာ အချိန်ရှိလှတာ မဟုတ်ပါဘူး။ အပြုသဘောဆောင်အဆင့်တွေ လုပ်ဆောင်တာကို ကျနော်တို့အားလုံး တကယ်ပဲ မြင်ချင်ကြပြီး အဲဒီအတွက် အကူအညီပေးဖို့ အဆင်သင့်ရှိပါတယ်” လို့ Mark Green က ပြောပါတယ်။ သူဟာ မြန်မာနိုင်ငံကနေ ထိုင်းနိုင်ငံကို ခရီးဆက်မှာဖြစ်ပါတယ်။

Source – https://burmese.voanews.com/a/usaid-mark-green-/4402671.html

ရိုဟင်ဂျာဒုက္ခသည်အရေး ကန်လွှတ်တော်ကြားနာပွဲမှာ ထည့်သွင်းဆွေးနွေး

အိမ်နီးချင်းဘင်္ဂလားဒေ့ရှ် နိုင်ငံဘက်ကို ရိုဟင်ဂျာ သိန်းနဲ့ချီထွက်ပြေးခဲ့ရတာနဲ့ ပတ်သက်ပြီး မြန်မာဘက်က လူ့အခွင့်ရေး ချိုးဖေါက်မှုတွေအတွက် ICC နိုင်ငံတကာ ခုံရုံးတင်သင့် မတင်သင့် ကုလသမဂ္ဂလုံခြုံရေးကောင်စီက စဉ်းစားနေချိန်မှာ အမေရိကန် နိုင်ငံခြားရေးဌာနဘက်က ဘာတွေလုပ်ဆောင်နေပါသလဲ။

အင်္ဂါနေ့ အထက်လွှတ်တော် နိုင်ငံခြားဆက်ဆံရေးကော်တီရှေ့မှောက် အရှေ့တော်အာရှမှာ အမေရိကန်ရဲ့ပါဝင် လုပ်ဆောင်မှု ကြားနာစစ်ဆေးပွဲမှာ မြန်မာ့အရေးနဲ့ပတ်သက်ပြီးတော့လည်း ထည့်သွင်းဆွေးနွေးခဲ့ပါတယ်။

အပြည့်အစုံကို ဒေါ်ခင်မျိုးသက်က ပြောပြပေးမှာပါ။

အထက်လွှတ်တော် နိုင်ငံခြားဆက်ဆံရေးကော်မတီ လက်အောက်ရှိ အရှေ့အာရှဆပ်ကော်မတီ ရှေ့မှောက် ARIA လို့ အတိုကောက်ခေါ်တဲ့ “အာရှမှာ အမေရိကန်ရဲ့ အရေးယူ ဆောင်ရွက်မှုဆိုင်ရာ ဥပဒေ ” အရ အင်္ဂါနေ့က ပြုလုပ်တဲ့ ကြားနာပွဲမှာ အာရှနဲ့ ပစိဖိတ်ဒေသ လုံခြုံရေးဆိုင်ရာ လက်ထောက်ကာကွယ်ရေး ဝန်ကြီး Randall G. Schriver နဲ့ အရှေ့အာရှနဲ့ ပစိဖိတ်ဆိုင်ရာ ဒု- လက်ထောက် နိုင်ငံခြားရေးဝန်ကြီး Alex Wong တို့က ထွက်ဆိုခဲ့ကြတာ ဖြစ်ပါတယ်။

အာရှမှာအမေရိကန်ရဲ့ ပါဝင်ပတ်သက်မှုနဲ့ ပတ်သက်ပြီး တရုတ်၊ မြောက်ကိုရီးယား၊ ဖိလစ်ပိုင်အစရှိတဲ့ နိုင်ငံတွေအကြောင်း အလေးပေး ဆွေးနွေးခဲ့ကြရာမှာ မြန်မာနိုင်ငံနဲ့ ပတ်သက်လို့လည်း အထက်လွှတ်တော် ကော်မတီဝင် တချို့က မေးခွန်းထုတ်ခဲ့ကြပါတယ်။

မြန်မာနိုင်ငံလူ့အခွင့်ရေး နဲ့ လွတ်လပ်မှု အက်ဥပဒေ Burma Human Rights and Freedom Act ပြင်ဆင်ချက်ကို ဖေဖေါ်ဝါရီလက ဦးဆောင်တင်သွင်းခဲ့သူ မက်ဆာချူးဆက်ပြည်နယ်က ဒီမိုကရက် အထက်လွှတ်တော်အမတ် Edward J. Markey က ရခိုင်မြောက်ပိုင်းကနေ ဘင်္ဂလားဒေ့ရ်ှဘက်ကို ထွက်ပြေးလာတဲ့ သိန်းနဲ့ချီတဲ့ ရိုဟင်ဂျာတွေနဲ့ ပတ်သက်ပြီး မေးမြန်းခဲ့ပါတယ်။

ရိုဟင်ဂျာဒုက္ခသည်စခန်းတွေကို ကုလသမဂ္ဂလုံခြုံရေးကောင်စီ အဖွဲ့ဝင်တွေ သွားရောက်ခဲ့ပြီးတဲ့နောက်မှာ မြန်မာဘက်က လူ့အခွင့်ရေး ချိုးဖေါက်မှုတွေ၊ အဓမ္မပြုကျင့်မှုကို လက်နက်သဖွယ်သုံးတာ အပါအဝင် ချိုးဖေါက်မှုတွေအတွက် ICC နိုင်ငံတကာ ခုံရုံးတင်သင့် မတင်သင့် စဉ်းစားနေတာ တွေ့ရပြီး အမေရိကန်နိုင်ငံခြားရေးဌနာကရော မြန်မာရဲ့ ဒီလိုချိုးဖေါက်မှုတွေ တာဝန်ခံတာဝန်ယူမှုရှိလာအောင် ဘာတွေများ လုပ်ဆောင်နေသလဲလို့ အထက်လွှတ်တော်အမတ် Markey ရဲ့ မေးမြန်းချက်ကို နိုင်ငံခြားရေးဌာန အရှေ့အာရှနဲ့ ပစိဖိတ်ဒေသဆိုင်ရာ ဒုလက်ထောက် နိုင်ငံခြားရေးဝန်ကြီး Alex Wong က အခုလို ဖြေကြားခဲ့ပါတယ်။

အမေရိကန်နိုင်ငံခြားရေးဌာန အရှေ့အာရှနဲ့ ပစိဖိတ်ဒေသဆိုင်ရာ ဒုလက်ထောက် နိုင်ငံခြားရေးဝန်ကြီး Alex Wong က အထက်လွှတ်တော် နိုင်ငံခြားရေးရာကော်မတီ ကြားနာပွဲရှေ့မှောက် ထွက်ဆိုနေစဉ်

“ရခိုင်ပြည်နယ်က အခြေနေဟာ အတော့်ကို ဆိုးဝါးနေတဲ့အတွက် အမေရိကန် နိုင်ငံခြားရေးဌာနက အထူးစိုးရိမ်စိတ်ပူပါတယ်။ ဒီအတွက် ကျနော်တို့ ဘက်စုံကနေ တုန့်ပြန်ဆောင်ရွက်နေတာပါ။ ပထမဆုံးနဲ့ အရင်ဆုံးလုပ်ဆောင်တာကတော့ လူသားချင်းစာနာမှု အကူညီတွေ ပေးတာပါ။ ရိုဟင်ဂျာတွေ၊ အိမ်ရှင်အဖြစ်လက်ခံထားတဲ့ ဘင်္ဂလားဒေ့ရှ် နဲ့ တခြား ပြည်တွင်းအိုးအိမ်ပြောင်းရွှေ့ကြရသူတွေနဲ့ နိုင်ငံရေးခိုလှုံခွင့်တောင်းခံသူတွေ ဒုက္ခခံစားနေရမှုတွေ လျော့ပါးစေဖို့ဖြစ်ပါတယ်။ ၂၀၁၆ အောက်တိုဘာလကစပြီး ကျနော်တို့ ပေးတဲ့ လူသားချင်းစာနာမှု အထောက်အပံ့ဟာ ဒေါ်လာပေါင်း တစ်ဘီလျံရဲ့ လေးပုံတပုံကျော်နေပါပြီ။ အခုထိလည်း အကူညီတွေ ဆက်ပေးနေတာမို့ အတော်အသင့်တော့ ပြေလျော့မယ်လို့ ယုံကြည်ပါတယ်။”

ဒုတိယအနေနဲ့ ရခိုင်ပြည်နယ်က အကြမ်းဖက်မှုတွေ အဆုံးသတ်စေဖို့၊ ဥပဒေစိုးမိုးမှု ပြန်ရဖို့၊ လူသားချင်းစာနာမှု အကူညီတွေ ပေးခွင့်ပြုဖို့၊ ရခိုင်ပြည်နယ်တွင်း သတင်းမီဒီယာတွေ သတင်းသွားယူနိုင်ဖို့နဲ့ ကိုယ့်ဆန္ဒအလျှောက် ဌာနေပြန်ချင်သူတွေ ဂုဏ်သိက္ခာရှိရှိနဲ့ လုံခြုံမှု ရှိအောင် အာမခံဖို့တွေအတွက် ကုလသမဂ္ဂလို မိတ်ဆွေတွေ၊ အမေရိကန်နဲ့ သဘောထားတူညီတဲ့ နိုင်ငံအများအပြားနဲ့ လက်တွဲပြီး မြန်မာအာဏာပိုင် တွေကို တိုက်တွန်းနေပါတယ်။”

အမေရိကန် အထက်လွှတ်တော် နိုင်ငံခြားရေးရာကော်မတီ ကြားနာပွဲ (မေလ ၁၅၊ ၂၀၁၈)

ဒါ့အပြင် ရခိုင်မြောက်ပိုင်းဒေသတွင်း ရက်စက်တဲ့လုပ်ရပ်တွေ ရှိကြောင်း စွပ်စွဲမှုတွေနဲ့ ပတ်သက်ပြီး ယုံကြည်စိတ်ချရတဲ့ သီးခြားလွတ်လပ်တဲ့ စုံစမ်းမှုတွေလုပ်ပေးဖို့နဲ့ ကျူးလွန်သူတွေ အပစ်ဒဏ်ရစေဖို့အတွက် မြန်မာအာဏာပိုင်တွေဘက်က ပူးပေါင်းဆောင်ရွက်ဖို့ တိုက်တွန်းနေကြောင်း ဒုလက်ထောက် နိုင်ငံခြားရေးဝန်ကြီး Alex Wong ကပြောကြားခဲ့သလို မြန်မာနိုင်ငံ ဒီမိုကရေစီရေးအကူးပြောင်း ကာလအတွက် အမေရိကန်က ဆက်လက်ပံ့ပိုးပေးနေကြောင်းလည်း ပြောပါတယ်။

“နောက်ဆုံးအနေနဲ့ ကျယ်ကျယ်ပြန့်ပြန့် ဆောင်ရွက်ပေးနေတာကတော့ မြန်မာစစ်တပ်ကို အရပ်သားအုပ်ချုပ်မှုအောက်မှာ တာဝန်ယူ ဆောင်ရွက်ရတဲ့ ကျွမ်းကျင်တဲ့စစ်တပ် ဖြစ်လာအောင် လုပ်ပေးပြီး မြန်မာနိုင်ငံ ဒီမိုကရေစီရေး အကူးအပြောင်းကာလကို အမေရိကန်ပြည်ထောင်စုက ဆက်လက်ပံ့ပိုး ပေးနေတာပါ။ ဒီလိုလုပ်ဆောင် နေတာတွေကနေ မြန်မာစစ်တပ်ကို ရခိုင်ပြည်နယ်မှာ တွေ့နေရတဲ့ ဖြစ်ရပ်မျိုးတွေအတွက် တာဝန်ခံ တာဝန်ယူမှုရှိပြီး နိုင်ငံတကာ လူ့အခွင့်ရေး စံတွေ ပြည့်မှီတဲ့ စစ်တပ်ဖြစ်လာစေမှာပါ။”

အထက်လွှတ်တော်အမတ် Marky ဟာ မြန်မာနိုင်ငံမှာ ဖြစ်ပွါးတဲ့ တိုက်ပွဲတွေအတွင်း ကျားမကွဲပြားမှုပေါ် အခြေခံတဲ့ အကြမ်းဖက်မှု တွေနဲ့ လိင်မှုဆိုင်ရာ အကြမ်းဖက်မှုတွေအတွက် တာဝန်ခံ တာဝန်ယူမှု ပိုရှိလာစေဖို့ မြန်မာနိုင်ငံလူ့အခွင့်ရေးဆိုင်ရာ ဥပဒေမူကြမ်း ပြင်ဆင်ချက်ကို တင်ပြခဲ့သူဖြစ်ပါတယ်။ အခုလို အကြမ်းဖက်မှုတွေကို လက်နက်သဖွယ်အသုံးချတဲ့ ကျူးလွန်သူတွေကို အပစ်ပေးဖို့ လုပ်ဆောင်နေတာနဲ့ ပတ်သက်ပြီး မေးမြန်းရာမှာတော့ မစ္စတာ Wong က လွှတ်တော်ကနေ သမ္မတ Trump အစိုးရအဖွဲ့ကို တင်ပြထားကြောင်း ဖြေကြားခဲ့ပါတယ်။

