Civil Rights Movement

Civil Rights Movement

Myanmar

now browsing by category

 

ရခိုင်အရေး စွပ်စွဲပြောကြားချက်များအတွက် တိကျခိုင်မာသည့် အထောက်အထားများလိုချင်ဟု ဦးဇော်ဌေးပြော

ရခိုင်ပြည်နယ်အရေးနှင့် ပတ်သက်၍ စွပ်စွဲပြောကြားချက် အားလုံးကို မြန်မာအစိုးရက ငြင်း ပယ်နေခြင်းမဟုတ်ဘဲ တိကျခိုင် မာသည့် အထောက်အထားများ လိုချင်ကြောင်းနှင့် အထောက်အ ထားခိုင်လုံပါက ပြေလည်အောင် ဖြေရှင်းမည်ဖြစ်ကြောင်း သမ္မတရုံးပြောခွင့်ရပုဂ္ဂိုလ် ဦးဇော်ဌေးက ပြောကြားသည်။

နယ်စည်းမခြား ဆရာဝန် များအဖွဲ့ (MSF) ၏ ထုတ်ပြန်ချက် ကို ကိုးကား၍ The Guardian သတင်းဌာနက ဒီဇင်ဘာ ၁၄ ရက်တွင် ရခိုင်ပြည်နယ်၌ တစ်လအ တွင်း ဘင်္ဂါလီ (မူရင်း၌ရိုဟင်ဂျာ ဟုသုံးနှုန်း) မွတ်စလင် ၆,၇၀၀ကျော် သတ်ဖြတ်ခံရကြောင်း ဖော်ပြမှုအပေါ် နိုင်ငံတော်သမ္မတရုံး ပြောခွင့်ရပုဂ္ဂိုလ်က ယင်းသို့ တုံ့ ပြန်ပြောကြားခြင်းဖြစ်သည်။

‘‘ကျွန်တော်တို့ မြန်မာနိုင်ငံနဲ့ ပတ်သက်လို့၊ ရခိုင်ကိစ္စနဲ့ ပတ် သက်လို့ ပြောချင်တယ်၊ ဆိုချင် တယ်၊ ကောက်ချက်ချချင်တယ် ဆိုရင် သက်သေအထောက်အ ထား ခိုင်ခိုင်လုံလုံယူခဲ့ပါ။ အဲဒါကို ကျွန်တော်တို့ ရအောင်ရှင်းမယ်’’ ဟု ဦးဇော်ဌေးက ပြောသည်။

ဘင်္ဂလားဒေ့ရ်ှနိုင်ငံဘက်မှ ဒုက္ခသည်များကို မေးမြန်းဖော်ပြ သည့် ဇာတ်လမ်းများ၊ စစ်တမ်း များသည် မျှတမှုမရှိဘဲ တစ်ဖက် သတ်ကောက်ယူသော စစ်တမ်း များသာဖြစ်ပြီး မြန်မာနိုင်ငံဘက်မှ ဒုက္ခသည်များကိုလည်း မေးမြန်း ရန်လိုအပ်ကြောင်း ၎င်းကဆက် ပြောသည်။

ထို့အပြင် စွပ်စွဲပြောကြား  ချက်များနှင့် ပတ်သက်၍ လက်ရှိ အချိန်ထိ မည်သည့်နိုင်ငံတကာ အဖွဲ့အစည်းကမျှ တိကျခိုင်မာ သည့် အထောက်အထားကို မပေးနိုင်ကြောင်း သမ္မတရုံး ပြောခွင့်ရ ပုဂ္ဂိုလ်က ပြောသည်။

‘‘အဲဒီတော့ ကျွန်တော်တို့ ပြောချင်တာက ၆,၇၀၀ တွေ့ တယ်။ ဟုတ်လား ၆,၇၀၀ ဖြစ်နိုင် လား။ ဖြစ်နိုင်တယ်ဆိုရင် ဟုတ် ပြီ။ ကျွန်တော်တို့ကို Talking Story တွေမပြောနဲ့။ အထောက် အထားပြော။ ဘယ်နေရာ၊ ဘယ် ရွာက ဘယ်နှယောက်၊ ဘယ်အ ချိန်၊ ဘယ်သူက အဲဒီဟာတွေက အခုဘယ်မှာရောက်နေတယ်။ ဆို လိုတာက အလောင်းတွေ ၆,၇၀၀ ရှိတယ်။ အလောင်း ၆,၇၀၀ ဘယ်လိုဖျောက်ပစ်မလဲ။ ဘယ်လိုမှ ဖျောက်ပစ်လို့မရဘူး’’ ဟု ၎င်းက ဆိုသည်။

နယ်စည်းမခြား ဆရာဝန် များအဖွဲ့ (MSF) စစ်တမ်းတွင် ရခိုင်ပြည်နယ် မြောက်ပိုင်း၌ အ သက်(၅)နှစ်အောက် ကလေးငယ် အနည်းဆုံး ၇၃၀ ဦး အပါအဝင် ဘင်္ဂါလီမွတ်စလင် ၆,၇၀၀ ကျော် ပထမဆုံးတစ်လအတွင်း သတ်ဖြတ်ခံရကြောင်း ဖော်ပြ သည်။

အဆိုပါသတ်ဖြတ်ခံရသည့် အရေအတွက်၏ ၆၉ ရာခိုင်နှုန်း ကို သေနတ်ဖြင့်ပစ်သတ်ခဲ့ပြီး ကျန်သူများကို မီးရှို့ခြင်း၊ မသေမချင်း ရိုက်နှက်ခြင်းတို့ ပြုလုပ်ကြောင်း စစ်တမ်းကဆိုသည်။

သို့ရာတွင် သမ္မတရုံးပြော ခွင့်ရ ပုဂ္ဂိုလ်ဦးဇော်ဌေးက ‘‘တပ် မတော်ကလည်း ပြောထားပြီး သား။ ခိုင်ခိုင်လုံလုံပြော။ သူတို့ အရေးယူမယ် ပြောထားပြီးသား။ ကျွန်တော်တို့က တပ်ကိုလည်း ကာပြီးပြောနေတာ မဟုတ်ဘူး’’ ဟု တုံ့ပြန်ပြောကြားသည်။

ရခိုင်ပြည်နယ်မြောက်ပိုင်း၌ သြဂုတ် ၂၅ ရက်က ဖြစ်ပွားခဲ့သည့် အကြမ်းဖက် တိုက်ခိုက်မှုများနှင့်ပတ်သက်၍ တပ်မတော်ကနယ် မြေတည်ငြိမ်အေးချမ်းမှုနှင့် ထိန်း သိမ်းရေး လုပ်ငန်းများ ဆောင်ရွက်ရာတွင် ဥပဒေမဲ့ ဆောင်ရွက်ခဲ့ခြင်း မရှိကြောင်း စစ်ဆေးတွေ့ရှိရ သည်ဟု တပ်မတော်က နိုဝင်ဘာ ၁၃ ရက်၌ သတင်းထုတ်ပြန်ထား သည်။

Source : http://www.7daydaily.com

လူ့အခွင့်အရေးချိုးဖောက်သူများကို အရေးယူမည်ဟု လုံခြုံရေးကောင်စီတွင် မြန်မာသံအမတ်ပြော

လူ့အခွင့်အရေးချိုးဖောက်မှု စွပ်စွဲချက်တွေနဲ့ပတ်သက်ပြီး သက်သေအထောက်အထား အခိုင်အမာရှိရင် ဖောက်ဖျက်ကျူးလွန်သူတွေကို  တရားဥပဒေအရ အရေးယူသွားမယ်လို့ ကုလသမဂ္ဂဆိုင်ရာ မြန်မာသံအမတ်ကြီး  ဦးဟောက်ဒိုစွမ်းက ပြောပါတယ်။

ရခိုင်ပြည်နယ်က ထွက်ပြေးသွားတဲ့ မွတ်ဆလင်အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုတွေ ရှိခဲ့တယ်ဆိုပြီး ဒီဇင်ဘာ ၁၂ ရက်က ကျင်းပတဲ့ ကုလသမဂ္ဂ လုံခြုံရေးကောင်စီ အစည်းအဝေးမှာ ပြောကြားခဲ့တဲ့အပေါ် မြန်မာသံအမတ်က ပြန်လည်တုံ့ပြန်လိုက်တာ ဖြစ်ပါတယ်။

ကုလသမဂ္ဂဆိုင်ရာ မြန်မာသံအမတ်ကြီး ဦးဟောက်ဒိုစွမ်းက “လူ့အခွင့်အရေး ချိုးဖောက်တာတွေကို မြန်မာအစိုးရက ခွင့်လွှတ်မှာမဟုတ်ဘူးဆိုတာ မြန်မာအစိုးရက အလေးထား ပြောပြီးသားပါ။ သက်သေအထောက်အထား အခိုင်အမာရှိရင် ဖောက်ဖျက်ကျူးလွန်သူတွေကို တရားဥပဒေကြောင်းအရ အရေးယူသွားမှာပါ” လို့ ပြောပါတယ်။

ကုလသမဂ္ဂ အတွင်းရေးမှူးချုပ်ရဲ့ ပဋိပက္ခတွင်း လိင်အကြမ်းဖက်မှုဆိုင်ရာ အထူးကိုယ်စားလှယ် မစ္စ ပါရာမီလာပတ်တန်ကတော့ နိုဝင်ဘာ ၅ ရက်ကနေ ၁၃ ရက်ထိ ဘင်္ဂလားဒေ့ရ်ှနိုင်ငံက ဒုက္ခသည်စခန်းကို သွားရောက်ခဲ့တဲ့ ခရီးစဉ်မှာ တွေ့ရှိချက်တွေနဲ့ ပတ်သက်လို့ ရင်နာစရာအကောင်းဆုံး ဆိုးဆိုးရွားရွား လိင်ပိုင်းဆိုင်ရာ ရက်စက်မှုတွေ ကျူးလွန်ခဲ့တာ တွေ့ခဲ့ရတယ်လို့ လုံခြုံရေးကောင်စီမှာ ရှင်းလင်းပြောသွားပါတယ်။