“မြန်မာနိုင်ငံရဲ့ အခြေနေတွေမှာ လိင်မှုဆိုင်ရာ အကြမ်းဖက်မှုတွေနဲ့ ပတ်သက်လို့ ဖေါ်ပြပြီး ပြင်းထန်တဲ့ အရေးယူဆောင်ရွက်မှု အများအပြား လုပ်ဆောင်ဖို့ မကြာသေးခင်ကပဲ လွှတ်တော်ကနေ အစိုးရအဖွဲ့ကို တင်သွင်းခဲ့ပြီး အဲဒီမှာ ကိုယ်လိုချင်တဲ့ ပုံစံဖြစ်လာအောင် အရေးယူမှုတွေ ချမှတ်ထားပါတယ်။ တကယ်လို့ နောက်ထပ်တင်ပြမယ့် လုပ်ဆောင်ချက်တွေရှိမယ် ဆိုရင်လည်း အမေရိကန်နိုင်ငံခြားရေးဌာနက မြန်မာ့အရေးဆိုင်ရာ အဖွဲ့က သေချာဆန်းစစ်ပြီး မြန်မာနိုင်ငံတွင်း ဒုက္ခတွေ လျှော့ပါးစေဖို့ ချမှတ်ထားတဲ့ အပြန်အလှန်အကျိုးရှိစေမယ့် ပန်းတိုင်အတိုင်း ရှေ့ရှုလုပ်ဆောင်မှာ ဖြစ်ပါတယ်။”

Virginia ပြည်နယ် ဒီမိုကရက်တစ်ပါတီက အထက်လွှတ်တော်အမတ် Tim Kaine ကလည်း မြန်မာနိုင်ငံမှာ အဆင့်မြင့် စစ်ဘက်အရာရှိတွေနဲ့ လုံခြုံရေး အရာရှိတွေက ရိုဟင်ဂျာတွေ အပေါ် လူ့အခွင့်ရေးချိုးဖေါက်မှုတွေ ကျူးလွန်ရာမှာ တိုက်ရိုက် ပါဝင်ပတ်သက်တာ၊ ကျူးလွန်မှုတွေမှာ သိသာတဲ့ အခန်းကဏ္ဍကနေ သိသိကြီးနဲ့ ပါဝင်ခဲ့ကြသူတွေကို အမေရိကန်နဲ့ နိုင်ငံတကာဥပဒေအရ အပြည့်အဝ အရေးယူသင့်တယ်လို့ ယုံကြည် ပါသလားလို့ မေးမြန်းခဲ့ရာမှာတော့-

“မြန်မာနိုင်ငံဆိုင်ရာ အမေရိကန်ရဲ့ မူဝါဒအရ ဖြစ်ပွါးခဲ့တဲ့ ဘယ်ရက်စက်မှုမျိုး အတွက်မဆို တာဝန်ခံ တာဝန်ယူမှုတွေ ရှိလာအောင် တွန်းအားပေးဖို့ ဖြစ်ပါတယ်။ လူ့အခွင့်ရေးချိုးဖေါက်မှုမှာ ပါဝင်သူတွေ အပေါ် အရေးယူနိုင်ဖို့အတွက် ထောက်ခံအားပေးပါတယ်။”

ဘင်္ဂလားဒေ့ရှ် နိုင်ငံကို ထွက်ပြေးခဲ့ကြတဲ့ ရိုဟင်ဂျာ ဒုက္ခသည် အရေးနဲ့ ပတ်သက်လို့ အမေရိကန် လွှတ်တော် ၂ ရပ်က အထူးစိုးရိမ်လျက် ရှိကြပြီး ကျူးလွန်သူတွေအပေါ် ဒဏ်ခတ် အရေးယူနိုင်ဖို့လည်း အခုလို ကြားနာစစ်ဆေးပွဲတွေ ကျင်းပသလို့ မြန်မာစစ်တပ်အပေါ် အရေးယူနိုင်ဖို့လည်း ဥပဒေကြမ်းတွေ တင်သွင်းခဲ့ကြတာ ဖြစ်ပါတယ်။

အထက်လွှတ်တော် နိုင်ငံခြားဆက်ဆံရေးကော်မတီက Burma Human Rights and Freedom Act ကို အထက်လွှတ်တော် စစ်ဘက်ဝန်ဆောင်မှု လုပ်ငန်းဆိုင်ရာ ကော်မတီ ဥက္ကဌ ရီပတ်ဘလစ်ကင် အထက်လွှတ်တော်အမတ် John McCain နဲ့ အထက်လွှတ်တော် နိုင်ငံခြားဆက်ဆံရေး ကော်မတီ အဆင့်မြင့်အဖွဲ့ဝင် Ben Cardin တို့ ဒီနှစ် ဖေဖေါ်ဝါရီလက တင်သွင်းခဲ့ရာမှာ ရိုဟင်ဂျာတွေ အပေါ် ကျူးလွန်ခဲ့တဲ့ လူ့အခွင့်ရေးချိုးဖေါက်မှုတွေ အတွက် တာဝန်ရှိခဲ့တဲ့ မြန်မာစစ်ဖက် အဆင့်မြင့်အရာရှိတွေကို ပစ်မှတ်ထား ဒဏ်ခတ် အရေးယူဖို့နဲ့ ပြည်ဝင်ခွင့်ဗီဇာပိတ်ပင်မှုတို့ ပါဝင်ပါတယ်။ ဒီဥပဒေကြမ်းကို အထက်လွှတ်တော်အမတ် Markey က ပြင်ဆင်ချက် တင်သွင်းခဲ့ ရာမှာတော့ ၂၀၁၆ အောက်တိုဘာလ နောက်ပိုင်း ရခိုင်ပြည်နယ်မှာ ဖြစ်ပွါးခဲ့တဲ့ အကြမ်းဖက်မှုတွေအတွင်း လိင်ပိုင်းဆိုင်ရာ အကြမ်းဖက်မှုကို စစ်လက်နက်သဖွယ် အသုံးပြုရာမှာ တာဝန်ရှိသူတွေကို ထိထိရောက်ရောက် စုံစမ်း အရေးယူနိုင်ဖို့ ဖြည့်စွက်မှုကို ထည့်သွင်းခဲ့ပါတယ်။

Source – https://bit.ly/2Kw886W

လုံခြုံရေးကောင်စီ မြန်မာ့အရေး တရုတ်နဲ့ ရုရှားအကာအကွယ်ပေးမှု ကန်ဝေဖန်

ရိုဟင်ဂျာမူဆလင်တွေကို မြန်မာစစ်တပ်ကနှိမ်နင်းခဲ့တာနဲ့ပတ်သက်ပြီး ကုလသမဂ္ဂလုံခြုံရေးကောင်စီက အရေးယူဆောင် ရွက်မှုတွေလုပ်ဖို့အရေးမှာ လုံခြုံရေးကောင်စီအဖွဲ့ဝင်နိုင်ငံတချို့က မြန်မာဘက်ကိုကာကွယ်ပေးနေကြတယ်ဆိုပြီး အမေ ရိကန်သံအမတ်က အပြစ်တင်ဝေဖန်လိုက်ပါတယ်။ တရုတ်နဲ့ရုရှားကို ရည်ရွယ်ပြီး အမေရိကန်သံအမတ် Nikki Haley က အခုလိုဝေဖန်ခဲ့တာပါ။ လူ့အခွင့်အရေးအဖွဲ့တွေကတော့ ဒီ၂နိုင်ငံရဲ့မြန်မာအပေါ်ရပ်တည်ချက်တွေက ပြောင်းလဲလာ နိုင်တယ်လို့ဆိုပါတယ်။ ဒီအကြောင်း ကိုကျော်အောင်လွင်က ပြောပြပါလိမ့်မယ်။

ရိုဟင်ဂျာပဋိပက္ခနဲ့ပတ်သက်ပြီး မြန်မာနိုင်ငံကိုအရေးယူဆောင်ရွက်ဖို့ ကုလသမဂ္ဂလုံခြုံရေးကောင်စီကို ဗြိတိန်နိုင်ငံက အဆိုပြုချက်မူကြမ်းတရပ်ပြီးခဲ့တဲ့ အပတ်တုန်းက တင်သွင်းခဲ့ပါတယ်။ ဒါပေမဲ့လည်း အဲဒီမူကြမ်းကို ပြင်ဆင်မှုတွေတော် တော်များများလုပ်ဖို့ တရုတ်နိုင်ငံက လုံခြုံရေးကောင်စီကိုတောင်းဆိုခဲ့တာကြောင့် အဖွဲ့ဝင်၁၅နိုင်ငံပါတဲ့ လုံခြုံရေးကောင် စီက နောက်ဆုံးမှာတော့ အားနည်းတဲ့မူကြမ်းကိုပဲ သဘောတူညီခဲ့ရပါတယ်။ ဒီကိစ္စနဲ့ပတ်သက်ပြီး ကုလသမဂ္ဂဆိုင်ရာ အမေရိကန်သံအမတ် Nikki Haley က တနင်္လာနေ့က လုံခြုံရေးကောင်စီအစည်းအဝေးမှာဝေဖန်ခဲ့တဲ့အခါ နိုင်ငံရဲ့ အမည်ကိုထည့်ပြီးမပြောခဲ့ပေမဲ့လည်း တရုတ်နိုင်ငံကိုဆိုလိုတယ်ဆိုတာကတော့ ထင်ရှားပါတယ်။

“လုံခြုံရေးကောင်စီထဲက အဖွဲ့ဝင်နိုင်ငံတချို့ဟာ အတ္တကြီးပြီး ကိုယ့်အကျိုးစီးပွါးကိုပဲ ကြည့်လိုတဲ့အကြောင်းပြချက်တွေနဲ့ အရေးယူဆောင်ရွက်မှုတွေထွက် မလာနိုင်အောင် လုပ်နေကြပါတယ်။ လုံခြုံရေးကောင်စီ အဖွဲ့ဝင်တွေ မြန်မာနဲ့ဘင်္ဂလား ဒေ့ရှ် နိုင်ငံတွေဆီကို ခရီးထွက်နေတုန်း လုံခြုံရေးကောင်စီရဲ့ညီညွတ်မှုကိုပြသဖို့အရေးမှာ ကောင်စီထဲကတချို့အဖွဲ့ဝင် နိုင်ငံတွေရဲ့ စာသားပြင်ဆင်ချက်တွေ လုပ်ခိုင်းခဲ့တာမျိုးတွေကြောင့် ကောင်စီကပြောလိုတဲ့သတင်း စကားတွေကို ထိထိ ရောက်ရောက်မပြောနိုင်ခဲ့ပါဘူး”

သံတမန်တွေရဲ့ပြောဆိုချက်အရ မြန်မာ့အရေးနဲ့ပတ်သက်ပြီးပြောဆိုဆွေးနွေးမှုတွေမှာ ရုရားဟာ တရုတ်ဘက်ကရပ် တည်ခဲ့တယ်လို့ဆိုပါတယ်။ HRW လူ့အခွင့်အရေးစောင့်ကြည့်မှု အဖွဲ့ရဲ့ အာရှရေးရာ အမှုဆောင်ညွှန်ကြားရေးမှုး Brad Adamsကတော့ တရုတ်နဲ ရုရှားနိုင်ငံတွေကိုယ်တိုင်က လူ့အခွင့်အရေးချိုးဖေါက်နေကြတာကြောင့် မြန်မာဘက်ကရပ် တည်ပေးနေတာလို့ဆိုပါတယ်။

“မြန်မာကို ရုရှားနဲ့တရုတ်အကာအကွယ်ပေးနေတဲ့အကြောင်းက သူတို့ကိုယ်သူတို့ ကာကွယ်ဖို့ကြိုးစားနေကြတဲ့သဘောပါ ပဲ။ဘာကြောင့်လဲဆိုတော့ ဒီနှစ်နိုင်ငံလုံးက လူ့အခွင့်အရေးချိုးဖေါက်မှုတွေ ဆိုးဆိုးဝါးဝါးလုပ်ထားကြတဲ့နိုင်ငံတွေပါ။ တရုတ်ဆိုရင် တိဘက်နဲ့ ၀ီဂါလူမျိုးစုတွေအပေါ်အပြင်းအထန်နှိပ်ကွပ်ထားတာပါ။ ရုရှားဆိုရင်လည်း ကော့ကေးဆပ်ဒေသ က လူနည်းစုတွေအပေါ်မှာ နှိပ်ကွပ်နေတာကြာပါပြီ။ ဒီ၂နိုင်ငံလုံးက လူနည်းစုတွေအတွက် အခြေခံလူ့အခွင့်အရေးတွေ ပေး မထားပါဘူး။ တရုတ်နဲ့ရုရှားက လူ့အခွင့်အရေးကိစ္စကို လုံခြုံရေးကောင်စီမှာ လုံးဝ တက်မလာစေချင်တာပါ။ ဘာကြောင့်လဲဆိုတော့ တချိန်မှာ ပြည်သူတွေက လူ့အခွင့်အရေးဆိုင်ရာ အရေးယူမှုမျိုးနဲ့ သူတို့ကို တိုက်ခိုက်လာကြမှာ ကို စိုးရိမ်နေကြလို့ပါပဲ။ ”

တရုတ်နဲ့ရုရှားနိုင်ငံတွေရဲ့မြန်မာပြည်အပေါ်ထားတဲ့အမြင်တွေပြောင်းလာနိုင်ခြေရှိတဲ့အချက်တွေကိုလည်း HRW လူ့ အခွင့်အရေးအဖွဲ့က Brad Adams က ထောက်ပြပါတယ်။

“ဒုတိယအချက်ကတော့ တရုတ်ဟာ သူနဲ့နယ်မြေချင်းကပ်နေတဲ့ အိမ်နီးချင်းမြန်မာနိုင်ငံမှာ ကုလသမဂ္ဂကလာပြီး လုပ် ဆောင်တာတွေကို မလိုလားပါဘူး။ ရိုဟင်ဂျာတွေအတိုက်အခိုက်ခံရတဲ့ကိစ္စနဲ့ပတ်သက်လို့ ကုလသမဂ္ဂက စုံစမ်းစစ်ဆေး တာမျိုးကိုတောင် တရုတ်က လိုလားတာမဟုတ်ပါဘူး။ ဆိုတော့ တရုတ်နဲ့ရုရှားက မြန်မာဘက်ကအခိုင်အမာရပ်ပြီး အပီ အပြင်ကာကွယ်ကြမှာပါပဲ။ ဒါပေမဲ့လည်း လုံခြုံရေးကောင်စီ မှာ တရုတ်နဲ့ရုရှားနိုင်ငံတွေ က မြန်မာပြည်ဆိုင်ရာအမြင်တွေ ပြောင်းလဲလာစေမယ့် အကြောင်းအရာတွေ ဖိအားတွေရှိလာပါလိမ့်မယ်။ အဲဒါတွေကတော့ HRWလို လူ့အခွင့်အရေး အဖွဲ့ အစည်းတွေက အဆက်မပြတ်တင်ပြနေတဲ့ အစီရင်ခံစာတွေ၊ ကုလသမဂ္ဂရဲ့အချက်အလက်ရှာဖွေရေးအဖွဲ့က စက်တင် ဘာလကျရင်တင်သွင်းမယ့် အင်မတန်အဓိကကျတဲ့ အစီရင်ခံစာတွေကြောင့် လူမျိူးစုအလိုက်ရှင်းလင်းဖယ်ရှားမှု၊ လူ သားမျိုးနွယ်စုအပေါ်ကျူးလွန်တဲ့ပစ်မှု၊ လူမျိုးတုံးသတ်ဖြတ်မှုစတဲ့ အချက်တွေကြောင့် တရုတ်နဲ့ရုရှားက မြန်မာကို အကာအကွယ်ပေးချင်ပေမဲ့လည်း ရှောင်လွှဲလို့မရတဲ့ အခြေအနေတွေကြုံလာရပါလိမ့်မယ်။ လောလောဆယ်မှာ ဖြစ်မလာသေးပေမဲ့လည်း ရေရှည်မှာတော့ မြန်မာ့အရေးဆုံးဖြတ်ချက်ကို လုံခြုံရေးကောင်စီက လက်ခံပြီးချမှတ်လာ ရလိမ့်မယ်လို့ကျနော်ထင်ပါတယ်။ ဒါကလည်း စက်တင်ဘာလနောက်ပိုင်းမှာ ဖြစ်ကောင်းဖြစ်လာနိုင်ပါတယ်”

မြန်မာကိုတရုတ်က အကာအကွယ်ပေးနေရတဲ့အကြောင်းတချက်ရှိနေသေးတာကိုလည်း Brad Adamsက ထောက်ပြ ပါတယ်။

“မြန်မာခေါင်းဆောင်တွေကို တရုတ်က ပြောနိုင်တာတခုက ခင်ဗျားတို့ကို ကျနော်တို့တရုတ်ဘက်က အကာအကွယ်မပေး ရင် ခင်ဗျားတို့တတွေ အဖမ်းခံရပြီး နိုင်ငံတကာခုံရုံးမှာ အစစ်ခံရလိမ့်မယ်ဆိုတာကိစ္စပါပဲ။ ဒါက သံသယဖြစ်စရာမရှိပါဘူး။ ဒါက သိပ်အစွမ်းထက်တဲ့ ကြိုးကိုင်ထိန်းချုပ်နှိုင်မှုပါ။ တရုတ်က သူတို့ကို လိုအပ်နေသလောက် မြန်မာစစ်တပ်ကလည်း တရုတ်ကို လိုအပ်နေတယ်ဆိုတာ မြန်မာစစ်တပ်ကလည်း သိလိမ့်မယ်လို့ ကျနော်ထင်ပါတယ်။ ဘာကြောင့်လဲဆိုတော့ မြန်မာနိုင်ငံဟာ တရုတ်အတွက် လုံခြုံရေးအရရော၊ စီးပွါးရေးအရပါ အကျိုးစီးပွါးဆိုင်ရာကိစ္စတွေ ကြီးကြီးမားမားရှိနေလို့ပါ ပဲ”

ရိုဟင်ဂျာပဋိပက္ခဖြေရှင်းရေးအတွက် မြန်မာနဲ့ဘင်္ဂလားဒေ့ရ်ှနိုင်ငံတွေကို သွားရောက်ခဲ့ကြတဲ့ လုံခြုံရေးကောင်စီအဖွဲ့ဝင် တွေဟာ တနင်္လာနေ့တုန်းက ကုလသမဂ္ဂလုံခြုံရေးကောင်စီမှာရှင်းလင်းပြောဆိုခဲ့ကြပါတယ်။ တရုတ်သံအမတ် Ma Zhaoxu ကတော့ ရှုပ်ထွေးမှုတွေပိုပြီးဖြစ်မလာရအောင် မြန်မာနဲ့ဘင်္ဂလားဒေ့ရှ် ၂နိုင်ငံအကြားအပြန်အလှန်ဖြေရှင်းမှုတွေ ကို လုံခြုံရေးကောင်စီက အားပေး သင့်တယ်လို့ပြောခဲ့ပါတယ်။ မြန်မာသံအမတ် ဟောက်ဒိုဆွမ်းကတော့ လူ့အခွင့်အရေး ချိုးဖေါက်မှုတွေကို မြန်မာအစိုးရက ခွင့်ပြုမှာမဟုတ်တဲ့အကြောင်းနဲ့ သက်သေအထောက်အထားနဲ့တင်ပြလာတဲ့ စွပ်စွဲချက်တွေကို စုံစမ်းစစ်ဆေး သွားမှာဖြစ်ပြီး ဥပဒေနဲ့အညီအရေးယူဆောင်ရွက်သွားမယ်လို့ ကုလသမဂ္ဂလုံခြုံရေးကောင်စီ မှာ ပြောဆိုခဲ့ပါတယ်။

Source – VOA

မြန်မာနိုင်ငံ၏ အချုပ်အခြာအာဏာကို ချိုးဖောက်မှု ချက်ချင်းရပ်ရန် မြန်မာသံအမတ် သတိပေး

By ဒီဗွီဘီ 16 May 2018
မြန်မာဘက်ရှိ အပြည်ပြည်ဆိုင်ရာ နယ်နိမိတ်မျဉ်းအတွင်း တရားမဝင် နေထိုင်သူတွေကို အဆောက်အဦတွေ ဆောက်လုပ်နိုင်ဖို့ ဘင်္ဂလားဒေ့ရ်ှက အကူအညီပေးနေတာဟာ မြန်မာပြည်ရဲ့ ပိုင်နက်နယ်မြေ တည်တံ့မှုနဲ့ အချုပ်အခြာအာဏာကို ပေါ်ပေါ်တင်တင် ချိုးဖောက်နေတာဖြစ်လို့ ချက်ချင်းရပ်တန့်ဖို့ မြန်မာဘက်က တောင်းဆိုလိုက်ပါတယ်။

ကုလသမဂ္ဂ လုံခြုံရေးကောင်စီရဲ့ မြန်မာနိုင်ငံခရီးစဉ်နဲ့ ပတ်သက်ပြီး မေလ ၁၄ ရက် က နယူးယောက်မြို့ရှိ ကုလသမဂ္ဂလုံခြုံရေးကောင်စီမှာ တံခါးဖွင့်ရှင်းလင်းပွဲတရပ် ကျင်းပရာမှာ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးဟောက်ဒိုဆွမ်းက ပြောကြားလိုက်တာပါ။

မြန်မာနိုင်ငံဘက်က နှစ်နိုင်ငံ ပူးပေါင်းဆောင်ရွက်မှု နည်းလမ်းနဲ့ စိတ်ရင်းမှန်နဲ့ ဖြေရှင်းဖို့ ကြိုးပမ်းနေပေမယ့် ဘင်္ဂလားဒေ့ရ်ှအနေနဲ့ နှစ်နိုင်ငံ သဘောတူညီချက်တွေအတိုင်း လိုက်နာ ဆောင်ရွက်ရမယ့်အစား ပြန်လည်လက်ခံရေးလုပ်ငန်းစဉ်ကို ဖင့်နှေးအောင် ဆင်ခြေဆင်လက်တွေ တခုပြီးတခု ပေးနေတာဟာ စိတ်ပျက်ဖွယ် ဖြစ်တယ်လို့လည်း မြန်မာသံမတ်က ပြောပါတယ်။

“ဘင်္ဂလားဒေ့ရ်ှအနေနဲ့ အခြေအနေမှန်ကို ဖုံးကွယ်ကာ မြန်မာနိုင်ငံအနေနဲ့ နေရပ်စွန့်ခွာသူတွေကို ပြန်လည်လက်ခံဖို့ ဆန္ဒမရှိကြောင်း တကမ္ဘာလုံးကို ပြောကြားနေတယ်။ မြန်မာနိုင်ငံအား နိုင်ငံတကာမှ ပြစ်တင်ရှုတ်ချစေဖို့နဲ့ နိုင်ငံရေးအရ ဖိအားပေးမှုတွေ မြင့်မားလာစေဖို့အတွက် ဘင်္ဂလားဒေ့ရ်ှအနေနဲ့ မဟုတ်မမှန် ပြောကြားကာ မြန်မာအစိုးရနဲ့ ပြည်သူတွေကို ပုတ်ခတ်ဝေဖန်နေတယ်၊ ပြန်လည်လက်ခံရေးလုပ်ငန်းစဉ် အောင်မြင်စေဖို့ အတွက် ဘင်္ဂလားဒေ့ရ်ှအစိုးရရဲ့ စစ်မှန်တဲ့ ပူးပေါင်းဆောင်ရွက်မှုတွေ လိုအပ်တယ်”

ဘင်္ဂလားဒေ့ရ်ှဘက်က ဒေသတွင်းမှာ အစွန်းရောက်တွေ ပေါ်ပေါက်လာစေဖို့ အမှတ်တမဲ့ ခွင့်ပြုနေတဲ့အပေါ် လွန်စွာစိုးရိမ်ပူပန်တဲ့အကြောင်း ARSA အနေနဲ့ ဒုက္ခသည်စခန်းတွေမှာ ခြေကုပ်ယူနေပြီး၊ အကြမ်းဖက်မှုနဲ့ အစွန်းရောက်မှုတို့ အမာခံနယ်မြေတခု မကြာမီ ဖြစ်လာလိမ့်မှာ ဖြစ်ကြောင်း၊ မေလ ၉ ရက်က ၄ ဦးကနေ ၆ ဦးအထိ ပါဝင်တဲ့ အကြမ်းဖက်အုပ်စုဟာ ဘူလူကာလီ ဒုက္ခသည်စခန်းသို့ ဝင်ရောက်ခဲ့ပြီး အသက် ၄၆ နှစ်အရွယ် Mohamed Faisal Ulhaq ဆိုသူကို ခေါ်ထုတ်ကာ ဓားနဲ့ ထိုးသတ်ခဲ့တယ်လို့လည်း မြန်မာသံအမတ်ကပြောပါတယ်။

ဒါ့အပြင် လူ့အခွင့်အရေးချိုးဖောက်မှုတွေနဲ့ ပတ်သက်ပြီးလည်း အကာအကွယ်ပေးမယ့်အကြောင်း၊ အထောက်အထား တင်ပြနိုင်တဲ့ စွပ်စွဲချက်တွေကို တရားဥပဒေအရ စစ်ဆေးအရေးယူမှာ ဖြစ်ကြောင်း၊ ကျူးလွန်သူတွေကို အရေးယူ အပြစ်ပေးနိုင်ရန်ဖို့ ပြစ်မှုဆိုင်ရာ သက်သေအထောက်အထား တင်ပြနိုင်မယ့် လိင်ပိုင်းဆိုင်ရာ အကြမ်းဖက်ခံရသူတွေကို မြန်မာ့တပ်မတော်က ကြိုဆိုမယ်လို့ ကာကွယ်ရေးဦးစီးချုပ်က လုံခြုံရေးကောင်စီအဖွဲ့ဝင်တွေကို ပြောကြားခဲ့တယ်လို့လည်း သံအမတ်ကြီး ဦးဟောက်ဒိုဆွမ်းက ဆိုပါတယ်။

လုံခြုံရေးကောင်စီအဖွဲ့ဝင် နိုင်ငံတွေက သံတမန်တွေဟာ ဧပြီ ၂၈ ရက်မှ ၃၀ ရက်ထိ ဘင်္ဂလားဒေ့ရ်ှနိုင်ငံနဲ့ ဧပြီ ၃၀ ရက်မှ မေလ ၁ ရက်အထိ မြန်မာနိုင်ငံကို သွားရောက်ခဲ့ပါတယ်။

ဒီခရီးစဉ်နဲ့ပတ်သက်တဲ့ တံခါးဖွင့်ရှင်းလင်းပွဲကို လုံခြုံရေးကောင်စီ လက်ရှိအလှည့်ကျ ဥက္ကဋ္ဌဖြစ်တဲ့ ပိုလန်နိုင်ငံက ဦးဆောင်ကျင်းပပြီး ကူဝိတ်၊ ပီရူး၊ ယူကေ၊ ဘင်္ဂလားဒေ့ရှ်၊ တရုတ်၊ အမေရိကန်၊ ဆွီဒင်၊ ပြင်သစ်၊ ကာဇက်စတန်၊ အီကွေတိုရီးယားဂီနီ၊ ရုရှား၊ နယ်သာလန်၊ ပိုလန်နိုင်ငံနဲ့ မြန်မာနိုင်ငံတို့က ဆွေးနွေးခဲ့ကြပါတယ်။