သူတွေ့ဆုံ စကားပြောခဲ့တဲ့ အမျိုးသမီးနဲ့ မိန်းကလေးတွေတိုင်းဟာ အဓမ္မပြုကျင့်တာ၊  အုပ်စုဖွဲ့ အဓမ္မပြုကျင့်တာ၊ မုဒိမ်းကျင့်သတ်ဖြတ်ခံရတာ၊ လူမြင်ကွင်းမှာ အဝတ်အစား ချွတ်ထားပြီး အရှက်ရအောင်လုပ်တာ၊ စစ်တပ်အချုပ်ခန်းမှာ လိင်ကျွန်အဖြစ် ဆက်ဆံခံရတာတွေ အပါအဝင် လိင်ပိုင်းဆိုင်ရာ အကြမ်းဖက်မှုတွေကို ကိုယ်တိုင်ခံရတာ ဒါမှမဟုတ် မျက်မြင်သိခဲ့ရတယ်လို့ ဆိုပါတယ်။

လွတ်မြောက်လာတဲ့ အမျိုးသမီးတယောက်ဆိုရင် ၄၅ ရက်ကြာ ဖမ်းဆီးခံရစဉ်မှာ အကြိမ်ကြိမ် အဓမ္မပြုကျင့်ခံခဲ့ရတယ်။ ဒါတွေဟာ နိုင်ငံတကာ လူသားချင်းစာနာမှုနဲ့ လူ့အခွင့်အရေး ဥပဒေတွေကို ဖောက်ဖျက်နေတယ်။ အပြစ်ကျူးလွန်သူတွေကို အရေးယူဖို့ လုံခြုံရေးကောင်စီကို တောင်းဆိုသွားပါတယ်။

မြန်မာသံအမတ်ကြီးကတော့ မောင်တောမှာ ARSA ရဲ့ သြဂုတ် ၂၅ ရက် အကြမ်းဖက်တိုက်ခိုက်မှုကြောင့် ဖြစ်လာတဲ့ လူသားချင်းစာနာမှုအရေး၊ လုံခြုံရေးနဲ့ လူမှုစီးပွားကိစ္စတွေပြောတာ မတွေ့ရတဲ့အကြောင်း၊ စက်တင်ဘာ ၅ ရက်ကတည်းက အကြမ်းဖက်သမားတွေနဲ့ တိုက်ခိုက်မှု မရှိတော့ဘဲ စစ်တပ်တွေလည်း ဒေသတွင်းက ပြန်ရုပ်သွားပြီဖြစ်တဲ့အကြောင်းနဲ့ တရားဥပဒေစိုးမိုးရေး၊ ရေရှည်ငြိမ်းချမ်းရေးနဲ့ လုံခြုံရေးအတွက် ရခိုင်ပြည်နယ်မှာ ရဲတပ်ဖွဲ့က အင်အားတောင့်တင်းဖို့လိုတယ်၊ ဒေသခံရဲတွေကို သင်တန်းပေးဖို့ ဂျပန်က သဘောတူထားပြီးဖြစ်တယ်လို့လည်း ပြောသွားပါတယ်။

ဒါ့အပြင် ကြက်ခြေနီအဖွဲ့ အာဆီယံနဲ့ WFP တို့ အပါအဝင် နိုင်ငံတကာ အဖွဲ့အစည်းတွေနဲ့ ပူးပေါင်းပြီး လူသားချင်းစာနာမှု အကူအညီပေးရေးလုပ်ငန်းတွေ ဆောင်ရွက်နေတဲ့ အခြေအနေတွေ၊ မြန်မာ-ဘင်္ဂလားဒေ့ရှ် နှစ်နိုင်ငံ သဘောတူညီချက်အရ ဒုက္ခသည်တွေ ပြန်လည်နေရာချထားရေး စတင်ဆောင်ရွက်မယ့် အခြေအနေ၊ မြန်မာဘက်က ဟိန္ဒူဒုက္ခသည် ၅၀၀ ကို အရင်ဆုံးပြန်ခေါ်ဖို့ ပန်ကြားထားပေမယ့် ဘင်္ဂလားဒေ့ရ်ှဘက်က ပထမအသုတ်မှာ မွတ်ဆလင်တွေကို ထည့်သွင်း ပြန်ပို့ချင်နေတယ်လို့လည်း မြန်မာကိုယ်စားလှယ်က ရှင်းလင်းပြောပါတယ်။

ကုလသမဂ္ဂရဲ့ နိုင်ငံရေးဆိုင်ရာ လက်ထောက်အတွင်းရေးမှူးချုပ် ဂျက်ဖရီဖလ်တ်မန်းကတော့ ဒုက္ခသည်တွေ နေရပ်ပြန်ပို့ရာမှာ ပြန်လည်သင့်မြတ်ရေး အားထုတ်ဖို့၊ အချိန်သတ်မှတ်ချက်ထားဖို့၊ မူလနေရာဖြစ်ဖို့၊ ဒုက္ခသည်စခန်း ဒါမှမဟုတ် ယာယီနေရာ မဖြစ်စေဖို့၊ လွတ်လပ်စွာ သွားလာခွင့်ပြုဖို့၊ ပြန်လာဖို့အတွက် သတ်မှတ်ချက်တွေဟာ ဖြစ်နိုင်တဲ့ဟာမျိုးဖြစ်ဖို့၊ ဒုက္ခသည်ပြန်ပို့ရေးကိစ္စမှာ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးရဲ့ အခန်းကဏ္ဍ အရေးကြီးတဲ့အကြောင်းတွေ ပြောသွားပါတယ်။

တရုတ်နိုင်ငံကတော့ နိုင်ငံတကာ အသိုင်းအဝန်းအနေနဲ့ မြန်မာနဲ့ ဘင်္ဂလားဒေ့ရ်ှနိုင်ငံတို့ အကြား အကြံတွေပေးသင့်ပေမယ့် ရခိုင်ပြည်နယ်ပြဿနာဟာ ဘာသာရေးနဲ့ သမိုင်းနောက်ခံ အခြေအနေကြောင့် တညတည်းနဲ့ အဖြေမရနိုင်ဘူး၊ ရေတိုမှာ သက်သာရာရဖို့ လုံခြုံရေးကောင်စီရဲ့ လုပ်ဆောင်ချက်တွေဟာ ရေရှည်မှာ အဆိုးဘက်ကို အနုတ်လက္ခဏာဆောင်တဲ့ သက်ရောက်မှုတွေ ဖြစ်စေမှာကို သတိပြုဖို့ ပြောပါတယ်။

မြန်မာနိုင်ငံကို ရှုတ်ချပြီး မွတ်ဆလင်တွေအပေါ် လူမျိုးသုဉ်းသတ်ဖြတ်မှု စွပ်စွဲချက်တွေကြောင့် ဘေးထွက်ဆိုးကျိုးတွေ ဖြစ်လာမှာကို ရှောင်ကြဉ်ဖို့ အရေးကြီးတယ်လို့ ရုရှားနိုင်ငံက သတိပေးပြောကြားလိုက်ပြီး မြန်မာနဲ့ ဘင်္ဂလားဒေ့ရှ် နှစ်နိုင်ငံချစ်ကြည်ရေးက ပထဆုံး အရေးကြီးတဲ့အကြောင်း ဒီအခြေအနေတွေ ဖြစ်ရတာဟာ အရင် ကိုလိုနီအုပ်ချုပ်ရေးရဲ့ လုပ်ဆောင်ချက်တွေကြောင့် ဖြစ်ရတာလို့ ပြောပါတယ်။

လက်ရှိ လုံခြုံရေးကောင်စီ အလှည့်ကျဥက္ကဋ္ဌအဖြစ် တာဝန်ယူထားတဲ့ ဂျပန်နိုင်ငံကတော့ လူသားချင်းစာနာမှု အကူအညီတွေ ပေးခွင့်ပြုရေး တိုးတက်အောင် မြန်မာအစိုးရရဲ့ လတ်တလော အားထုတ်ကြိုးပမ်းမှုတွေကို ကြိုဆိုတဲ့အကြောင်း၊ မြေပြင်မှာ အခြေအနေတွေ တိုးတက်ဖို့ မြန်မာနဲ့ ဘင်္ဂလားဒေ့ရှ် နှစ်နိုင်ငံစလုံးကို ထပ်ပြီး ထောက်ပံ့ကူညီဖို့ အသင့်ရှိတဲ့အကြောင်း နိုင်ငံတကာအသိုင်းအဝန်းက ရေရှည်အဖြေရှာနိုင်အောင် မြန်မာရဲ့ အားထုတ်မှုတွေကို ဆက်လက် အားပေးထောက်ခံဖို့ ပြောပါတယ်။

ဒီအစည်းအဝေးမှာ ယူကေ၊ အမေရိကန်၊ ဆွီဒင်၊ အီတလီ၊ ပြင်သစ်၊ အီဂျစ်၊ ကာဇက်စတန်၊ အီသီယိုးပီးယား၊ ယူကရိန်း၊ ဘိုလီးဗီးယား၊ ဥရုဂွေးနဲ့ ဆီနီဂေါနိုင်ငံတွေကလည်း သဘောထားတွေ ရှင်းလင်းပြောကြားခဲ့ကြပါတယ်။

ဒီအစည်းအဝေးဟာ မြန်မာနိုင်ငံ ရခိုင်ပြည်နယ်အရေးနဲ့ ပတ်သက်လို့ ပြီးခဲ့တဲ့ နိုဝင်ဘာ ၆ ရက်က လုံခြုံရေးကောင်စီမှာ အစည်းအဝေးကျင်းပပြီး ဥက္ကဋ္ဌရဲ့ ကြေညာချက် ထုတ်ပြန်ပြီးနောက် ရက်ပေါင်း ၃၀ အကြာမှာ အခြေအနေတွေ တိုးတက်မှုရှိမရှိ နောက်ဆက်တွဲ ထပ်မံဆွေးနွေးကြတာ ဖြစ်ပါတယ်။

source : http://burmese.dvb.no

သတင်းထောက်တွေကို ချက်ခြင်း ပြန်လွှတ်ဖို့ ရိုက်တာတောင်းဆို

ရိုက်တာ သတင်းထောက် နှစ်ယောက် အင်္ဂါနေ့ ည နေပိုင်းတုန်းက ရန်ကုန်မှာ အဖမ်း ခံခဲ့ရတဲ့ ဖြစ်ရပ်ရဲ့ နောက်ဆက်တွဲ ဂယက်တွေ အကြီးအကျယ် ထွက်ပေါ် နေပါတယ်။

ရိုက်တာ သတင်းထောက် နှစ်ယောက် ဖြစ်တဲ့ ကိုဝလုံးနဲ့ ကိုကျော်စိုးဦး တို့ဟာ ရခိုင်ပြည်နယ် ထဲက လုံခြုံရေး အခြေအနေတွေနဲ့ ပတ်သက်နေတဲ့ အရေးကြီး သတင်းတွေကို တရားမဝင် ရယူခဲ့လို ဆိုပြီး အဖမ်း ခံခဲ့ရတာပါ။

သတင်းသမားတွေ သတင်းကိစ္စလုပ်လို့ ဖမ်းခံရတယ် ဆိုတာ စာနယ်ဇင်း လွတ်လပ်ခွင့် အပေါ် ပြောင်ပြောင်တင်းတင်း ချိုးဖောက် တိုက်ခိုက်တာပဲလို့ ရိုက်တာ သတင်းဌာနဘက်က ပြင်းပြင်းထန်ထန် ဝေဖန် ရှုတ်ချပါတယ်။

ရိုက်တာ သတင်းထောက်တွေကို ချက်ခြင်း ပြန်လွှတ် ပေးဖို့လည်း ရိုက်တာရဲ့ ဥက္ကဌလည်းဖြစ်၊ အယ်ဒီတာချုပ်လည်း ဖြစ်တဲ့ စတီဖင် ဂျေ အက်ဒ်လာက မြန်မာ အာဏာပိုင်တွေကို တောင်းဆိုပါတယ်။
ရိုက်တာ သတင်းထောက်တွေ ဖမ်းထားကြောင်း အစိုးရ ပြန်ကြားရေးဌာနရဲ့ အတည်ပြု ထုတ်ပြန်ချက်ထဲ လက်ထိပ်ခတ်ခံထားရတဲ့ ကိုဝလုံးနဲ့ ကိုကျော်စိုးဦးတို့ နှစ်ယောက်ရဲ့ ဓာတ်ပုံကို ပါ ပူးတွဲ ဖော်ပြ ထားပါတယ်။

ရခိုင်ပြည်နယ်၊ ဘူးသီးတောင် မောင်တော ဒေသထံ လှုပ်ရှားခဲ့တဲ့ ရဲတပ်ဖွဲ့တွေကို ချည်းကပ်ပြီး၊ အရေးကြီး စာရွက်စာတမ်းတွေကို ပြည်ပ သတင်းဌာနကို ပို့ဖို့ ရည်ရွယ်ချက်နဲ့ ရယူခဲ့တဲ့ အတွက် မြန်မာနိုင်ငံအစိုးရ လျှို့ဝှက်ချက် အက်ဥပဒေ ပုဒ်မ-၃ နဲ့ အမှုဖွင့် ထားတယ်ဆိုပြီး ပြန်ကြားရေးက ထုတ်ပြန်ပါတယ်။

သတင်းထောက်နှစ်ယောက်နဲ့ ပတ်သက်ခဲ့တဲ့ ဒုတိယရဲမှူး မိုးရန်နိုင် နှင့် ရဲတပ်ကြပ်ကြီး ခင်မောင်လင်းတို့ကိုလည်း အရေးယူသွားမယ်လို့ ဆိုပါတယ်။
လျှို့ဝှက်စာရွက်တွေနဲ့ အတူမိ

သတင်းထောက်နှစ်ဦးကို ရခိုင်မြောက်ပိုင်း တိုက်ပွဲ အသေးစိတ် အစီရင်ခံစာ၊ ရဲကင်းစခန်း မြေပုံ အကြမ်းစာရွက်၊ တိုင်းရင်းသား ကျေးရွာတွေရဲ့ မီးလောင်မှုနဲ့ လူဦးရေ စာရင်း အစီရင်ခံစာ စတဲ့ စာရွက်စာတမ်းတွေနဲ့အတူ ထောက်ကြံ့နားမှာ ဖမ်းဆီးမိခဲ့တာလို့ မင်္ဂလာဒုံ ရဲတပ်ဖွဲ့က ပြောပါတယ်။

နိုဝင်ဘာ ၁၂ ရက်နေ့၊ အင်္ဂါနေ့ ည ၁၁ နာရီ ဝန်းကျင် ထောက်ကြန့်နားမှာ သတင်းထောက်တွေကို သူကိုယ်တိုင် ဦးဆောင်တဲ့ မင်္ဂလာဒုံ မြို့နယ် ရဲတပ်ဖွဲ့က ဖမ်းခဲ့တာ ဖြစ်တယ်လို့ ရဲမှူး မင်းသန့်က ဘီဘီစီကို ပြောပါတယ်။

သူတို့ကို မင်္ဂလာဒုံတရားရုံးမှာ နိုဝင်ဘာ ၁၃ ရက်နေ့မှာ ချက်ချင်း ရုံးထုတ်ခဲ့ပြီး ချုပ်ရက် ရမန်ယူထားတယ်လို့လည်း ရဲမှူး မင်းသန့်က ဆိုပါတယ်။

source : http://www.bbc.com/burmese/burma-42347621

လုံခြုံရေးကောင်စီ ရိုဟင်ဂျာအရေးထပ်မံ ဆွေးနွေးမည်

ရခိုင်ပြည်နယ်မြောက်ပိုင်း ရိုဟင်ဂျာ အကျပ်အတည်းနဲ့ ပတ်သက်လို့ ဒီကနေ့ အင်္ဂါနေ့မှာ ကုလသမဂ္ဂလုံခြံရေးကောင်စီမှာ ဆွေးနွေးဖို့ရှိပါတယ်။ ပြီးခဲ့တဲ့ နိုဝင်ဘာလက လုံခြုံရေးကောင်စီဥက္ကဌ ရဲ့ မြန်မာ့အရေးကြေညာချက်ထွက်လာပြီး တလအကြာ အခုလို ထပ်မံ ဆွေးနွေးကြမှာဖြစ်ပါတယ်။

အခုချိန်ထိ ရိုဟင်ဂျာတွေအပေါ် ပစ်မှတ်ထားပြီး လူမျိုးစုအလိုက်ရှင်း လင်းဖယ်ရှားမှုကို ထိထိရောက်ရောက်အရေးယူကိုင်တွယ်ဖို့ လုံခြုံရေးကောင်စီဘက်က ပျက်ကွက်မှုဟာ ရှက်ဖွယ်ကောင်းကြောင်း နိုင်ငံတကာလူ့အခွင့်အရေးအဖွဲ့တွေကလည်း ဝေဖန်ခဲ့ကြပါတယ်။ မအင်ကြင်းနိုင်က အပြည့်အစုံတင်ပြမှာပါ။

ဒီကနေ့ ဒီဇင်ဘာလ ၁၂ ရက်နေ့ လုံခြုံရေးကောင်စီမှာပြုလုပ်မယ့်ရိုဟင်ဂျာအရေးဆွေးနွေးပွဲနဲ့ ပတ်သက်လို့ အသေးစိတ်အစီအစဉ်ကို ထုတ်ပြန်ခြင်းမရှိသေးပါဘူး။ပြီးခဲ့တဲ့ နိုဝင်ဘာလ ၇ ရက်နေ့က လုံခြုံရေးကောင်စီဥက္ကဌ ရဲ့ မြန်မာ့အရေးကြေညာချက်နဲ့ ပတ်သက်လို့ ဆွေးနွေးပွဲအပြီး သတင်းထောက်တွေနဲ့ တွေ့ဆုံခဲ့တဲ့ ကုလသမဂ္ဂဆိုင်ရာ ဗြိတိန် လက်ထောက် အမြဲတမ်းကိုယ်စားလှယ် သံအမတ်ကြီး Jonathan Allen ကတော့ ကြေညာချက်ပါအချက်တွေကို မြန်မာနိုင်ငံဘက်က လိုက်နာဆောင်ရွက်မှုရှိ မရှိ တလအကြာမှာ ပြန်လည်သုံးသပ်ဖို့ရှိတယ်ဆိုတာမျိုး အခုလိုပြောသွားခဲ့ပါတယ်။

“ဒါဟာလုံခြုံရေးကောင်စီအနေနဲ့ ဆယ်နှစ်အတွင်း မြန်မာနိုင်ငံနဲ့ပတ်သက်လို့ ဒီလိုမျိုး ပထမဆုံးထုတ်ပြန်တဲ့ ကြေညာချက်ဘဲဖြစ်ပါတယ်။ လုံခြုံရေးကောင်စီအနေနဲ့ မြန်မာနိုင်ငံ ရဲ့ လုပ်ဆောင်ချက်ကို အကဲခတ်စောင့်ကြည့်မှာဖြစ်ပါတယ်။ အတွင်းရေးမှူးချုပ်က လုံခြုံရေးကောင်စီကို အစီရင်မခံမှီ မြန်မာနိုင်ငံက လိုက်နာဖို့ ရက် ၃၀ အချိန်ရမှာဖြစ် ပါတယ်။ လုံခြုံရေးကောင်စီက မြန်မာနိုင်ငံကို အရှင်းဆုံး အသိပေး လိုက်တာပါပဲ။”