ဓာတ်ပုံ-UNSC

Source  – ဒီဗွီဘီ

ရခိုင်ခရီးစဉ် ကုလလုံခြုံရေးကောင်စီ သုံးသပ်ဆွေးနွေး

မြန်မာနိုင်ငံ ရခိုင်မြောက်ပိုင်းပဋိပက္ခရဲ့ ဒေသတွင်း အပျက်အစီးပမာဏကိုကြည့်မယ်ဆိုရင် ဒေသခံမွတ်ဆလင်တွေဟာ Ethnic Cleansing လူမျိုးနွယ်စုလိုက်ရှင်းလင်းတာမျိုး ခံခဲ့ရဖွယ်ရှိတယ်လို့ အဲဒီ ဒေသကို သွားရောက်လေ့လာခဲ့တဲ့ သံတမန်တွေက ကုလသမဂ္ဂလုံခြုံရေးကောင်စီမှာ ရှင်းလင်းပြောဆိုခဲ့ကြပါတယ်။ ဒုက္ခသည်တွေအနေနဲ့ နေရပ်ကို ဘေးကင်းကင်း ဂုဏ်သိက္ခာရှိရှိ ပြန်နိုင်မယ့်အခြေအနေလည်း မရှိသေးဘူးလို့ သံတမန်အချို့က ပြောပါတယ်။ ကုလသမဂ္ဂ လုံခြုံရေးကောင်စီ သံတမန်အဖွဲ့ရဲ့ မြန်မာနိုင်ငံခရီးစဉ်နဲ့ပတ်သက်ပြီး၊ လုံခြုံရေးကောင်စီမှာ မနေ့က ပြန်လည်သုံးသပ်ဆွေးနွေးခဲ့ကြတာပါ။ အပြည့်အစုံကိုတော့ ကိုသားညွန့်ဦးက ပြောပြပါမယ်။

ကုလသမဂ္ဂ လုံခြုံရေးကောင်စီရဲ့ သံတမန်အဖွဲ့ဟာ ဘင်္ဂလားဒေ့ရ်ှမှာရှိတဲ့ ရိုဟင်ဂျာဒုက္ခသည်စခန်းတွေနဲ့ မြန်မာနိုင်ငံတွင်း ပဋိပက္ခဖြစ်ရာဒေသ နောက်ပြီး မြန်မာအစိုးရရဲ့ ဒုက္ခသည်လက်ခံရေးပြင်ဆင်ဆောင်ရွက်မှုတွေကို သွားရောက်လေ့လာခဲ့ပြီး၊ မနေ့ တနင်းလာနေ့မှာတော့ လုံခြုံရေးကောင်စီမှာ ဒီ ခရီးစဉ်နဲ့ပတ်သက်လို့ ပြန်လည်ရှင်းလင်း သုံးသပ်မှုတွေ လုပ်ခဲ့ကြတာပါ။ ခရီးစဉ်မှာ ပါသွားတဲ့ ကုလသမဂ္ဂဆိုင်ရာ ကူဝိတ်နိုင်ငံ သံအမတ်ကြီး Mansour Al Otaibi ကတော့ ဒုက္ခသည်တွေအနေနဲ့ သူတို့ဆန္ဒနဲ့သူတို့ နေရပ်ကို ဘေးကင်းကင်း ဂုဏ်သိက္ခာရှိရှိ ပြန်နိုင်မယ့် အခြေအနေကောင်း မရှိသေးဘူးဆိုပြီး ပြောဆိုသွားပါတယ်။ ဒါပေမယ့် သူတို့ကိုယ်တိုင်မြင်ခဲ့ရတဲ့အနေအထားတွေအရ ပဋိပက္ခအတွင်းမှာ မွတ်ဆလင်ဒေသခံတွေအနေနဲ့ လူမျိုးနွယ်စုလိုက်ရှင်းလင်းတာမျိုး ခံခဲ့ရနိုင်ချေရှိတယ်လို့ လုံခြုံရေးကောင်စီအစည်းအဝေးမှာ ပြောဆိုသွားပါတယ်။

“ ရခိုင်မြောက်ပိုင်းက ရိုဟင်ဂျာလူနည်းစုကျေးရွာတွေက အပျက်အစီးပမာဏကို မြင်လိုက်ရခြင်းအားဖြင့် ဒီ လူနည်းစုတွေအပေါ် ပစ်မှတ်ထားပြီး အစီအစဉ်တကျ အကြမ်းဖက်တဲ့ လုပ်ရပ်မျိုးတွေ ဖြစ်ခဲ့တယ်ဆိုတာ ပြနေပါတယ်။ ဒီလူတွေဟာ အစ္စလာမ်ဘာသာကိုးကွယ်ကြတဲ့ လူမျိုးတွေဖြစ်တာက လွဲလို့ ဘာရာဇ၀တ်မှုမှ ကျူးလွန်ခဲ့တဲ့သူတွေ မဟုတ်ပါဘူး။ ကျေးရွာတွေကို ကျနော်တို့ ဖြတ်သွားတော့ ရွာတွေမှာ မီးလောင်နေတဲ့ ဖျက်ဆီးခံထားရတဲ့ နေအိမ်တွေ တွေ့ပါတယ်။ ဒါတွေကိုကြည့်မယ်ဆိုရင် သူတို့ဟာ နိုင်ငံသားတယောက်ရဲ့အခွင့်အရေးတွေ ချိုးဖောက်ခံရပြီး၊ သူတို့ကြုံတွေ့ခဲ့ရတာတွေဟာ လူမျိုးနွယ်စုလိုက်ရှင်းလင်းဖယ်ရှားမှု အတိုင်းအတာအထိ ဖြစ်နိုင်ပါတယ်။”

ကုလသမဂ္ဂဆိုင်ရာ အမေရိကန်သံအမတ်ကြီး Nikki Haley ကတော့ ရိုဟင်ဂျာမွတ်ဆလင်တွေအပေါ် နှိပ်ကွပ်မှုတွေနဲ့ပတ်သက်ပြီး ကုလသမဂ္ဂလုံခြုံရေးကောင်စီက ပြင်းပြင်းထန်ထန်အရးယူဖို့အရေးမှာ တရုတ်နိုင်ငံက မြန်မာကို အကာအကွယ်ပေးနေတဲ့သဘော သွယ်ဝိုက်ဝေဖန်သွားပါတယ်။ အချို့ကြောင့် ခရီးစဉ်အတွင်း လုံခြုံရေးကောင်စီညီညွတ်မှုပြဖို့ကို ထိခိုက်စေခဲ့ပြီး၊ စာသားပြင်ဆင်မှုတွေကြောင့်လည်း လုံခြုံရေးကောင်စီရဲ့ ထုတ်ပြန်ချက်တွေမှာ အားပျော့ခဲ့ရတယ်လို့ အမေရိကန်သံအမတ်ကြီးက ပြောခဲ့ပါတယ်။ ကုလသမဂ္ဂဆိုင်ရာ တရုတ်သံအမတ်ကြီး Ma Zhaoxu ကတော့ ပြဿနာကို ပိုပြီး မရှုပ်ထွေးလာစေဖို့ မြန်မာနဲ့ဘင်္ဂလားဒေရ်ှ နှစ်နိုင်ငံအကြား ဖြေရှင်းမှုကို အားပေးသင့်တယ်လို့ လုံခြုံရေးကောင်စီမှာ ပြောသွားပါတယ်။ ခရီးစဉ်မှာ ပါသွားတဲ့အထဲ ရခိုင်ပဋိပက္ခနဲ့ပတ်သက်လို့ ပြင်းပြင်းထန်ထန် ပြောလေ့ရှိသူတဦးကတော့ ကုလသမဂ္ဂဆိုင်ရာ ဗြိတိန်သံအမတ်ကြီး Karen Pierce ပါ။ ဒီလောက် ကြီးမားတဲ့ပြဿနာကို ကိုင်တွယ်ဖို့ဆိုတာ ကုလသမဂ္ဂတခုတည်းကပဲ ကျွမ်းကျင်ပိုင်နိုင်မှုရှိတာမို့ ရခိုင်ဒေသကို ကုလသမဂ္ဂကို အတားအဆီးမရှိ ၀င်ခွင့်ပေးဖို့လိုတယ်လို့ သူက လုံခြုံရေးကောင်စီမှာ ပြောပါတယ်။

“ဒုက္ခသည်တွေ ရင်ဆိုင်ကြုံတွေ့နေရတာတွေ အစိုးရနဲ့ ကုလသမဂ္ဂ ကြုံတွေ့နေရတာတွေအတွက် ကျမ အင်မတန်တုန်လှုပ်ခဲ့ရပါတယ်။ ကြီးမား ကျယ်ပြန်တဲ့ အပျက်အစီးအတိုင်းအတာတွေ့ခဲ့ရပြီး၊ ဒါဟာ ဒုက္ခသည်တွေ ဘင်္ဂလားဒေ့ရ်ှဖက်ကို အစုအပြုံလိုက်ထွက်ပြေးရတဲ့ အကြောင်းရင်းတခုဆိုတာ ထင်ရှားပါတယ်။ ဒီလူတွေ နေအိမ်ပြန်နိုင်ဖို့လည်း ကြိုးစားနေကြပါတယ်။ ဒုတိယလုပ်ရမှာကတော့ ဒီပြဿနာတွေကို တုန့်ပြန်အရေးယူရေး အစိုးရအာဏာပိုင်တွေအနေနဲ့ တိုးမြင့်လုပ်ဆောင်ဖို့နဲ့ ဒုက္ခသည်တွေကို ကူညီနိုင်ဖို့ ကုလသမဂ္ဂကို အကန့်အသတ်မရှိ ၀င်ရောက်ခွင့်ပေးရေးပါ။ ဒီလို ပမာဏာနဲ့ကြုံတွေ့နေရတာကို ဘယ်လို ကိုင်တွယ်ရမလဲဆိုတာ ကုလသမဂ္ဂကပဲ ကျွမ်းကျင်ပိုင်နိုင်မှုရှိတာပါ။”

ကုလသမဂ္ဂဆိုင်ရာ မြန်မာသံအမတ်ကြီး ဦးဟောက်ဒိုဆွန်းကတော့ မြန်မာအစိုးရအနေနဲ့ လူ့အခွင့်အရေးချိုးဖောက်မှုတွေကို ခွင့်ပြုမှာမဟုတ်ပဲ၊ စွတ်စွဲချက်တွေကိုလည်း ဥပဒေအတိုင်း စုံစမ်းသွားမှာဖြစ်တယ်လို့ လုံခြုံရေးကောင်စီမှာ ပြောပါတယ်။ အရေးကြီးဆုံးကတော့ ဒုက္ခသည်တွေ ပြန်လက်ခံရေးလုပ်ငန်းစဉ်တွေ စတင်နိုင်ဖို့ဖြစ်တယ်လို့ဆိုပါတယ်။

“ ရခိုင်ပြည်နယ်က လက်ရှိ ပြဿနာတွေကို ဖြေရှင်းရာမှာ အရေးတကြီးလုပ်ရမှာက နှစ်နိုင်ငံသဘောတူညီချက်နဲ့အညီ ဒုက္ခသည်တွေ ပြန်လက်ခံရေး စတင်ဖို့ဆိုတာကို ကျနော်တို့အားလုံး သဘောထားတူပါတယ်။ ကျနော်တို့ဖက်ကတော့ ဒီလူတွေကို လက်ခံဖို့ အဆင်သင့်ရှိနေတာကြောင့်၊ ဖြစ်နိုင်သမျှ မြန်မြန် ဒီလုပ်ငန်းတွေကို စတင်လိုတယ်ဆိုတာကို ကျနော်တို့ အကြိမ်ကြိမ်ပြောထားပါတယ်။”

ဒုက္ခသည်တွေ ပြန်လာရေးစတင်ဖို့ မြန်မာဖက်က ပြောနေပေမယ့်၊ ဒုက္ခသည်တွေအတွက် ရေရှည်အနာဂတ် ဘေးကင်းလုံခြုံမှု လွတ်လပ်စွာ နေထိုင်သွားလာခွင့်နဲ့ နိုင်ငံသားအခွင့်အရေးတန်းတူရရှိရေးတွေဟာ ဒုက္ခသည်တွေဖက်က လိုလားတဲ့ အာမခံချက်မျိုးဖြစ်တယ်လို့ ဘင်္ဂလားဒေ့ရ်ှသံအမတ်က ပြောခဲ့ပါတယ်။ အမေရိကန်သံအမတ်ကြီး Haley ကတော့ ခရီးစဉ်မှာ ပါမသွားခဲ့ပါဘူး။ ဒါပေမယ့် ဒီ အကြပ်အတည်းကို ဖြေရှင်းဖို့ လုံခြုံရေးကောင်စီအနေနဲ့နည်းလမ်းရှိတယ်လို့ သူက ပြောပါတယ်။ ဘယ်လိုနည်းလမ်းလဲဆိုတာကိုတော့ အသေးစိတ်မပြောပါဘူး။ လူသားချင်းစာနာမှုကူညီရေးဆိုင်ရာအကြပ်အတည်းကိုရော လူ့အခွင့်အရေးပြသနာကိုပါ ဖြေရှင်းဖို့အတွက် လုံခြုံရေးကောင်စီကနေ မြန်မာနိုင်ငံနဲ့ပတ်သက်လို့ ဆုံးဖြတ်ချက်တရပ် အလျင်အမြန်ချမှတ်ရလိမ့်မယ်လို့ အမေရိကန်သံအမတ်က မနေ့က လုံခြုံရေးကောင်စီအစည်းအဝေးမှာ ပြောခဲ့ပါတယ်။

Source – VOA

မောင်တောဒေသ ဖြစ်စဉ်များကြောင့် မြန်မာနှင့်အီးယူအကြား ရင်းနှီးမြှုပ်နှံမှုအကာအကွယ်ပေးရေး စာချုပ်ချုပ်ရန် အီးယူဘက်မှရပ်ဆိုင်းလိုက်သဖြင့် အနောက်နိုင်ငံများ၏ ရင်းနှီးမြှုပ်နှံမှုများ ၀င်ရောက်ရန်မျှော်မှန်း၍မရဟု ဆို