ဒီဇင်ဘာလအတွက် လုံခြုံရေးကောင်စီရဲ့ အလှည့်ကျဥက္ကဌက ဂျပန်ဖြစ်ပါတယ်။ ဒါကြောင့် ကုလသမဂ္ဂဆိုင်ရာ ဂျပန်သံအမတ်ကြီး Koro Bessho အနေနဲ့ ကမ္ဘာ့လူသားချင်းဆိုင်ရာ အကျပ်အတည်းအကြီးမားဆုံးဖြစ်လာတဲ့ ရိုဟင်ဂျာဒုက္ခသည်အရေးကို ထိထိရောက်ရောက် ကိုင်တွယ်ဖြေရှင်းဖို့ လက်တွေ့ပြသသင့်ကြောင်း AI ခေါ် နိုင်ငံတကာလွတ်ငြိမ်းချမ်းသာခွင့်အဖွဲ့ကြီးက တိုက်တွန်းလိုက်ပါတယ်။ မြန်မာနိုင်ငံ ရခိုင်ပြည်နယ်မြောက်ပိုင်းမှာ သုံးလခွဲကြာမြင့်လာတဲ့ လူသားမျိုးနွယ်အပေါ် ရာဇ၀တ်ကျူးလွန်မှုတွေ အဆုံးသတ်ဖို့ထိထိရောက်ရောက် အရေးယူဆောင်ရွက်သင့်ကြောင်းလည်း တောင်းဆိုထားပါတယ်။

မနေ့ တနင်္လာနေ့က ထုတ်ပြန်တဲ့ AI ရဲ့ ကြေညာချက်မှာ ရိုဟင်ဂျာအကျပ်အတည်းကို လုံခြုံရေးကောင်စီအနေနဲ့ ထိထိရောက်ရောက် အရေးယူကိုင်တွယ်ဖြေရှင်းဖို့ ပျက်ကွက်နေကြောင်း ဝေဖန်ရှုတ်ချထားပါတယ်။ အလွန်ဆိုးရွားလှတဲ့ ညှမ်းပန်းနှိပ်စက်မှုတွေကြောင့် ရိုဟင်ဂျာဒုက္ခသည်ခြောက်သိန်းကျော် သြဂုတ်လကတည်းက ဘေးလွတ်ရာကို ထွက်ပြေးတိမ်းရှောင်ခဲ့တဲ့ အခြေအနေအတွက် လုံခြုံရေးကောင်စီဘက်က ကြေညာချက်တခုလောက်ပဲ ထုတ်ပြန်နိုင်ခဲ့ကြောင်းနဲ့ ဒါဟာလည်း ထိရောက်မှုမရှိကြောင်း AI လူ့အခွင့်အရေးအဖွဲ့က ပြောပါတယ်။

ရိုဟင်ဂျာအကျပ်အတည်းနဲ့ ပတ်သက်ပြီး ပြီးခဲ့တဲ့ သတင်းပတ်က ကုလသမဂ္ဂလူ့အခွင့်အရေးကောင်စီ ကနေ မြန်မာ စစ်တပ်ခေါင်းဆောင်ပိုင်းကို ပစ်မှတ်ထား ပိတ်ဆို့အရေးယူမှုနဲ့အတူ မြန်မာနိုင်ငံအပေါ် လက်နက်ရောင်းချမှု ပိတ်ပင်တဲ့ ကန့်သတ်ချက်တွေ ပါဝင်တဲ့ မြန်မာ့အရေးဆုံးဖြတ်ချက်ကို ချမှတ်ခဲ့ပါတယ်။ ဒါကြောင့် လုံခြုံရေးကောင်စီအနေနဲ့ လည်း လူ့အခွင့်အရေးကောင်စီရဲ့ ဆုံးဖြတ်ချက်လိုမျိုး လူ့အခွင့်အရေးချိုးဖောက်မှုကို ကျူးလွန်ခဲ့တဲ့ မြန်မာစစ်တပ်ကို ပစ်မှတ်ထားအရေးယူသင့်ကြောင်း AI အဖွဲ့က အကြံပေးထားပါတယ်။ ဒါအပြင် မြန်မာနိုင်ငံမှာ လူသားမျိုးနွယ်အပေါ် ရာဇ၀တ်ကျူးလွန်မှုအတွက် တာဝန်ခံဖို့ လုံခြုံရေးကောင်စီအနေနဲ့ ထိထိရောက်ရောက် တဆင့်ပြီးတဆင့် ဆောင်ရွက်သင့်ကြောင်း တိုက်တွန်းထားပါတယ်။

နိုဝင်ဘာလ ၇ ရက်နေ့က ထုတ်ပြန်ခဲ့တဲ့ လုံခြုံရေးကောင်စီ ဥက္ကဋ္ဌ ရဲ့ မြန်မာ့အရေး ကြေညာချက်မှာ ရခိုင်ပြည်နယ်မှာ နောက်ထပ် လုံခြုံရေးတပ်အင်အားတွေ အလွန်အကျွံအသုံးမပြုရေး သေချာအောင်ဆောင်ရွက်ဖို့၊ အရပ်သားအုပ်ချုပ်ရေး ပြန်လည်ဖွဲ့စည်းဖို့၊ တရားဥပဒေ စိုးမိုးမှုရှိစေဖို့၊ လူ့အခွင့်အရေးချိုးဖောက်ခဲ့သူတွေနဲ့ တာဝန်ရှိသူတွေကို ချက်ချင်းအရေးယူဆောင်ရွက်ဖို့ မြန်မာအစိုးရကို တိုက်တွန်းထားပါတယ်။

ဒါအပြင် လိင်ပိုင်းဆိုင်ရာ အကြမ်းဖက်မှုအပါအ၀င် ကလေးတွေအပေါ် ညှမ်းပန်းနှိပ်စက်မှု စတဲ့ လူ့အခွင့်အရေးချိုးဖောက်မှု စွပ်စွဲချက်တွေအပေါ် ပွင့်လင်းမြင်သာတဲ့ စုံစမ်းစစ်ဆေးမှုတွေပြုလုပ်ဖို့နဲ့ ဒီအတွက်လည်း မြန်မာအစိုးရဘက်က သက်ဆိုင်ရာ ကုလသမဂ္ဂ အဖွဲ့အစည်းအားလုံးနဲ့ ပူးပေါင်းဆောင်ရွက်ဖို့ လုံခြုံရေးကောင်စီဥက္ကဌ ရဲ့ ကြေညာချက်မှာ ဖော်ပြထားပါတယ်။

Source : https://burmese.voanews.com

ရခိုင်အရေး လူမျိုးစုလိုက်ရှင်းလင်းမှုဟု ဗြိတိန်လွှတ်တော်ကော်မတီထုတ်ပြန်

မြန်မာနိုင်ငံ ရခိုင်ပြည်နယ်တွင်း အကြမ်းဖက်မှုတွေနဲ့ လုံခြုံရေးတပ်ဖွဲ့တွေရဲ့ နယ်မြေရှင်းလင်းမှု ဆောင်ရွက်ချက်တွေဟာ ဒေသတွင်းက ရိုဟင်ဂျာမူစလင်တွေအပေါ် လူမျိုးစုအလိုက် ရှင်းလင်းဖယ်ရှားရာ ရောက်နေတယ်လို့ ဗြိတိန်လွှတ်တော်က ဒီကနေ့ ပြောဆိုလိုက်ပြီး ဗြိတိန်အစိုးရအနေနဲ့ မြန်မာနိုင်ငံအပေါ် လိုအပ်ရင် ဖိအားတိုးမြှင့်ပေးသွားဖို့လည်း တိုက်တွန်းထားပါတယ်။ ရခိုင်ပြည်နယ် အရေးအကြောင့် မြန်မာအပေါ် နိုင်ငံတကာရဲ့ ဖိအားတွေ တိုးလာနေပေမဲ့၊ မြန်မာအစိုးရအနေနဲ့ ကတော့ ဒီဖိအားတွေကို ရှောင်လွှဲနိုင်တဲ့ အနေအထားမှာ ဆက် ရှိနေတုန်းပဲလို့ နိုင်ငံရေးသုံးသပ်သူတဦးက ပြောပါတယ်။ အပြည့်စုံကို မခင်ဖြူထွေးက တင်ပြပေးပါလိမ့်မယ်။

ရခိုင်ပြည်နယ်တွင်း ဖြစ်ပွားခဲ့တဲ့ အကြမ်းဖက်မှုတွေရဲ့ နောက်ဆက်တွဲ လုံခြုံရေးတပ်ဖွဲ့တွေရဲ့ နယ်မြေရှင်းလင်းမှုတွေဟာ အဲဒီဒေသမှာ နေထိုင်နေကြတဲ့ ရိုဟင်ဂျာ မူစလင်တွေအပေါ် လူမျိုးစုအလိုက် ရှင်းလင်းဖယ်ရှားရာ ရောက်ပြီး၊ လူသားထုအပေါ် ကျူးလွန်တဲ့ ရာဇ၀တ်မှုနဲ့ လူမျိုးတုံးသတ်ဖြတ်မှု ပုံစံအထိလည်း ဖြစ်ကောင်းဖြစ်နိုင်တယ်လို့ ဗြိတိန်လွှတ်တော် နိုင်ငံခြားရေးရာ ကော်မတီ က ပြောဆိုလိုက်ပါတယ်။

ဗြိတိန်အစိုးရအနေနဲ့လည်း ရခိုင်ပြည်နယ်အတွင်း ဖြစ်ပျက်ခဲ့တဲ့ အကြမ်းဖက်မှု အခြေအနေတွေ နဲ့ပတ်သက်လို့ တရားဝင် ဘယ်လို သတ်မှတ် သုံးနှုန်းမလဲ ဆိုတာကို အကဲဖြတ် စမ်းစစ်တာ အမြန်ဆုံး လုပ်ဆောင်ပြီး လိုအပ်ရင် မြန်မာအပေါ် ဖိအားတိုးမြှင့်ပေးတာတွေ လုပ်သွားဖို့ တိုက်တွန်းထားတာပါ။

နိုင်ငံရေးလေ့လာသုံးသပ်သူ ဦးအောင်သူငြိမ်းကတော့ – ရခိုင်ပြည်နယ်အရေးကြောင့် နိုင်ငံတကာမှာ ခုလို ဖိအားတွေ တိုးလာနေပေမဲ့၊ မြန်မာအစိုးရအနေနဲ့ကတော့ ဒီဖိအားတွေကို ရှောင်လွှဲနိုင်တဲ့ အနေအထားမှာ ရှိနေပုံရတယ်လို့ သုံးသပ်ပါတယ်။