ရခိုင်ပြည်နယ် မောင်တောဒေသ ဖြစ်စဉ်များကြောင့် မြန်မာနိုင်ငံနှင့် အီးယူနိုင်ငံများအကြား နှစ်နိုင်ငံရင်းနှီးမြှုပ်နှံမှု အကာအကွယ်ပေးရေး စာချုပ်ချုပ်ဆိုရန်အတွက် အီးယူဘက်မှ ရပ်ဆိုင်းလိုက်သဖြင့် ၂၀၁၈ ခုနှစ်အတွင်း မြန်မာနိုင်ငံတွင်းသို့ အနောက်နိုင်ငံများ၏ ရင်းနှီးမြှုပ်နှံမှုများ အလုံးအရင်းနှင့် ၀င်ရောက်လာရန် မျှော်မှန်း၍မရကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင် အတွင်းရေးမှူး ဦးအောင်နိုင်ဦးက ဇန်န၀ါရီ ၇ ရက်က ရန်ကုန်မြို့ရှိ ကုန်သည်စက်မှုအသင်းချုပ်တွင် ကျင်းပသည့် Myanmar Investment Outlook Seminar -2018 အခမ်းအနားတွင် ပြောကြားသည်။

“၂၀၁၈ ခုနှစ်မှာ ကောင်းတာတွေရှိနေသလို  ကျွန်တော်တို့ မျှော်မှန်းသလို မဖြစ်တာတွေ ရှိနေပါသေးတယ်။ အဲဒါကတော့ မောင်တောဒေသမှာဖြစ်တဲ့ ဖြစ်စဉ်တွေက ကျွန်တော်တို့တိုင်းပြည်ရဲ့ ပုံရိပ်ကိုထိခိုက်မှုတွေ ရှိခဲ့တယ်။ အဲဒါနဲ့ဆက်စပ်ပြီး ဘာဖြစ်သွားလဲဆိုတော့ ကျွန်တော်တို့နဲ့ အီးယူနဲ့ နှစ်နိုင်ငံရင်းနှီးမြှုပ်နှံမှု အကာအကွယ်ပေးရေး စာချုပ်နဲ့ ပတ်သက်ပြီး ညှိနေတာက ပြီးသလောက်ရှိနေပြီ။ အဲဒီအချိန်မှာ ဒါကို ရပ်လိုက်တယ်။ ရပ်လိုက်တဲ့အတွက် မူလကျွန်တော်တို့ မျှော်မှန်းခဲ့တာက ၂၀၁၇ မှာ ဒီစာချုပ်က ပြီးအောင်ညှိမယ်၊ လက်မှတ်ထိုးမယ်၊ ၂၀၁၈၊၂၀၁၉ မှာ တိုင်းပြည်ထဲမှာ အီးယူရင်း နှီးမြှုပ်နှံမှုတွေ အများကြီးဝင်လာအောင် Promote လုပ်မယ်ဆိုပြီးတော့မှ အားကြိုးမာန်တက် ဆောင်ရွက်ခဲ့ပါတယ်။ သုံးနှစ်လောက်အချိန်ယူ ပြင်ဆင်ခဲ့ပါတယ်။

သို့သော်လည်း ရပ်ဆိုင်းလိုက်တဲ့အတွက် ၂၀၁၈ ခုနှစ်အတွင်း အနောက်နိုင်ငံများမှ ရင်းနှီးမြှုပ်နှံမှုများစွာ ၀င်ရောက်လာရန် မျှော်မှန်း၍မရနိုင်ကြောင်း ၎င်းက ဆိုသည်။

“အဲဒီတော့ ခြုံပြောရရင် ၂၀၁၈ သည် တိုင်းပြည်အတွက် Legal Infrastructure ပိုင်းကပြောရင် ပိုပြီးအားကောင်းတဲ့ ဥပဒေတွေ Legal Framework ဖြစ်လာတဲ့အတွက်ကြောင့် စီးပွားရေးဘက်မှာ  လုပ်သာကိုင်သာ ပိုပြီးရှိလာတယ်။ အခွင့်အလမ်းတွေ ပိုပြီးများလာတယ်။ ကဏ္ဍအလိုက်လုပ်သား အင်အားအခြေပြုတဲ့လုပ်ငန်းတွေ ပိုပြီးဝင်လာမယ်” ဟု ဦးအောင်နိုင်ဦးက ပြောကြားသည်။

လက်ရှိအချိန်တွင် မြန်မာနိုင်ငံတွင် နိုင်ငံတကာမှ လာရောက်ရင်းနှီးမြှုပ်နှံရန် စိတ်ဝင်စားမှု မြင့်တက်နေပြီး အထူးသဖြင့် အာဆီယံနိုင်ငံများ၊ ဂျပန်နှင့် တရုတ်နိုင်ငံတို့မှ အဓိကစိတ်ဝင်စားမှု မြင့်တက်နေခြင်းဖြစ်ကြောင်း မြန်မာနိုင်ငံရင်းနှီးမြှုပ်နှံမှု ကော်မရှင် ဒုတိယဥက္ကဋ္ဌဒေါက်တာသန်းမြင့်က ပြောကြားသည်။

“နိုင်ငံခြားကလည်း ကျွန်တော်တို့နိုင်ငံမှာ လာရောက်ရင်းနှီးမြှုပ်နှံဖို့ စိတ်ဝင်စားမှု ရှိပါတယ်။ အထူးသဖြင့် အာဆီယံနိုင်ငံများနဲ့ ဂျပန်၊ တရုတ် စသည်ဖြစ်အလားအလာကောင်းတွေ ရှိပါတယ်” ဟု ဒေါက်တာသန်းမြင့်က ပြောကြားသည်။

၂၀၁၇-၂၀၁၈ ဘဏ္ဍာနှစ် ဒီဇင်ဘာ တတိယပတ်အထိ မြန်မာနိုင်ငံအတွင်းသို့ ရင်းနှီးမြှုပ်နှံမှု တိုးမြှင့်ခြင်းအပါအ၀င် နိုင်ငံခြား ရင်းနှီးမြှုပ်နှံမှုပမာဏ ဒေါ်လာ ငါးဘီလျံကျော် ၀င်ရောက်ထားပြီး စင်ကာပူနိုင်ငံက အများဆုံးဝင်ရောက်မြှုပ်နှံထားကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင် သတင်းထုတ်ပြန်ချက်အမှတ်စဉ် (၁၄/ ၂၀၁၇) အရ သိရသည်။

လက်ရှိဘဏ္ဍာနှစ်ဝက်အတွင်း ဘင်္ဂလားဒေ့ရှ်၊ ဘရူနိုင်း၊ တရုတ်၊ ပြင်သစ်၊ ဂျာမနီ၊ ဟောင်ကောင်၊ အိန္ဒိယ၊ အင်ဒိုနီးရှား၊ ဂျပန်၊ မကာအို၊ မလေးရှား၊ ကိုရီးယား၊ စင်ကာပူ၊  သီရိလင်္ကာ၊ ထိုင်း၊ နယ်သာလန်၊ ယူနိုက်တက်ကင်းဒမ်း၊ အမေရိကန်၊ ဗီယက်နမ်၊ လူဇင်ဘတ်၊ ဆာမိုအာ၊ ကာတာ၊ တောင်အာဖရိက၊ ထိုင်ဝမ်၊ နယူးဇီလန်စသည့် နိုင်ငံ၊ ဒေသများမှ နိုင်ငံခြားရင်းနှီးမြှုပ်နှံမှုများ ၀င်ရောက်ခဲ့ခြင်းဖြစ်ကြောင်း သိရသည်။

Source : http://news-eleven.com/news/30900

ဒေါက်တာ Surakiart Sathirathai ရဲ့ ရခိုင်အရေး ပထမဆုံးပြောဆိုချက်များ

ရခိုင်ပြည်ကို သတင်းမီဒီယာနဲ့ အကူအညီပေးသူတွေ ၀င်ခွင့်ပြုဖို့ ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေး ကော်မတီရဲ့ အကြံပေးအဖွဲ့ခေါင်းဆောင် ထိုင်း ဒုတိယ၀န်ကြီးချုပ်ဟောင်း ဒေါက်တာ Surakiart Sathirathai က ပြောပါတယ်။ ဒါ့အပြင် အဖမ်းခံထားရတဲ့ ရိုက်တာ သတင်းထောက်နှစ်ဦးကိစ္စ မြန်မာအစိုးရ တာဝန်ရှိသူတဦးနဲ့ တွေ့ဆုံချိန် သူပြောဆိုခဲ့ တယ်လို့လဲ ဆိုပါတယ်။ ဒီအကြံပေးအဖွဲ့ကို ဖွဲ့စည်းပြီး ကတည်းကဆိုရင် ရခိုင်အရေးနဲ့ ပတ်သက်ပြီး သတင်း မီဒီယာတခုနဲ့ ပထမဆုံးလုပ်တဲ့ တွေ့ဆုံမေးမြန်းခန်းမှာ ဒေါက်တာ Surakiat က အဲဒီလိုပြောထားတာပါ။

ရိုက်တာသတင်းဌာနက တွေ့ဆုံမေးမြန်းချိန်အတွင်း ဒေါက်တာ Surakiat ပြောထားတာတွေကို စုစည်းပြီး မအင်ကြင်းနိုင်က ပြောပြပါမယ်။

ရခိုင်ပြည်နယ်မှာ လူသားစာနာမှု အကူအညီပေးသူတွေ၊ သတင်းသမားတွေကို အကန့်အသတ်မရှိ လွတ်လပ်စွာ သွားလာခွင့်ပေးသင့် တယ်လို့ ရခိုင်ပြည်နယ်ဆိုင်ရာ နိုင်ငံတကာအကြံပေးအဖွဲ့ ခေါင်းဆောင် ထိုင်းနိုင်ငံ ဒုတိယ၀န်ကြီးချုပ်ဟောင်း Surakiart Sathirathai ကပြောပါတယ်။

Reuters သတင်းဌာနက မြန်မာသတင်းထောက် နှစ်ဦး ကိုလည်း ပြီးခဲ့တဲ့ ဒီဇင်ဘာလက အာဏာပိုင်တွေ ဖမ်းဆီးထိန်းသိမ်းထားတဲ့ အခြေအနေကို သူ့အနေနဲ့ စိုးရိမ်မကင်းဖြစ်မိကြောင်းနဲ့ ဒီဖြစ်ရပ်ဟာ နိုင်ငံတကာ သတင်းမီဒီယာတွေအပေါ် ကြီးမားတဲ့ ကန့်သတ်မှုတွေကို ရှေ့ရှုနေတဲ့ အလားအလာမဟုတ်ဖို့ သူ့အနေနဲ့ မျှော်လင့်မိကြောင်း Mr. Sathirathai ကဆိုပါတယ်။

Reuters သတင်းဌာနနဲ့ ဘန်ကောက်မှာ တွေ့ဆုံမေးမြန်းစဉ် သူက အဲဒီလို ပြောတာပါ။ ရခိုင်ပြည်နယ်မှာ လွတ်လပ်စွာသတင်းရယူခွင့် နဲ့ လူသားချင်းစာနာမှုဆိုင်ရာအကူအညီတွေရောက်ရှိဖို့အရေးပါသလို အခြား သက်ဆိုင်ရာပုဂ္ဂိုလ် အဖွဲ့အစည်းတွေအနေနဲ့လည်း လွတ်လွတ်လပ်လပ် ၀င်ရောက်စုံစမ်းလေ့လာခွင့်ရဖို့ အရေးကြီးတယ်လို့ Surakiart Sathirathai ကပြောပါတယ်။

ရခိုင်ပြည်နယ် ပဋိပက္ခတွေအကြောင်း သတင်းရေးနေတဲ့ Reuters သတင်းထောက်တွေဖြစ်တဲ့ ကိုဝလုံးနဲ့ ကိုကျော်စိုးဦးတို့ နှစ်ဦးကို အစိုးရလျှို့ဝှက်ချက် ဥပဒေ ချိုးဖောက်မှုမှာ သံသယရှိသူတွေအဖြစ် ဒီဇင်ဘာလ ၁၂ ရက်နေ့က ရန်ကုန်မြို့ဆင်ခြေဖုန်းဘက်မှာ အာဏာပိုင်တွေက ဖမ်းဆီးခဲ့တာဖြစ်ပါတယ်။ အခုလို သူတို့ နှစ်ဦးဖမ်းဆီးခံရမှုကို စိုးရိမ်ကြောင်း အမျိုးသားလုံခြုံရေးအကြံပေးပုဂ္ဂိုလ် ဦးသောင်းထွန်းကို တင်ပြထားတယ်လို့ Mr. Sathirathai က Reuters သတင်းဌာနကို ပြောပါတယ်။ ဒီအမှုနဲ့ ပတ်သက်လို့ ပွင့်လင်းမြင်သာစွာ ကိုင်တွယ်ဖို့နဲ့ စီလျော်တဲ့ တရားဥပဒေနဲ့ အညီဆောင်ရွက်ဖို့ ဦးသောင်းထွန်းကို အကြံပြုထားတယ်လို့ Surakiart Sathirathai က ဆိုပါတယ်။

သတင်းထောက် နှစ်ဦး ဖမ်းခံရတဲ့ ဖြစ်ရပ်ဟာ နိုင်ငံတကာသတင်းမီဒီယာတွေအတွက်ရော မြန်မာအစိုးရအတွက်ပါ ပြောင်းပြန်အကျိုး သက်ရောက်မှုတွေ မဖြစ်စေဖို့ သူမျှော်လင့်မိကြောင်း Mr. Sathirathai ကပြောပါတယ်။ ဘင်္ဂလားဒေ့ရ်ှနိုင်ငံဘက် ထွက်ပြေးသွားသူတွေကို နေရပ်ပြန်လာရေးနဲ့ ပြန်လည်နေရာချထားရေး ကိစ္စမှာ နိုင်ငံတကာဘက်က စိုးရိမ်မှုတွေရှိနေတယ်လို့ Surakiart Sathirathai ကပြော ပါတယ်။ ဒုက္ခသည်တွေကို တည်ဆဲဥပဒေအရ မြန်မာနိုင်ငံသားအဖြစ် အသိအမှတ်ပြုမခံရရင်တောင် ဘေးကင်းလုံခြုံစွာ နေရပ်ပြန်နိုင်ရေး အသေအချာဆောင်ရွက်ပေးနိုင်တဲ့ နည်းလမ်းတွေကို သူဦးဆောင်တဲ့ ရခိုင်အကြံပေးအဖွဲ့အနေနဲ့ ရှာဖွေဖို့ လိုအပ်နေတယ်လို့လည်း ဆိုပါတယ်။

အခုလို ရခိုင်အကြပ်အတည်းကိစ္စမှာ ဒေါ်အောင်ဆန်းစုကြည်ကို နိုင်ငံတကာက ၀ိုင်းဝန်းဝေဖန်နေကြတဲ့အပေါ် Mr. Sathirathai ရဲ့ အမြင်ကတော့ ဒေါ်အောင်ဆန်းစုကြည်ဟာ ပြည်တွင်းနိုင်ငံရေး အကန့်အသတ်ထဲ ရောက်နေတယ်လို့ သုံးသပ်ပါတယ်။ ရခိုင် ပြဿနာမှာ လက်ညှိုးထိုး အပြစ်တင်ဖို့ထက် အတွင်းမှာ အများသဘော တူညီချက်နဲ့ ဖြေရှင်းနိုင်ဖို့ ဒေါ်အောင်ဆန်းစုကြည်က ကြိုးစားခဲ့တယ်လို့ Surakiart Sathirathai က ပြောပါတယ်။

ရခိုင်ပြည်နယ်က အခြေအနေကို ကြည့်ရာမှာ ပြည်တွင်းနဲ့ နိုင်ငံတကာက သုံးသပ်ရှုမြင်ပုံ ကြီးကြီးမားမားကွာခြားနေကြောင်းနဲ့ ဒီအချက်ကို ပေါင်းကူးအနေနဲ့ ချိတ်ဆက်မပေးနိုင်ဘူးဆိုရင် အခြေအနေတွေ တိုးတက်ကောင်းမွန်လာဖို့ အနှောင့်အယှက်အဟန့်အတားအဖြစ် ရှိနေ လိမ့်မယ်လို့Surakiart Sathirathai က သုံးသပ်ပါတယ်။ သူရဲ့ ရခိုင်အကြံပေးအဖွဲ့ဟာ စစ်တပ်အပါအ၀င် ရခိုင်ပြည်နယ်မှာရှိတဲ့ အဖွဲ့ အားလုံးနဲ့ ညှိုနှိုင်းဆွေးနွေး တိုင်ပင်ဖို့ ကြိုးပမ်းဆောင်ရွက်မှာ ဖြစ်တယ်လို့ ထိုင်းဒုဝန်ကြီးချုပ်ဟောင်းက ပြောပါတယ်။ ရခိုင်အကြံပေးအဖွဲ့ကို အပြောသက်သက် အဖွဲ့တဖွဲ့ မဖြစ်ချင်ကြောင်း၊ လက်ဆုပ်လက်ကိုင် ပြနိုင်တဲ့ တိုးတက်မှုတွေ ရလာအောင် ကူညီဆောင်ရွက်ပေးတဲ့ အဖွဲ့ဖြစ်ချင်ကြောင်း Surakiart Sathirathai က ဆိုပါတယ်။

ဒါအပြင် ရခိုင်အကြံပေးအဖွဲ့ဟာ အစိုးရအာဘော်ကိုပြောမှာ မဟုတ်သလို မြန်မာအစိုးရဘက်က ဒါမှမဟုတ် နိုင်ငံတကာ အသိုင်းအ၀ိုင်း ဘက်က ကိုယ်စားပြုပြောဆိုမှာလည်း မဟုတ်ကြောင်း Mr. Sathirathai ကပြောပါတယ်။ ဒီအကြံပေးအဖွဲ့ဟာ ဇန်န၀ါရီလ ၂၂ ရက်နေ့မှာ မြန်မာအစိုးရနဲ့ နေပြည်တော်မှာ တွေ့ဆုံဖို့ရှိပြီး ဇန်န၀ါရီလ ၂၄ ရက်နေ့မှာ ရခိုင်ပြည်နယ်ကို ပထမဆုံး ခရီးစဉ်အဖြစ် သွားရောက်မှာ ဖြစ်ပါတယ်။

ပြည်တွင်းပြည်ပက ပဋိပက္ခရေးရာ အတွေ့အကြုံရှိသူတွေ၊ ပညာရှင်တွေ ပါဝင်တဲ့ ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆာင်ရွက်ရေးကော်မတီရဲ့ အကြံပေးအဖွဲ့ကို ဦးဆောင်သူအဖြစ် အသက် (၅၉)နှစ်အရွယ် Mr. Sathirathai ကို မြန်မာအစိုးရခေါင်းဆောင် ဒေါ်အောင်ဆန်းစုကြည်က ရွေးချယ်ခဲ့တာပါ။ အဲဒီအကြံပြုအဖွဲ့မှာ ၀ါရင့်အမေရိကန်နိုင်ငံရေးသမားနဲ့ သံတမန်ဟောင်းတဦးဖြစ်သူ Bill Richardson နဲ့အတူ နိုင်ငံတကာက ပဋိပက္ခဆိုင်ရာ ကျွမ်းကျင်သူ ပုဂ္ဂိုလ်ငါးဦးနဲ့ မြန်မာနိုင်ငံက ငါးဦး စုစုပေါင်း ၁၀ ဦး ပါဝင်ပါတယ်။

ကိုဖီအာနန်ဦးဆောင်တဲ့ ရခိုင်အကြံပေးကော်မရှင်နဲ့ ဒုသမ္မတ ဦးမြင့်ဆွေ ဦးဆောင်တဲ့ ရခိုင်စုံစမ်းရေးကော်မရှင် တို့ရဲ့ အကြံပြုချက် အသီးသီးကို အကောင်အထည်ဖေါ်ဖို့ ဖွဲ့စည်းထားတဲ့ မြန်မာအစိုးရရဲ့ ကော်မတီကို ကူညီအကြံပြုဖို့ Surakiart Sathirathai ဦးဆောင်တဲ့ နိုင်ငံတကာဆိုင်ရာ ရခိုင်အကြံပေးအဖွဲ့ကို ၂၀၁၇ခုနှစ် ဒီဇင်ဘာလ ၁၁ ရက်နေ့က သမ္မတဦးထင်ကျော်ခွင့်ပြုချက်နဲ့ ဖွဲ့စည်းလိုက်တာ ဖြစ်ပါတယ်။

Source : https://burmese.voanews.com

နိုင်ငံကာကွယ်ရေးလုပ်ဆောင်ခြင်းဖြစ်လို့ ကန်အရေးယူမှု မှတ်ချက်မပေးလိုဟု တပ်မတော်တုံ့ပြန်

ရခိုင်မြောက်ပိုင်းအရေး လူ့အခွင့်အရေး ချိုးဖောက်မှုတွေရှိနေတယ်ဆိုပြီး အမေရိကန်က ဒဏ်ခတ်အရေးယူမှုဟာ အမေရိကန်အစိုးရရဲ့ မူဝါဒသာဖြစ်တဲ့အတွက် တပ်ဘက်က မှတ်ချက် မပေးလိုဘူးလို့ တပ်မတော်သတင်းမှန်ပြန်ကြားရေးအဖွဲ့ကတုံ့ပြန်ပါတယ်။ အစွန်းရောက်တွေရဲ့ အကြမ်းဖက်တိုက်ခိုက်မှုတွေအပေါ် နယ်မြေရှင်းလင်းတာကို ခိုင်လုံတဲ့ အထောက်အထားမရှိပဲစွပ်စွဲပြောဆိုမှု တရပ်သာဖြစ်တယ်လို့ ရခိုင်ပြည်သူ့ လွှတ်တော် အမတ်တဦးကလည်း ဝေဖန်လိုက်ပါတယ်။ ဒါပေမဲ့လို့ စစ်ဗိုလ်ချုပ်တဦးတည်း ကိုပဲ ဒီကိစ္စတွေ အားလုံးမှာ တာဝန်ရှိတယ်ဆိုပြီး ဒဏ်ခတ် အရေးယူလိုက်တာဟာ မြန်မာ့နိုင်ငံရေး အနေအထားအပေါ် သတိပေးတဲ့သဘော ချင့်ချင့်ချိန်ချိန် ဆုံးဖြတ်ချက် ချလိုက်တာဖြစ်တယ်လို့ မြန်မာ့နိုင်ငံရေး အကဲခတ်ကလည်း သုံးသပ်ပါတယ်။ သုံးသပ်ချက် အမြင်တွေကို မဆုမွန် စုစည်းတင်ပြထားပါတယ်။

ကမ္ဘာတဝှမ်းက လူ့အခွင့်အရေးချိုးဖောက်မှုတွေနဲ့ ဆက်နွယ်ပြီး အမေရိကန်အစိုးရက အရေးယူဒဏ်ခတ်မှုအသစ်တွေ ချမှတ်လိုက်တဲ့ လူပုဂ္ဂိုလ် (၁၃) ယောက်အနက် မြန်မာနိုင်ငံက ရခိုင်ပြည်နယ် စစ်ဆင်ရေးတွေမှာ ကြီးကြပ်တာဝန်ယူခဲ့တဲ့ အနောက်ပိုင်း တိုင်း စစ်ဌာနချုပ်တိုင်းမှူးဟောင်း ဗိုလ်ချုပ်မောင်မောင်စိုးကို လူ့အခွင့်အရေးချိုးဖောက် မှုတွေမှာ တာဝန်ရှိသူအဖြစ် ဒဏ်ခတ်အရေးယူတဲ့စာရင်းထဲ ထည့်သွင်းလိုက်တာပါ။

အခုလို အမေရိကန်ဘက်က စစ်ဗိုလ်ချုပ်တဦးအပေါ် ဒဏ်ခတ်အရေးယူမှုနဲ့ပတ်သက်ပြီး တပ်မတော်သတင်းမှန်ပြန်ကြားရေးအဖွဲ့က ဗိုလ်ချုပ်ထွန်းထွန်းညီကတော့ အမေရိကန် အစိုးရဘက်က သူတို့ရဲ့ မူဝါဒအတိုင်း ဆောင်ရွက်လုပ်ဆောင်မှုဖြစ်တဲ့အတွက် တစုံတရာ မှတ်ချက်ပေးရန်မရှိဘူးလို့ ဗွီအိုအေမြန်မာပိုင်းကို အခုလိုပြောပါတယ်။

“ဒီ Sanction နဲ့ ပတ်သက်လို့တော့ ပြောစရာမရှိဘူးနဲ့တူပါတယ်။ ဘာလို့ဆိုတော့ သူတို့ ပေါ်လစီက ပေါ်လစီအတိုင်းပဲ သူတို့လည်း ပေါ်လစီအတိုင်းပဲ သူတို့သွားကြမှာပေါ့နော် ဒါကတော့ သူတို့နိုင်ငံပေါ်လစီအတိုင်းပဲ ဖြစ်မှာပေါ့။ သူတို့ရည်ရွယ်ချက်ကို ကျနော်တို့က ဘာမှ မသိရသေးတာလေ။ သူတို့က ဘာရည်ရွယ်ချက်နဲ့ လုပ်သလဲ ဆိုတာတော့ ရှိဦး မှာပေါ့နော်။ ကျနော်တို့ကတော့ တပ်မတော်သားဆိုတော့ တာဝန်ပေးတဲ့အချိန်မှာ တာဝန်ပေး တာကိုပဲ လုပ်ရတာပဲလေ တာဝန်ပေးတဲ့အပေါ်မှာ လုပ်ရကိုင်ရတာပဲလေ။ တာဝန်ပေးတဲ့အပေါ်မှာ လုပ်ရကိုင်ရတာက ကျနော်တို့က အလုပ်လုပ်တဲ့နေရာမှာ Personal မှ မပါတာလေ ။ ကျနော်တို့ အလုပ်လုပ်နေတာက နိုင်ငံနဲ့ တပ်မတော်အတွက် အထက်ကပေးတဲ့ အမိန့်အတိုင်း အလုပ်လုပ်နေကြတာလေ။”

ရခိုင်မြောက်ပိုင်းအရေး လူ့အခွင့်အရေး ချိုးဖောက်မှုတွေရှိနေတယ်ဆိုပြီး အမေရိကန်က ဒဏ်ခတ်အရေးယူတာဟာ အစွန်းရောက်တွေရဲ့ အကြမ်းဖက်တိုက်ခိုက်မှုတွေအတွင်း နယ်မြေ ရှင်းလင်းရေးလုပ်တာကို နိုင်ငံကြီးတနိုင်ငံဖြစ်ပြီး ခိုင်လုံတဲ့အထောက်အထား မရှိဘဲ စွပ်စွဲပြောဆိုမှု တရပ်သာဖြစ်တယ်လို့ ရခိုင်ပြည်နယ် မြေပုံမြို့နယ် ပြည်သူ့ လွှတ်တော် ကိုယ်စားလှယ်တဦးဖြစ်တဲ့ ဦးဖေသန်းကတော့ ဝေဖန်လိုက်ပါတယ်။