“ကျနော်မြင်တာကတော့ နိုင်ငံတကာဘက်ကအခု စဉ်းစားတယ်တွေးခေါ်တယ်ပေါ့နော် ဒီပုံစံတွေအရ ဖိအားတွေပိုလာနိုင်တဲ့ အနေအထားလို့ ကျနော်မြင်ပါတယ်။ ဒါပေမယ့်လည်း ကျနော်တို့ဘက်က စဉ်းစားချက်အရကျတော့ ကျနော်တို့ အထူးသဖြင့်တော့ မြန်မာအစိုးရဘက်ကပေါ့နော် တချို့ကိစ္စတွေက သူတို့ ရှောင်လွဲလို့ရဦးမယ်လို့ထင်တယ်။ နောက်တခုကတော့ ဒီလိုအခြေအနေမျိုးမှာကျနော်တို့ အထူးသဖြင့်ကတော့ အိမ်နီးချင်း တရုတ်နိုင်ငံပေါ့နော် သူတို့ကလည်း ကျနော်တို့နဲ့ ပိုနီးကပ်လာတဲ့အနေအထားရှိတော့ ဒီလောက်ကြီး နိုင်ငံတကာဖိအားက မသက်ရောက်နိုင်ဘူးဆိုတဲ့အနေအထားလည်း စဉ်းစားပုံရပါတယ်။”

ပြီးခဲ့တဲ့သြဂုတ်လက ရခိုင်ပြည်နယ်မြောက်ပိုင်းမှာ တကျော့ပြန် ပြန်လည်ဖြစ်ပွားတဲ့ အကြမ်းဖက်မှုတွေနဲ့ နောက်ဆက်တွဲ လုံခြုံရေး တပ်ဖွဲ့တွေရဲ့ နယ်မြေရှင်းလင်းမှုတွေအတွင်းမှာ ရိုဟင်ဂျာမူစလင် ၆ သိန်းကျော် အိမ်နီးချင်း ဘင်္ဂလားဒေ့ရှ် နိုင်ငံဘက် ထွက်ပြေးခဲ့ရပြီး ဒီလိုဖြစ်အောင် မြန်မာလုံခြုံရေးတပ်ဖွဲ့တွေက စနစ်တကျ အကွက်ချ စီစဉ်ခဲ့တာဖြစ်တယ်လို့ အနောက်နိုင်ငံ အစိုးရတွေနဲ့ နိုင်ငံတကာ လူ့အခွင့်အရေး အဖွဲ့တွေက ပြစ်တင် ဝေဖန်နေတာပါ။ အခု ဗြိတိန်လွှတ်တော် နိုင်ငံခြားရေးရာကော်မတီ အစီရင်ခံစာမှာလည်း အလားတူ သုံးသပ်ထားတာဖြစ်ပါတယ်။ ရခိုင်ပြည်နယ်ပြဿနာနဲ့ ပတ်သက်လို့ နိုင်ငံတကာအသိုင်းအ၀ိုင်း နဲ့ မြန်မာနိုင်ငံအကြား ယူဆပုံချင်း သိသိသာသာ ကွဲနေပြီး နှစ်ဘက် နားလည်မှုရဖို့ကတော့ အတော်ညှိနှိုင်းရလိမ့်ဦးမယ်လို့ ဦးအောင်သူငြိမ်းက ပြောပါတယ်။

“အခုက နိုင်ငံတကာဘက်မှာတော့ ဒီရခိုင် ပြည်နယ်မြောက်ပိုင်းပြဿနာက မအေးသေးဘူးပေါ့နော်။ ဒါပေမယ့် မြန်မာပြည်ထဲမှာတော့ ကျနော်တို့က ဒီပြဿနာနဲ့ ပတ်သက်လို့ ရှုမြင်ပုံက နည်းနည်းတမျိုးဖြစ်တယ်လို့ ကျနော်ထင်တယ်။ အခုကျနော်တို့ သိရသလောက်ဆိုရင် မြန်မာပြည်ဘက်မှာက အစိုးရက လက်ရှိ လုပ်နေတာတွေလည်းရှိတယ်။ ကော်မရှင် ဖွဲ့ထားတာတွေလည်းရှိတယ် အကြံပေးအဖွဲ့တွေလည်း ထပ်ဖွဲ့တာတွေရှိပါတယ်။ နောက်တခုကတော့ ဖြစ်နေတဲ့ ပုံစံတွေက အကူအညီဆိုရင် ကျနော်တို့ အစိုးရကိုပေး ပြီးရင် ကျနော်တို့ မြန်မာ့ကြက်ခြေနီအဖွဲ့ကတဆင့် ပြန်ဖြန့်ဖြူးတယ်ပေါ့နော်။ ဆိုတော့ ဒီလိုဖြစ်တဲ့အခါကျတော့ နိုင်ငံတကာ အဖွဲ့အစည်းတော်တော်များများက လက်မခံနိုင်တဲ့ အနေအထားလည်းရှိတယ်။ နောက်တခုကတော့ လက်ရှိအခြေအနေပေါင်းစုံ သုံးသပ်ချက်အရ ဒုက္ခသည်တွေကလည်း ချက်ချင်းပြန်လာနိုင်တဲ့ အနေအထားမရှိဘူးပေါ့နော်။ ဆိုတော့ အဲလိုအနေအထားမှာတော့ ကျနော်ထင်တယ် ၂ ဖက်က နားလည်မှုတော်တော်ဝေးတယ်လို့ထင်ပါတယ်။”

ဒီကနေ့ ထုတ်ပြန်တဲ့ ကော်မတီရဲ့ အစီရင်ခံစာထဲမှာ ရခိုင်ပြည်နယ်တွင်းက အခြေအနေတွေကို သုံးသပ်ဖော်ပြထားပြီး ဖြစ်ပျက်ခဲ့တဲ့ အကြမ်းဖက်မှုတွေအတွက် မြန်မာကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်မှာ အပြည့်အ၀ တာဝန်ရှိတယ်လို့ ဖော်ပြထားသလို၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေနဲ့လည်း အခုပြဿနာမှာ ကမ္ဘာကမျှော်လင့်သလို ဦီးဆောင်မှုမျိုး မပေးနိုင်ခဲ့ဘူးလို့ ဝေဖန်ထားပါတယ်။ ရခိုင်ပြည်နယ်အတွင်းက ရိုဟင်ဂျာမူစလင် ဒုက္ခသည် ၆ သိန်းကျော် ဘင်္ဂလားဒေ့ရ်ှနိုင်ငံထဲ အလုံးအရင်း ထွက်ပြေးခဲ့ရတဲ့ အထိ ဖြစ်ခဲ့တဲ့ အခြေအနေတွေကို မှန်မှန်ကန်ကန် လေ့လာသုံးသပ်နိုင်ဖို့အတွက် ဗြိတိန်အစိုးရအနေနဲ့ ကျွမ်းကျင်ပညာရှင်အဖွဲ့ ဖွဲ့စည်းပြီး သက်သေ အထောက်အထားတွေ ရှာဖွေနိုင်သွားဖို့နဲ့ ဒီဖြစ်ရပ်တွေဟာ လူမျိုးတုံးသတ်ဖြတ်ရာ ရောက်သလား၊ လူသားထုတခုလုံးအပေါ် ကျူးလွန်တဲ့ ရာဇ၀တ်ပြစ်မှု ကျူးလွန်ရာ ရောက်သလားဆိုတာတွေကို လေ့လာသုံးသပ်ပြီးတော့ လိုအပ်ရင် ပြစ်မှုဆိုင်ရာ နိုင်ငံတကာခုံရုံးကို တိုင်တန်းတာတွေအထိ လုပ်သွားဖို့လည်း ဗြိတိန်လွှတ်တော်အမတ်တွေက သူတို့အစိုးရကို တိုက်တွန်းထားပါတယ်။

Source : https://burmese.voanews.com

ရခိုင်အရေးအကြံပြုချက် အကောင်အထည်ဖော်ရေး ကော်မတီရဲ့ အကြံပေးအဖွဲ့ ဖွဲ့စည်း

ပြည်ပပညာရှင် ၅ ဦးပါဝင်တဲ့ ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင် ရွက်ရေး ကော်မတီရဲ့ အကြံပေးအဖွဲ့ကို နိုင်ငံတော်သမ္မတက မနေ့က ဖွဲ့စည်းလိုက်ပါတယ်။

အဲဒီကော်မတီမှာ ပြည်ပက ပညာရှင်တွေ ပါဝင်တဲ့အတွက် ရခိုင်ပြည်နယ်မှာ အမှန်တကယ်ဖြစ်နေတဲ့ အခြေအနေတွေကို အားလုံးသိရှိအောင် ဖြန့်ဝေနိုင်မယ့် အားသာချက်ရှိတယ်လို့ ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ ဥက္ကဌဖြစ်တဲ့ ပြည်ထောင်စု ဝန်ကြီး ဒေါက်တာ ဝင်းမြတ်အေးက ပြောပါတယ်။

“မြေပြင်ရဲ့ အခြေအနေကို သူတို့ကနေတဆင့် အားလုံးသိနိုင်တဲ့ အကြောင်းတရားတွေလည်း ရှိနိုင်တာပေါ့။ အဲဒါတွေကတော့ အားသာချက်ဖြစ်မှာပေါ့။ မြေပြင်ကို ကိုယ်တိုင်ကိုယ်ကျသွားပြီးတော့ သတင်းတွေ ဖြန့်ဝေနိုင်တယ်။ တကယ့်အဖြစ်မှန်တွေကို သိနိုင်တယ်။ အဲဒါတွေလည်း အားသာချက် တစ်ခုပေါ့။ ဘာဖြစ်လို့လဲဆိုတော့ အဲဒီအပေါ်မှာ မူတည်ပြီးတော့မှ အကြံပေးချက်လုပ်လို့ရမှာပေါ့။ ဒီအတိုင်းစိတ်ကူးယဉ်ပြီး အကြံပေးလို့မှမရတာ။ အဲဒါအားသာချက်ပေါ့။ ကိုယ့်နိုင်ငံထဲက လူနဲ့ပဲ ဆိုလို့ရှိရင်တော့ ကိုယ့်အချင်းချင်း ကိုယ်ပြန်ပြောနေတယ် ဖြစ်နေမှာပေါ့။ တကယ်တော့ နိုင်ငံ တကာကပါတယ်ဆိုတော့ ပိုပြီးတော့ ပွင့်လင်းမြင်သာတာပေါ့”

အကြံပေးအဖွဲ့နဲ့ ဘယ်လိုပေါင်းစပ်ဆောင်ရွက်ရမယ်ဆိုတာနဲ့ အကြံပေးအဖွဲ့ရဲ့ လုပ်ငန်းတာဝန်တွေကိုတော့ လက်ရှိအချိန်အထိ မသိရသေးဘူးလို့ ၀န်ကြီးက ပြောပါတယ်။

ပြည်တွင်းပြည်ပ ပညာရှင် ၁၀ ဦးပါတဲ့ အကြံပေးအဖွဲ့မှာ အာရှငြိမ်းချမ်းရေးနဲ့ ရင်ကြားစေ့ရေးကောင်စီ ဥက္ကဌဖြစ်တဲ့ ထိုင်းနိုင်ငံ ဒုတိယ၀န်ကြီးချုပ်ဟောင်းနဲ့ နိုင်ငံခြားရေးဝန်ကြီးဟောင်း ဒေါက်တာ စူရကီရတ်ဆာသီရာထိုင်း၊ ဆွီဒင်လွှတ်တော်အမတ် အာဘန်အလင်၊ အမေရိကန် စွမ်းအင်ဝန်ကြီးဟောင်း ဘီလ်ရစ်ချက်ဆန်၊ တောင်အာဖရိက ကာကွယ်ရေးဝန်ကြီးဟောင်း ရိုးလော့ဖ် စတဲ့ ပြည်ပပညာရှင် ၅ ဦး ပါဝင်ပါတယ်။

ဒါ့အပြင် ကိုဖီအာနန်ရဲ့ ရခိုင်အကြံပေးကော်မရှင်မှာ ပါဝင်ခဲ့တဲ့ အမျိုးသား လူ့အခွင့်အရေး ကော်မရှင် ဥက္ကဌ ဦးဝင်းမြ၊ အာဆီယံ အစိုးရချင်းဆိုင်ရာ လူ့အခွင့်အရေးကော်မရှင် အဖွဲ့ဝင်ဖြစ်တဲ့ အငြိမ်းစား သံအမတ်ကြီး ဦးလှမြင့် စတဲ့ ပုဂ္ဂိုလ်တွေလည်း ပါဝင်ပါတယ်။

source : http://www.rfa.org/burmese

မြန်မာပြည်မှာ အမုန်းတရားပွားဖို့ ဖေ့စ်ဘုတ်ကို အသုံးပြုနေကြ

မြန်မာပြည်မှာ Facebook ဖေ့စ်ဘုတ်သုံးစွဲပြီး အမုန်းတရားပွားများအောင် သတင်းတွေ ရေးသားဖြန့်ချိနေကြတဲ့အတွက် မီးလောင်ရာလေပင့်သလိုဖြစ်နေပြီလို့ ဝါရှင်တန်ပို့စ်သတင်းစာက မနေ့က ရေးသားလိုက်ပါတယ်။

ဖေ့စ်ဘုတ်ဟာ မြန်မာပြည်မှာ အဓိက သတင်းဖြန့်ချိရေးစနစ် ဖြစ်နေပြီး ရိုဟင်ဂျာဆန့်ကျင်ရေး သတင်းတွေကို သာမန်အရပ်သားတွေကသာမက တပ်မတော်ထိပ်ပိုင်းခေါင်းဆောင်တွေနဲ့ အစိုးရပြောခွင့်ရသူ ကိုယ်တိုင်က ဖြန့်ချိဝေငှနေကြကြောင်းလည်း ဝါရှင်တန်ပို့စ် သတင်းစာရဲ့ အင်တာနက်ဝက်ဆိုဒ်က ဆောင်းပါးမှာ ရေးသားထားပါတယ်။

ဥပမာအဖြစ် ဗိုလ်ချုပ်မှူးကြီး မင်းအောင်လှိုင်ရဲ့ ဖေ့စ်ဘုတ်စာမျက်နှာကနေ ရိုဟင်ဂျာတွေအပေါ် လုံခြုံရေးတပ်ဖွဲ့တွေရဲ့ ရက်စက်ကြမ်းကြုတ်မှုတွေနဲ့ပတ်သက်ပြီး စုံစမ်းတွေ့ရှိချက်ကို တင်ပြရာမှာ မွတ်စလင် တချို့က သူတို့အိမ်သူတို့ မီးရှို့ပြီး စစ်တပ်ကို အပြစ်ပုံချကြောင်း ဖေါ်ပြထားသလို အဲဒီသတင်းကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ပြောခွင့်ရသူ ဦးဇော်ဌေးက သူ့ရဲ့ဖေ့စ်ဘုတ်ကနေ ထပ်ဆင့်ဝေငှခဲ့တယ်လို့ ရေးသားထားပါတယ်။

ဖေ့ဘုတ်ပြောခွင့်ရသူတစ်ဦးက မြန်မာပြည်မှာ ဖေ့စ်ဘုတ်ကနေ အမုန်းတရား ရေးသားနေကြတာကို စောင့်ကြည့်ဖို့အတွက် မြန်မာဘာသာစကား တတ်ကျွမ်းတဲ့အဖွဲ့တစ်ခုဖွဲ့စည်းပြီး ကိုင်တွယ်ဖြေရှင်းနေကြောင်းနဲ့ အဆင့်အတန်းနိမ့်ကျတဲ့ အရေးအသားမျိုးကို ဖေ့စ်ဘုတ်သုံးစွဲသူတွေရဲ့ ထောက်ပြအကြောင်းကြားချက်တွေအရ အရေးယူနေကြောင်း ပြောပါတယ်။ မှားယွင်းတဲ့ သတင်းအချက်အလက် ရေးသားတင်ပြယုံမျှနဲ့ ဖေ့စ်ဘုတ်ပေါ်ကနေ ဖယ်ရှားခြင်းမပြုပေမယ့် လူတဖက်သားကို ထိခိုက်နစ်နာစေပြီး ခြိမ်းခြောက်မှုမျိုးပါဝင်တဲ့ အရေးအသားတွေကိုတော့ ဖယ်ရှားနေတယ်လို့လည်း ဆိုပါတယ်။

ရိုဟင်ဂျာမွတ်စလင်ဆန့်ကျင်ရေးကို လူမှုမီဒီယာသုံးစွဲပြီး ထိပ်တန်းက ဖြန့်ချိရေးသားနေတဲ့ သံဃာတစ်ပါးကတော့ အရှင်ဝီရသူဖြစ်ပြီး လူသေအလောင်းတွေကို မွတ်စလင်တွေ သတ်ဖြတ်ခံရတဲ့ ဗုဒ္ဓဘာသာဝင်တွေအဖြစ် ဖေါ်ပြခဲ့ပေမယ့် ရိုဟင်ဂျာတွေဒုက္ခရောက်ပုံကိုတော့ ဆရာတော်ရဲ့ ဖေ့စ်ဘုတ်မှာ တခါမှဖေါ်ပြခဲ့ခြင်းမရှိဘူးလို့ ဆိုပါတယ်။ အရှင်ဝီရသူကို အရေးယူပိတ်ပင်ခဲ့ဘူးကြောင်းလည်း ဖေ့စ်ဘုတ်အရာရှိက ပြောပါတယ်။

တခြားအစွန်းရောက် အမျိုးသားရေးသံဃာတချို့ကလည်း ဖေ့စ်ဘုတ်ကို နောက်လိုက်နောက်ပါ များပြားလာအောင် လူစုတဲ့ပစ္စည်းအဖြစ် အသုံးချနေကြတယ်လို့ ဆိုပါတယ်။ အရှင် ဦးသုစိတ္တဆိုတဲ့ ဆရာတော်ဟာ အမေရိကန်သံရုံး ဆန္ဒပြပွဲအတွက် ဖေ့စ်ဘုတ်ကနေ လူစုခဲ့ကြောင်းနဲ့ ရွှေတိဂုံဘုရားမှာ ဈေးလာရောင်းတဲ့ မွတ်စလင်တွေကို ရန်ပြုခြိမ်းခြောက်ဖို့ လှုံ့ဆော်ခဲ့ကြောင်း၊ ဒါ့အပြင် အရှင် သုစိတ္တဟာ မွတ်စလင်တွေထွက်ပြေးကြတဲ့အတွက် ဝမ်းသာကြောင်းနဲ့ ဘင်္ဂါလီတွေဟာ ကမ္ဘာပေါ်မှာ အန္တရာယ် အများဆုံးလူတွေဖြစ်ကြောင်း ရေးသားခဲ့တယ်လို့လည်း ဝါရှင်တန်ပို့စ်က ဖေါ်ပြပါတယ်။

တဆက်တည်းမှာပဲ အင်တာနက် ဖေ့စ်ဘုတ်ကနေ မဖွယ်မရာရေးသားမှုတွေကို အစိုးရကိုယ်တိုင် မသက်မသာဖြစ်နေပြီး မကြာခင်ကတင် အင်တာနက်သုံးစွဲမှုတွေကို ကြီးကြပ်စစ်ဆေးဖို့ ဥပဒေပြဌာန်းခဲ့ကြောင်းလည်း အဲဒီဆောင်းပါးမှာ ရေးသားထားပါတယ်။

ဒါ့အပြင် ဖေ့စ်ဘုတ် ဒု ဥက္ထဌတစ်ဦးက မြန်မာပြည်မှာ ဖေ့စ်ဘုတ်ကနေ အမုန်းတရားပွားများအောင် ရေးသားမှုတွေကို ဖယ်ရှားဖို့အတွက် လက်တွေ့မှာ အခက်အခဲရှိနေပါတယ်။ မြန်မာလို ရေးသားထားတာတွေကို ချက်ခြင်း နားမလည်တဲ့အတွက် ထပ်မံအချိန်ယူစစ်ဆေးပြီးမှ အရေးယူနေရပါတယ်၊ ဒါဟာ ရေရှည်ဖြေရှင်းရမယ့် စိန်ခေါ်မှုတစ်ခုအဖြစ် မျှော်လင့်ထားပါတယ်လို့ ဝါရှင်တန်ပို့စ်ကို ဖြေကြားခဲ့ကြောင်း သိရပါတယ်။