“ အထောက်အထားမဲ့ စွပ်စွဲပြီးတော့ Sanction လုပ်တယ်ဆိုတာကတော့ နိုင်ငံတနိုင်ငံ အနေနဲ့ နိုင်ငံကြီးတနိုင်ငံအနေနဲ့ အဲလိုလုပ်တယ်ဆိုတာကတော့ တော်တော်ကို အဓိပ္ပါယ် မရှိဘူးလို့ မြင်တယ်။ အဲဒါကြောင့် ကျနေ့ာအနေနဲ့ ဝေဖန်လိုတာကတော့ ဒီအပေါ်မှာ ကျနော်တို့ ဘာမှ မထူးဆန်းဘူး သူတို့လုပ်နေကြအတိုင်းပဲ လုပ်တယ်လို့ မြင်တယ်။ ဒါပေမယ့် အဲဒီအပေါ်မှာ သူ့ကို ဘယ်လိုကျူးလွန်မှုနဲ့ ဘယ်လို တာဝန်ပေးသလဲ ၊ နိုင်ငံတော်က တပ်မတော်က တာဝန်ပေးရင်တော့ သူ့အနေနဲ့ လုပ်ရမှာပဲ။ ဒါပေမယ့် သူ့အနေနဲ့ ဘယ်လောက်အထိ ကိုယ်ထိလက်ရောက် အဲဒီအပေါ်မှာ ကျူးကျူး လွန်လွန် လုပ်ခဲ့သလဲ။ အဲဒီ သူတို့ ရထားတဲ့ သတင်းတွေကရော တကယ့်စိတ်ချရတဲ့ မှန်ကန်တဲ့ သတင်းတွေလား။ အဲဒီလို အထောက်အထား မပြနိုင်ပဲနဲ့ တဖက်သတ် လူ ပုဂ္ဂိုလ် တယောက် ကို တာဝန်ရှိတယ်ဆိုပြီးတော့ အရေးယူခြင်း Sanction လုပ်တယ်ဆိုတာကတော့ မရှိသင့်ဘူးပေါ့။”

အမေရိကန်အစိုးရဘက်ကတော့ လူ့အခွင့်အရေးချိုးဖောက်မှုတွေရှိနေတယ်ဆိုတဲ့ ရခိုင်မြောက်ပိုင်းအရေး သတိပေးတဲ့သဘောမျိုးလောက်ပဲ စတိသဘော ဒဏ်ခတ် အရေးယူလိုက်တာဖြစ်ပြီး အခုလို ဗိုလ်ချုပ်မောင်မောင်စိုးလို အထက်က အမိန့်ကို နာခံရ တဲ့ စစ်ဗိုလ်ချုပ်တဦးတည်းကိုပဲ ဒီကိစ္စတွေ အားလုံးမှာ တာဝန်ရှိတယ်ဆိုပြီး ဒဏ် ခတ် အရေးယူ လိုက်တာဟာ အာဏာလက်ကိုင်ရရှိနိုင်မှု အကျပ်အတည်းနဲ့ ရင်ဆိုင်နေရတဲ့ မြန်မာ့နိုင်ငံရေး အနေအထားအပေါ် ချင့်ချင့်ချိန်ချိန် ဆုံးဖြတ်ချက်ချလိုက်တာဖြစ်တယ်လို့ မြန်မာ့နိုင်ငံရေး အကဲခတ်ဒေါက်တာရန်မျိုးသိမ်းကလည်းသုံးသပ်ပါတယ်။

“အမေရိကန်ရဲ့ Targeted Sanction က တကယ်တမ်းပြောမယ်ဆိုရင် သူက စတိ လောက် ချမှတ်လိုက်တဲ့ အနေအထားလို့ ကျနော်မြင်ပါတယ်။ အဲဒီတော့ တကယ်တမ်း ကတော့ အမေရိကန်အစိုးရအနေနဲ့ ဒီမြန်မာနိုင်ငံရဲ့ လက်ရှိဒီမိုကရေစီ အပြောင်းအလဲ အပေါ်မှာ တကယ့်ကို နှိုင်းနှိုင်းချိန်ချိန်နဲ့ ဒဏ်ခတ်ပိတ်ဆို့ အရေးယူမှုကို လုပ်လိုက်တယ်လို့ မြင်ပါတယ်။ နောက်တဖက်ကလည်း မြန်မာနိုင်ငံနဲ့ တရုတ်ပြည်သူ့ သမ္မတနိုင်ငံရဲ့ ဆက် ဆံရေး ပိုပြီးတော့ နီးကပ်သွားနိုင်တဲ့ အခြေအနေပေါ်မှာ ချင့်ချင့်ချိန်ချိန်စဉ်းစားပြီးတော့ Targeted Sanction ကို လုပ်လိုက်တာလို့ မြင်ပါတယ်။”

ရခိုင်ပြည်နယ်တွင်းက ရိုဟင်ဂျာတွေအပေါ် ဥပဒေမဲ့သတ်ဖြတ်မှု လိင်ပိုင်းဆိုင်ရာ အနိုင် ကျင့် စော်ကားမှု ဖမ်းဆီးမှုတွေအပါအဝင် လူ့အခွင့်အရေးချိုးဖောက်မှုတွေမှာ တာဝန်ရှိ ကြောင်း ခိုင်လုံတဲ့အထောက်အထားတွေ တွေ့ရှိခဲ့တာကြောင့် ဆိုပြီး ဒီကနေ့ အိမ်ဖြူတော် က ထုတ်ပြန်တဲ့ကြေညာချက်မှာ ဖော်ပြထားပါတယ်။ အထူးသဖြင့်ကတော့ သြဂုတ်လ အတွင်း ARSA အစွမ်းရောက်အဖွဲ့တွေကို လိုက်လံရှင်းလင်းတဲ့ မြန်မာစစ်တပ်ရဲ့ စစ်ဆင် ရေးတွေမှာ အနောက်ပိုင်းတိုင်းစစ်ဌာနချုပ်က စစ်သားတွေဟာ ရိုဟင်ဂျာကျေးရွာတွေကို ဝင်ရောက်ပြီး ပစ်ခတ်သတ်ဖြတ်တာ အဓမ္မပြုကျင့်တာတွေ ရှိခဲ့ကြောင်း မျက်မြင် ကိုယ်တွေ့ ကြုံတွေ့ခဲ့ရသူတွေဆီက သက်သေအထောက်အထားတွေရတယ်လို့ ထုတ်ပြန်ချက်ထဲ ပြောဆိုထားပါတယ်။

ရခိုင်အမတ်တွေနဲ့ ရခိုင်ဒေသခံတွေဘက်ကတော့ပြီးခဲ့တဲ့ သြဂုတ်လမှာဖြစ်ခဲ့တဲ့ ရခိုင်မြောက် ပိုင်း ဘူးသီးတောင် မောင်တောဒေသတွင်း ARSA အကြမ်းဖက်သမားတွေရဲ့ အကြမ်းဖက်တိုက်ခိုက်မှုတွေကို ပြန်ကာကွယ်တဲ့ စစ်တပ်ဘက်က နယ်မြေလုံခြုံရေးအရ အချုပ်အခြာကို စောင့်ရှောက်ကာကွယ်မှုအဖြစ်ပဲ မြင်တယ်လို့ ရခိုင်အမတ် ဦးဖေသန်းက ပြောပါတယ်။

“အခုကျနော်တို့ ရခိုင်ဒေသခံတွေအနေနဲ့ကတော့ ဒီစစ်ဆင်ရေးမှာ တဖက်က ကျူးလွန် လာလို့ ပြန်ပြီးတော့ တိုက်ထုတ်ရတဲ့ စစ်ဆင်ရေးဖြစ်တဲ့အတွက် ကျနော်တို့လည်း တပ်မတော်အပေါ်မှာ အဲဒီလို မတော်မတရားလုပ်တယ်၊ အကြမ်းဖက်ဖြိုခွဲတယ် ဆိုတဲ့ အမြင်မျိုးမမြင်ပါဘူး။”

အခုလို စစ်ဗိုလ်ချုပ်အပေါ် ဒဏ်ခတ်အရေးယူမှုတွေ ကို အမေရိကန်ဘက်က ဆောင်ရွက် ပေမဲ့လို့ မြန်မာအစိုးရ၊ တပ်မတော်နဲ့ လွှတ်တော်တာဝန်ရှိသူတွေဘက်ကတော့ အမေရိ ကန်လို အနောက်နိုင်ငံတွေက မြန်မာပြည်လူ့အခွင့်အရေးအပေါ်စိုးရိမ်မှုတွေအပေါ် ရှင်း လင်းနိုင်ဖို့ မြေပြင် ပကတိ အခြေအနေခိုင်လုံတဲ့ သတင်းအချက်အလက်တွေ မျှဝေပေးနိုင် ဖို့ ဒီ့ထက်ကျယ်ကျယ်ပြန့်ပြန့် သံတမန်ရေးအရ ဆောင်ရွက်သင့်တယ်လို့လည်း ဒေါက်တာ ရန်မျိုးသိမ်းက အကြံပြုပါတယ်။

အမေရိကန်သမ္မတ Donald Trump ကြာသပတေးနေ့က လက်မှတ်ရေးထိုးပြီး အမေရိ ကန် ဘဏ္ဍာရေးဝန်ကြီးဌာနက ထုတ်ပြန်လိုက်တဲ့ အမိန့်အရ ဒီလို အရေးယူ ဒဏ်ခတ်မှု ချမှတ်ခံလိုက်ရသူတွေအနေနဲ့ အမေရိကန်မှာ ပိုင်ဆိုင်မှုတွေရှိရင် ချိတ်ပိတ် ထိန်းချုပ်ခံရမှာ ဖြစ်တဲ့အပြင် အမေရိကန်နဲ့ နိုင်ငံတကာ ငွေကြေးစနစ် ဘဏ္ဍာရေးအသုံးပြုမှု မှာလည်း ကန့်သတ်ခံရမှာ ဖြစ်ပါတယ်။

Source : https://burmese.voanews.com

မြန်မာ့တပ်မတော်ရဲ့ ရာဇဝတ်မှုအစီရင်ခံစာ HRW အဖွဲ့ထုတ်ပြန်

တူလာတိုလီရွာက မြန်မာ့တပ်မတော်ရဲ့ရာဇဝတ်မှု ဆိုတဲ့ခေါင်းစဉ်နဲ့အစီရင်ခံစာတစောင်ကို HRW လူ့အခွင့် အရေးစောင့်ကြည့်အဖွဲ့က ထုတ်ပြန်လိုက်ပါတယ်။

မောင်တောခရိုင် တူလာတိုလီ ခေါ် မင်းကြီးရွာမှာ သြဂုတ်လ ၃၀ ရက်နေ့က နယ်မြေရှင်းလင်းရေးဆိုပြီး၊ မြန်မာ့ တပ်မတော်က အကြမ်းဖက်နှိမ်နင်းတဲ့အခါမှာ မြစ်ကမ်းဘေးမှာ ရွာသားတွေကို စနစ်တကျ သုတ်သင်ရှင်းလင်း သတ်ဖြတ်သလို၊ အမျိုးသမီးတွေ ရာနဲ့ချီပြီး မုဒိန်းကျင့်ခဲ့တယ်လို့ စာမျက်နှာ ၃၀ ပါတဲ့ အဲဒီအစီရင်ခံစာမှာ ရေးထား ပါတယ်။ အဲဒီထဲမှာ အမျိုးသမီး ၁၈ ယောက်ကို တွေ့ဆုံမေးမြန်းထားတဲ့ ကိုယ့်တွေ့ဖြစ်ရပ်တွေပါဝင်ပြီး၊ တခြား ရိုဟင်ဂျာဒုက္ခသည် ၂၀၀ ကျော်ရဲ့ အတွေ့အကြုံတွေလည်း ပါဝင်တယ်လို့သိရပါတယ်။

အဲဒီ တူလာတိုလီက မြန်မာ့တပ်မတော်ရဲ့လုပ်ရပ်ဟာရက်စက်ကြမ်းကြုတ်တယ်လို့ပြောယုံတင်မကဘဲ စနစ်တကျလုပ်တာလို့ကိုပြောနိုင်တယ်လို့ HRW ရဲ့အာရှဒေသဆိုင်ရာ ညွှန်ကြားရေးမှူး Brad Adam ကပြောပါတယ်။

ARSA ရိုဟင်ဂျာအကြမ်းဖက်အဖွဲ့က သြဂုတ်လ ၂၅ ရက်နေ့မှာဝင်တိုက်လို့ သြဂုတ်လ ၃၀ ရက်နေ့ မှာတော့ မြန်မာစစ်သားတွေနဲ့ လက်နက်ကိုင် ရခိုင်ရွာသားတွေက တူလာတိုလီကိုရောက်ခဲ့ကြတယ်လို့ ဆိုပါတယ်။ အဲဒီမှာထွက်ပြေးကြတဲ့ ရွာသားတွေကို ကျေးရွာဥက္ကဌက မြစ်ဘေးမှာလူစုခိုင်းထားပြီးတဲ့နောက် စစ်သားတွေက သူတို့ကို ဝိုင်းထားလိုက်ပြီး၊ အမျိုးသား အမျိုးသမီး သီးခြားစီခွဲလိုက်တဲ့အကြောင်း၊ နောက်တော့ အမျိုးသားတွေကို ဒူးထောက်ခိုင်းပြီး သေနတ်နဲ့ပစ်သတ်သလို၊ ဓါးတွေနဲ့ပါထိုးသတ်တယ်ဆိုတဲ့အကြောင်း၊ ပြီးတဲ့အခါ အလောင်းတွေ ကို မီးရှို့မြေမြှုပ်ပြီး ဖျောက်ဖျက်ကြတဲ့အကြောင်း၊ အမျိုးသမီးတွေကိုတော့ မုဒိန်းကျင့်ကြတယ်ဆိုတဲ့အကြောင်း HRW ရဲ့ အစီရင်ခံစာမှာရေးထားပါတယ်။