Source : https://www.facebook.com/rfaburmese/photos/

ရိုဟင်ဂျာအရေး လူ့အခွင့်အရေးကောင်စီ အထူးစည်းဝေးခေါ်ယူမှု Bangladesh ရှင်းလင်း

ရခိုင်ပြည်နယ်အတွင်းက ရိုဟင်ဂျာမူဆလင်နဲ့တခြားလူနည်းစုတွေရဲ့လူ့အခွင့်အရေး အခြေအနေတွေနဲ့ပတ်သက်ပြီး ကုလသမဂ္ဂလူ့အခွင့် အရေးကောင်စီမှာ ဒီကနေ့အထူးအစည်းအဝေးခေါ်ယူကျင်းပဖို့ရှိပါတယ်။ မနေ့တုန်းကတော့ အထူးအစည်းအဝေးခေါ်ယူ ရတဲ့အကြောင်းအရင်းနဲ့ ဘယ်လိုအကြောင်းအရာတွေကို ဆွေးနွေးကြမယ်ဆိုတာတွေကို ဒီအစည်းအဝေးခေါ်ယူဖို့အဆို တင်သွင်းကြတဲ့နိုင်ငံတွေက ရှင်းပြခဲ့ကြပါတယ်။ ဒီအကြောင်း ကိုကျော်အောင်လွင်က ပြောပြပါလိမ့်မယ်။

ကုလသမဂ္ဂလူ့အခွင့်အရေးကောင်စီမှာ ရိုဟင်ဂျာနဲ့ရခိုင်ပြည်နယ်အတွင်းက တခြားလူနည်းစုတွေရဲ့လူ့အခွင့်အရေး အခြေအနေနဲ့ပတ်သက်လို့ အထူးအစည်းအဝေးခေါ်ယူပြီး ဆွေးနွေးကြဖို့အဆိုတင်သွင်းခဲ့ကြတဲ့နိုင်ငံတွေကတော့ ဘင်္ဂလားဒေ့ရ်ှနဲ့ ဆော်ဒီအာရေးဗျနိုင်ငံတွေပါ။ သူတို့ရဲ့အဆိုတင်သွင်းမှုကို ကုလသမဂ္ဂအဖွဲ့ဝင်နိုင်ငံပေါင်း၇၃ကလည်း ထောက်ခံခဲ့ကြပါတယ်။ အဲဒီနိုင်ငံတွေထဲမှာ ၃၃နိုင်ငံက ကုလသမဂ္ဂလူ့အခွင့်အရေးကောင်စီရဲ့အဖွဲ့ဝင်နိုင်ငံတွေပါ။ လူ့အခွင့်အရေးကောင်စီမှာ အဖွဲ့ဝင် ၄၇ နိုင်ငံရှိပြီး၊ အထူးစည်းဝေးပွဲခေါ်ယူနိုင်ဖို့ အနည်းဆုံး အဖွဲ့ဝင်တွေရဲ့ထောက်ခံမှု သုံးပုံတပုံ ဒါမှမဟုတ်အနည်းဆုံး ၁၆ နိုငိငံရဲ့ထောက်ခံမှုရရှိဖို့ လိုအပ်တာဖြစ်ပါတယ်။ ဂျီနီဗာက ကုလသမဂ္ဂဆိုင်ရာ ဘင်္ဂလားဒေ့ရ်ှသံအမတ် M Shameem Ahsan ကတော့ ဘင်္ဂလားဒေ့ရ်ှနိုင်ငံကိုရောက် လာကြတဲ့ရိုဟင်ဂျာဦး ရေစုစုပေါင်းက တသန်းလောက်ရှိနေပြီလို့ဆိုပါတယ်။

“သြဂုတ်လ ၂၅ရက်နေ့ကစလို့ ရိုဟင်ဂျာ၆သိန်း၂သောင်းလောက်ဟာ မြန်မာပြည်တွင်းက အဓမ္မတွန်းအားပေးမှုတွေ ကြောင့် ဘင်္ဂလားဒေ့ခ်ျနိုင်ငံမှာလာပြီးခိုလှုံနေကြပါတယ်။ သူတို့တွေထဲက ၆၀ရာခိုင်နှုန်းဟာ ကလေးသူငယ်တွေပါ။ နောက်ထပ် ရိုဟင်ဂျာ တသိန်း၂သောင်းလောက် ဒါမှမဟုတ် ဒီထက်ပိုတဲ့လူအရေအတွက်ဟာ မြန်မာပြည်တွင်းမှာပဲ အိုးအိမ်စွန့်ခွါထွက်ပြေးနေရသူတွေအတွက်တည်ဆောက်ထားတဲ့စခန်းတွေမှာ ဘယ်ကိုမှရွှေ့ပြောင်းခွင့်မရှိပဲ နေနေကြရ ပါတယ်။ ဘင်္ဂလားဒေ့ရ်ှနိုင်ငံအတွင်းမှာရောက်နေတဲ့ ရိုဟင်ဂျာလူဦးရေစုစုပေါင်းကအခုဆို တသန်းလောက်ရှိနေပါပြီ။ သြဂုတ်လ ၂၅ရက်နောက်ပိုင်း ရောက်လာကြတဲ့သူတွေဟာ မြန်မာပြည်အတွင်း မှာ ရက်စက်ကြမ်းကြုတ်တဲ့လုပ်ရပ်တွေကို ခံစားခဲ့ကြရတဲ့သူတွေပါ”

မကြာခင်တုန်းကပဲ မြန်မာနဲ့ဘင်္ဂလားဒေ့ရှ်၂နိုင်ငံအကြားသဘောတူညီချက်အရ ရိုဟင်ဂျာဒုက္ခသည်တွေကို နေရပ်ပြန် ခေါ်ရေးလုပ်ငန်းကို ၂လအတွင်းလုပ်ဆောင်မယ်လို့ဆိုပါတယ်။ ဒီလုပ်ငန်းက အချိန်လည်းတော်တော် ကြာမှာဖြစ်ပြီး လုပ်ငန်းစဉ်တွေလည်း တော်တော်များတဲ့ကိစ္စလို့လည်း သံအမတ်ကြီးကပြောပါတယ်။ ရိုဟင်ဂျာပြဿနာကိုဖြေရှင်းရာ မှာ အဓိကအချက်၂ချက်ရှိပြီးပထမအချက်ကို သံမတ် Shameem Ahsan အခုလိုစရှင်းပါတယ်။

“ဒီနိုင်ငံမဲ့ဖြစ်နေတဲ့လူနည်းစုအခြေအနေကို ထိထိရောက်ရောက်ဖြေရှင်းရေးမှာ သူတို့အပေါ် လူမျိုးရေးနဲ့ ဘာသာ ရေး ဆိုင်ရာမုန်းတီးမှုတွေကိုရပ်တန့်ရမှာဖြစ်သလို သူတို့ကို အသိအမှတ်မပြုပဲ မြန်မာနိုင်ငံအတွင်း နေထိုင်ခဲ့တာကြာ ပေမဲ့ တရားမ၀င်နေထိုင်သူတွေဆိုတဲ့ပြောဆိုမှုတွေကိုလည်း ရပ်တန့်ရမှာဖြစ်ပါတယ်။ မစ္စတာ ကိုဖီအာ နန်အဖွဲ့ရဲ့ အကြံပေးချက်တွေကိုလည်းအပြည့်အ၀လိုက်နာရမှာဖြစ်ပါတယ်။”

ရိုဟင်ဂျာပြဿနာဖြေရှင်းရေးဆိုင်ရာ ဒုတိယအချက်ကိုလည်း ဘင်္ဂလားဒေ့ခ်ျသံအမတ်က ဆက်ပြီးပြောပါတယ်။

“ဒုတိယအချက်အနေနဲ့ ကုလသမဂ္ဂရဲ့ အချက်အလက်ရှာဖွေရေးအဖွဲ့ကို ၀င်ခွင့်ပြုရပါလိမ့်မယ်။ ဒီနိုင်ငံမဲ့ လူနည်း စုတွေ အပေါ်လူ့အခွင့်အရေးချိုးဖေါက်မှုတွေကျူးလွန်ခဲ့တယ်ဆိုတဲ့အချက်တွေကို စုံစမ်းစစ်ဆေးဖို့ဖြစ်ပါတယ်။ ပြစ်မှု ကျုးလွန်သူတွေကိုလည်း အရေးယူရပါလိမ့်မယ်။ ဒါဟာ အိုးအိမ်မဲ့ဖြစ်နေသူတွေအတွက် ယုံကြည်မှုတည်ဆောက်နိုင် ရေးမှာ သိပ်ပြီးအရေးပါတဲ့အချက်ဖြစ်ပါတယ်။ ပိုပြီးရေးကြီးတာကတော့ ဒီအဖိနှိပ်ခံလူနည်းစုတွေနောက်ထပ်နှိပ်စက် မခံ ရအောင် ဒီနည်းနဲ့အကာအကွယ်ပေးဖို့ပါပဲ။”

ဘာကြောင့်အခုလိုအထူးအစည်းအဝေးခေါ်ရသလဲဆိုတာကိုလည်း ဘင်္ဂလားဒေ့ရ်ှသံအမတ် Shameem Ahsan ရှင်းပြပါတယ်။

“ဒီလူ့အခွင့်အရေးပဋိပက္ခကိုဖြေရှင်းရေးမှာ မြန်မာဘက်က စိတ်ရင်းမှန်နဲ့ ကြိုးပမ်းလုပ်ဆောင်တာ မျိုး နိုင်ငံတကာလူ့အဖွဲ့အစည်းတွေအနေနဲ့ မတွေ့ရသေးပါဘူး။ ဒီပြဿနာကိုဖြေရှင်းရေးမှာ လူသားချင်းစာနာမှုကိစ္စေ တွကိုပဲဖြေရှင်းပြီး ၂နိုင်ငံအကြားဆွေးနွေးဖြေရှင်းယုံနဲ့လုံလောက်တယ်ဆိုတဲ့ အယူဆကို ကျနော်တို့လက်မခံပါဘူး။”