ဒါကြောင့် အဲဒီလုပ်ရပ်အတွက် ကုလသမဂ္ဂနဲ့ နိုင်ငံတကာအစိုးရတွေက ပြစ်တင်ရှုတ်ချနေရုံနဲ့ မလုံလောက်ဘဲ အရေးယူဖို့ပါ လိုအပ်တယ်လို့ HRW က ပြောပါတယ်။

Source : http://www.rfa.org/burmese/news

Reuters သတင်းထောက် ၂ဦးကို အရေးယူမှု သမ္မတရုံး၏ ခွင့်ပြုချက်ပါဟု ဆို

Reuters သတင်းဌာန၏ သတင်းထောက် ၂ဦးကို ၁၉၂၃ ခုနှစ် အစိုးရ လျှို့ဝှက်အက်ဥပဒေ ပုဒ်မ ၃ ဖြင့် အရေးယူလိုက် ခြင်းမှာ နိုင်ငံတော် သမ္မတရုံး၏ ခွင့်ပြုချက်အရ ပြည်ထဲရေးဝန်ကြီးဌာနက ဆောင်ရွက်ခြင်းဖြစ်ကြောင်း သတင်းရရှိသည်။

သမ္မတရုံး၏ ပြောခွင့်ရပုဂ္ဂိုလ် ဦးဇော်ဌေးက “ခွင့်ပြုချက် တောင်းထားတယ်။ ပေးထားတယ်။ အခုစွဲတာ လည်း သမ္မတရုံးရဲ့ ခွင့်ပြုချက်နဲ့ပဲ”ဟု ဧရာဝတီသို့ အတည်ပြုပြောသည်။

Reuters သတင်းထောက်များဖြစ်သည့် ဦးသက်ဦးမောင် ခေါ် ဝလုံးနှင့် မိုးအောင်ခေါ် ဦးကျော်စိုးဦး တို့ကို ရခိုင်ပြည်နယ် မြောက်ပိုင်း မောင်တောဒေသတွင်း အကြမ်းဖက်မှုများနှင့် ပတ်သက်သည့် အစီအရင်ခံစာ စာရွက်စာတမ်းများ လက်ဝယ် တွေ့ရှိသည်ဆိုကာ ပြီးခဲ့သည့် ဒီဇင်ဘာ ၁၂ရက်နေ့ ည ၁၁နာရီ မိနစ် ၃၀တွင် မင်္ဂလာဒုံမြို့နယ် ထောက်ကြန့် ရဲစခန်းက ဖမ်းဆီးခဲ့ခြင်းဖြစ်ပြီး၊ ယင်း ၁၉၂၃ ခုနှစ် အစိုးရ လျှို့ဝှက်အက် ဥပဒေ ပုဒ်မ ၃ သည် ပြစ်မှုထင်ရှားပါက ထောင်ဒဏ် ၁၄နှစ် အထိ ကျခံရနိုင်သည်ဟု သိရသည်။

ပြန်ကြားရေး ဝန်ကြီးဟောင်း ဦးရဲထွဋ်ကလည်း သမ္မတ ဦးသိန်းစိန် အစိုးရ လက်ထက်က Unity ဂျာနယ် သတင်းထောက် များကို ဤပုဒ်မမျိုးဖြင့် အရေးယူစဉ်က ကာကွယ်ရေး ဝန်ကြီးဌာနသည် သမ္မတထံမှ ခွင့်ပြုချက် ရယူခဲ့ကြောင်း၊ ယခုဖြစ်စဉ်တွင်လည်း တရားစွဲခွင့်ပြုသည်ဆိုသော သမ္မတရုံး ၏ ခွင့်ပြုချက် လိုအပ်ကြောင်း မနေ့ညပိုင်းက ထုတ်လွှင့်သည့် BBC မြန်မာပိုင်း သတင်းဌာန၏ လွတ်လပ်အတွေး ဆွေးနွေးဖလှယ်၌ ဝင်ရောက်ဆွေးနွေးသွားခဲ့သည်။
ရခိုင်ပြည်နယ် မြောက်ပိုင်းအရေး သတင်းရေးသားရန် အားထုတ်နေသော Reuters သတင်းထောက် ကိုဝလုံးနှင့် ကိုကျော်စိုးဦးတို့ကို ဖမ်းဆီးရခြင်းမှာ“အရေးကြီးလုံခြုံရေး စာရွက်စာတမ်း အထောက် အထားများကို ပြည်ပသတင်းဌာန များသို့ ပေးပို့ရန် ရည်ရွယ်ချက်ဖြင့် တရားမဝင် သတင်းရယူ ဆောင်ရွက်ခဲ့သည်”ဟု ပြန်ကြားရေး ဝန်ကြီးဌာနကလည်း ဖော်ပြခဲ့သည်။

သို့သော် ယင်းထုတ်ပြန်ချက်မှာ ပြည်ထဲရေးဝန်ကြီးဌာနက ပေးပို့လာချက်ကို သတင်းစဉ် အနေဖြင့် ထုတ်ပြန်ပေးရခြင်း ဖြစ်ပြီး ပြန်ကြားရေး ဝန်ကြီးဌာနက တည်ဆောက်သည့် သတင်းမဟုတ်ကြောင်း၊ အများဝေဖန်နေသည့် Reuters သတင်းထောက် ၂ ဦး ၏ ဓါတ်ပုံကိစ္စမှာလည်း မီဒီယာ ကျင့်ဝတ်နှင့် အညီ ဆောင်ရွက်နိုင်ခဲ့ပါက နစ်နာမှုများ နည်းလိမ့်မည် ဟု ထင်မြင်ကြောင်း ပြန်ကြားရေးဝန်ကြီး ဌာနမှ အမြဲတန်း အတွင်းဝန် ဦးမျိုးမြင့်မောင်က ပြောသည်။

ဦးမျိုးမြင့်မောင် “ဒါတွေဟာ မှန်တယ်၊ မှားတယ်။ လုပ်သင့်တယ်။ မလုပ်သင့်တယ်ဆိုတာထက် အဓိက ကတော့ သတင်း မီဒီယာ ကျင့်ဝတ်နဲ့ အညီ လုပ်မယ်ဆိုရင်တော့ အကောင်းဆုံးပဲ။ အဲဒီလို လုပ်မယ်ဆို ရင် နစ်နာမှုဆိုတာ နည်းသွားတာပေါ့။ ကျနော်တို့ကတော့ ဓါတ်ပုံတွေကိုတော့ ဘယ်လိုဖော်ပြပါဆိုပြီး အသေးစိတ်တော့ မပြောဘူး။ ဒါပေမယ့် အခု ဒီဓါတ်ပုံကိစ္စ ကိုလည်း ဆွေးနွေးနေပါတယ်” ဟု ပြောသည်။

၁၉၂၃ ခုနှစ် အစိုးရ လျှို့ဝှက်အက်ဥပဒေ ဖျက်သိမ်းရေးနှင့် သတင်းသမားများ လွတ်လပ်စွာ ပြောဆို ရေးသားခွင့် ကာကွယ်ပေးရန် တင်ပြခဲ့ဖူးသည့် သင်္ဃန်းကျွန်း လွှတ်တော် အမတ်ဟောင်း ဦးသိန်းညွှန့် က ယင်းဖြစ်စဉ်တွင် မီဒီယာများဘက်မှ တင်ပြနေသည့် သတင်းရယူခြင်းကို အရေးယူလိုပါက သတင်းမီဒီယာဥပဒေဖြင့် ဆောင်ရွက်ခိုင်းခြင်းမှာ သဘာဝကျသော် လည်း တဖက်က စွပ်စွဲထားသည့် ရခိုင်မောင်တောဒေသ အကြမ်းဖက်မှု ဖြစ်စဉ်နှင့် စစ်ဆင်ရေးကိစ္စများကို ဖော်ထုတ်ရန် ဆိုသည့် အချက်ကိုလည်း ထည့်သွင်းစဉ်းစားရမည် ဖြစ်ကြောင်း ထောက်ပြသည်။

မြန်မာနိုင်ငံတွင် သတင်းမီဒီယာများနှင့် သက်ဆိုင်သော အဖွဲ့အစည်းတခုဖြစ်သည့် သတင်းမီဒီယာ ကောင်စီကလည်း ယခု Reuters သတင်းထောက်များ ဖမ်းခံရသည့် ဖြစ်စဉ်ကို တုန့်ပြန်ရန် ယခုရက်ပိုင်းအတွင်း လှုပ်ရှားမှုတခု ပြုလုပ်ရန် စီစဉ်နေသည်ဟု ကောင်စီ ပြောခွင့်ရ ဦးသီဟစောထံမှ သိရသည်။

Reuters သတင်းထောက်ဟောင်း ဦးအောင်လှထွန်းကမူ “ဒီကိစ္စက သာမန်သတင်းရေးသား ဖော်ပြ လို့ ဖြစ်တာမျိုးနဲ့ မတူဘူး။ ဒီမှာက Access to Information က တော်တော်ကို နည်းတယ်။ သတင်း အချက်အလက် ရရှိပိုင်ခွင့်က တော်တော်ကို နည်းနည်းတယ်၊ သတင်းအချက်အလက် ရယူဖို့ ကြိုးစား တဲ့နေရာမှာ ဖြစ်ရတဲ့ အကျိုးဆက်ပဲ၊ ဆက်စောင့် ကြည့်ရမယ်”ဟု ပြောသည်။

ယခု ပြည်ထဲရေးဝန်ကြီးဌာနက အရေးယူထားသည့် Reuters သတင်းထောက် ၂ ဦး အမှုနှင့် ဆက်စပ်ပြီး ၎င်းတို့ သွား ရောက်ခဲ့သည့် မောင်တောဒေသမှ ကျောင်းဆရာ ၄ ဦး၊ ရွာသားတဦးတို့ကို မြန်မာနိုင်ငံ ရဲတပ်ဖွဲ့က ခေါ်ယူစစ်ဆေးနေ ကြောင်း ရခိုင်ပြည်နယ်မှ လာသော သတင်းများအရ သိရသည်။

လက်ရှိတွင် အဆိုပါ သတင်းထောက် ကိုဝလုံးနှင့် ကိုကျော်စိုးဦးတို့ကို မြန်မာနိုင်ငံ ရဲတပ်ဖွဲ့က ရန်ကုန်မြို့တွင် စုံစမ်း စစ်ဆေးရေး အဖွဲ့တဖွဲ့က စစ်ဆေးနေပြီး မိသားစု၊ ရှေ့နေတို့နှင့် တွေ့ဆုံခွင့် မပြုသေးကြောင်း သတင်းရရှိသည်။

ပြီးခဲ့သည့် သြဂုတ်လအတွင်းကလည်း Reuters သတင်းဌာနအား ရန်ကုန်တွင် ပြေးဆွဲနေသည့် YBS ယာဉ်လိုင်းမှ တရုတ်လုပ် မော်တော်ယာဉ်များ ဝယ်ယူမှု အပေါ် သတင်းရေးသားခဲ့မှုကြောင့် အရေးယူ ပေးရန် ရန်ကုန်တိုင်း ဝန်ကြီးချုပ် ဖြိုးမင်းသိန်းက သတင်းမီဒီယာ ကောင်စီသို့ တိုင်ကြားခဲ့ဖူးသည်။

မြန်မာ အစိုးရသည် Reuters သတင်းဌာန၏ ရခိုင်ပြည်နယ် အရေး ရပ်တည်ဖော်ပြချက်များကို မေးခွန်းထုတ်မှုများ ရှိခဲ့ပြီး Reuters သတင်းထောက်များကို သတင်းဖြစ်ပွားရာ ဒေသမှာ အာဏာပိုင် များနှင့် ချိတ်ဆက်ပေးပြီး သတင်းထုတ်ပြန်နိုင် ရေး ကြိုးစားပေးခဲ့သော်လည်း အစိုးရအသံကို ထည့်သွင်းရန် ပျက်ကွက်မှုများ ရှိခဲ့ဖူးကြောင်း ဧရာဝတီက သိရှိထားသည်။

ပြီးခဲ့သည့် သြဂုတ်လ ရခိုင်ပြည်နယ် မြောက်ပိုင်း ရဲစခန်းများအား အကြမ်းဖက်အဖွဲ့ ARSAက တိုက်ခိုက်ပြီးနောက်ပိုင်းတွင် ဘင်္ဂလားဒေ့ရှ် နိုင်ငံသို့ သွားရောက်သတင်းယူခဲ့သည့် မြန်မာသတင်း သမား ၂ဦးဖြစ်သည့် မင်းဇေယျာနှင့် ခွန်လတ်တို့ကို သူလျှိုလုပ်သည်ဟု စွပ်စွဲကာ ဘင်္ဂလားဒေ့ရှ် အစိုးရက ဖမ်းဆီးခဲ့ဖူးသည်။

အလားတူ မြန်မာနိုင်ငံတွင်လည်း မကြာသေးမီက TRT World မှ နိုင်ငံခြားသတင်းထောက် ၂ ဦး၊ စကားပြန်နှင့် ယာဉ်မောင်း တို့ကို နေပြည်တော်ရှိ လွှတ်တော် အဆောက်အအုံအနီးတွင် မောင်းသူမဲ့လေယာဉ် လွှတ်တင်သောကြောင့် လေကြောင်းဥပဒေအရ ထောင်ဒဏ်များ ချမှတ်ခံထားသည်။

Source : https://burma.irrawaddy.com