အခုလိုစိတ်ပျက်ဖို့ကောင်းတဲ့အခြေအနေဟာ မြန်မာဘက်က အချိန်စွဲနေတာကြောင့် ပိုဆိုးလာပြီး အချက်အလက်ရှာ ဖွေရေးအဖွဲ့ကိုလည်း ၀င်ခွင့်မပြုတာကြောင့် ကမ္ဘာ့နိုင်ငံတော်တော်များများက ကုလသမဂ္ဂအဖွဲ့အတွင်း လူ့အခွင့်အရေးကောင်စီ အနေနဲ့ ဒီကိစ္စကို အဓိကထားကိုင်တွယ်ရမယ်လို့ ယုံကြည်လက်ခံလာတာလည်းဖြစ်ပါတယ်။

ဒီကနေ့ကျင်းပတဲ့အထူးအစည်းအဝေးအပြီး အလ်ဂျီးရီးယား၊ ဘင်္ဂလားဒေ့ရှ်၊ နိုက်ဂျီးယား၊ ဆော်ဒီအာရေးဗျ၊ ဆီနီးဂလ်နဲ့တူရကီနိုင်ငံတွေပေါင်းပြီး ရခိုင်ပြည်နယ်အတွင်းက ရိုဟင်ဂျာမူဆလင်နဲ့တခြားလူနည်းစုတွေရဲ့ လူ့အခွင့် အရေး အခြေအနေတွေဆိုတဲ့ခေါင်းစဉ်နဲ့ အဆိုပြုချက်တရပ်ကို တင်သွင်းဖို့ရှိပါတယ်။

ဒီအဆိုပြုချက်ကို လူ့အခွင့်အရေး ကောင်စီအဖွဲ့ဝင်တွေအကြား ဆွေးနွေးမှု ၂ကြိမ်လုပ်ခဲ့ပြီးပါပြီ။ ဒီအဆိုပြုချက်မူကြမ်းကို သဘောတူညီချက်ရနိုင်ဖို့ ညှိနှိုင်း မှုတွေလုပ်ခဲ့ပြီး ပြဿနာကိုအဖြေရှာနိုင်ရေး လိုက်နာ ဆောင် ရွက်ရမယ့်တိုက်တွန်းချက်တွေဟာလည်း အကျိုး အကြောင်းညီညွတ်တဲ့ အဆိုပြုချက်လည်းဖြစ်တယ်လို့ ဘင်္ဂလားဒေ့ရ်ှသံအမတ် M Shameem Ahsan ကပြောပါတယ်။

Source : https://burmese.voanews.com

အမေရိကန် သံအမတ်နဲ့ လွှတ်တော် အမတ်တွေ ANP ခေါင်းဆောင်တွေနဲ့ တွေ့ဆုံ

မြန်မာနိုင်ငံဆိုင်ရာ အမေရိကန်သံအမတ်ကြီး Scot Marciel နဲ့ အမေရိကန်လွှတ်တော်အမတ်တွေဟာ မောင်တောဒေသအရေးနဲ့ ပတ်သက်ပြီး ရခိုင်အမျိုးသားပါတီ ANP နဲ့ စစ်တွေမြို့က ပါတီဌာနချုပ်မှာ ဒီနေ့ တွေ့ဆုံဆွေးနွေးခဲ့ကြပါတယ်။

နိုင်ငံတကာအသိုင်းအဝိုင်းတွေက မွတ်စလင်တွေဘက်က ဖိအားပေးပြောဆိုနေတာတွေဟာ ပဋိပက္ခကို ပိုမိုရှုပ်ထွေးစေတာကြောင့် မျှမျှတတပြောဆိုဖို့ တိုက်တွန်းခဲ့တယ်လို့ ရခိုင်အမျိုးသားပါတီ ANP ရဲ့ အထွေထွေ အတွင်းရေးမှူး ဦးထွန်းအောင်ကျော် ကပြောပါတယ်။

“ရိုဟင်ဂျာဆိုတဲ့ အသုံးအနှုန်းကို မြန်မာနိုင်ငံမှာ လက်မခံဘူး၊ အဲဒီလို ရခိုင်တိုင်းရင်းသားတွေဘက်က မကြိုက်တဲ့ အချက်အလက်တွေကို ပြောဆိုဖိအားပေးခြင်းအားဖြင့် ပိုပြီးတော့ ပဋိပက္ခတွေကို ကြီးမားစွာဖြစ်ပေါ်လာစေနိုင် တယ်၊ အဲဒီတော့ နိုင်ငံတကာအနေနဲ့လည်း တိုင်းရင်းသားတွေဘက်က စာနာထောက်ထားစွာနဲ့ မျှတစွာ ပြောဆိုဆွေးနွေးသင့်တယ်လို့ ပြန်ပြီးတင်ပြတဲ့အခါ သူတို့က အဲဒါကိုလက်မခံဘူး”

ဘင်္ဂလားဒေ့ရ်ှနိုင်ငံကို ထွက်ပြေးတိမ်းရှောင်နေကြတဲ့ မွတ်စလင်တွေဟာ ရခိုင်ပြည်နယ်မှာ နိုင်ငံတကာဖိအားတွေနဲ့ သီးခြားနယ်မြေထူထောင်လိုတဲ့ အကြံအစည်နဲ့ ထွက်ပြေးကြတာဖြစ်ကြောင်း ရခိုင်အမျိုးသားပါတီက ပြောဆိုရာမှာ အမေရိကန်လွှတ်တော်အမတ်အဖွဲ့က ဒီအချက်ကို သူတို့အနေနဲ့ လက်မခံကြောင်းပြောဆိုခဲ့တယ်လို့ ဆိုပါတယ်။

အမေရိကန်လွှတ်တော်အမတ်အဖွဲ့ဟာ ဘင်္ဂလားဒေ့ရ်ှဘက်က ဒုက္ခသည်တွေရဲ့ အခြေအနေကိုလည်း သွားရောက်လေ့လာခဲ့ရာမှာ လူမျိုးတုံးသန့်စင်ရေး Ethnic Cleaning အထောက်အထားတွေကို တွေ့ရှိခဲ့တာကြောင့် ဒီကိစ္စတွေနဲ့ပတ်သက်ပြီး အမေရိကန်အစိုးရကို တင်ပြသွားမယ်ဆိုတဲ့အကြောင်းလည်း ပြောဆိုခဲ့တယ်လို့ သိရပါတယ်။

မြန်မာနိုင်ငံဆိုင်ရာ အမေရိကန်သံအမတ်ကြီး Scot Marciel နဲ့ အမေရိကန်လွှတ်တော်အမတ်တွေဟာ မနေ့ညက စစ်တွေမြို့ကို ရောက်ရှိခဲ့တာဖြစ်ပြီး စစ်တွေမြို့အခြေစိုက် အရပ်ဘက် လူမှုအဖွဲ့အစည်း အချို့နဲ့ သီးသန့်တွေ့ဆုံ ခဲ့သလို အောင်မင်္ဂလာရပ်ကွက်က မွတ်စလင်တွေနဲ့လည်း တွေ့ဆုံခဲ့ပါတယ်။

Source : http://www.rfa.org

ကန်လွှတ်တော်ကိုယ်စားလှယ်အဖွဲ့ စစ်တွေ မွတ်ဆလင်ဒုက္ခသည်စခန်းလေ့လာ

မြန်မာပြည်ကို ၂ရက်ကြာရောက်ရှိနေတဲ့ အမေရိကန် အထက်လွှတ်တော်အမတ် Jeffrey Alan Merkley ဦးဆောင်တဲ့ အမေရိကန် လွှတ်တော်ကိုယ်စားလှယ်များအဖွဲ့ဟာ ရခိုင်ပြည်နယ် အစိုးရအဖွဲ့နဲ့ ဒီကနေ့ တွေ့ဆုံခဲ့ပြီး စစ်တွေမြို့က အောင်မင်္ဂလာရပ်ကွက်ကို သွားရောက် လေ့လာခဲ့ပါတယ်။ အမေရိ ကန် လွှတ်တော်ကိုယ်စားလှယ်များအဖွဲ့အနေနဲ့ ရခိုင်အရေးနဲ့ ပတ်သက်လွှို နိုင်ငံတကာ အဖွဲ့အစည်း တွေနဲ့ မီဒီယာတွေကရတဲ့ သတင်းအချက်အလက်တွေအပေါ် အခြေခံပြီးတော့ ဆွေးနွေးသွားတာ ဖြစ် ပြီး ရခိုင်ပြည်နယ်တွင်း အခြေအနေမှန်ကို လေ့လာသွားတာမရှိဘူးလို့ ရခိုင်ပြည်နယ် အစိုးရအဖွဲ့ ပြော ခွင့်ရသူက ပြောပါတယ်။ သတင်းအပြည့်အစုံကိုတော့ ဗွီအိုအေ မြန်မာပိုင်း သတင်းထောက် မမြင့်မြင့် ခိုင်က ပြောပြပေးပါမယ်။

ရခိုင်ပြည်နယ်တွင်း အကြမ်းဖက်မှုတွေနဲ့ အိုးအိမ်စွန့်ခွာ ထွက်ပြေးနေရမှုတွေ ရပ်တန့်ဖို့အပါ အ ဝင် လူသားချင်း စာနာထောက်ထားမှုဆိုင်ရာ အကျပ်အတည်းကို စုံစမ်းလေ့လာဖို့အတွက် အမေရိကန် အထက် လွှတ်တော်အမတ် Jeffrey Alan Merkley ဦးဆောင်တဲ့ အမေရိကန် လွှတ်တော် ကိုယ်စား လှယ်များအဖွဲ့ဟာ မြန်မာပြည်ကို ၂ရက်ကြာ ရောက်ရှိနေတာပါ။

အမေရိကန် လွှတ်တော် ကိုယ်စားလှယ်များအဖွဲ့ဟာ ဒီကနေ့ ရခိုင်ပြည်နယ် အစိုးရအဖွဲ့အပါအဝင် အ ရပ်ဖက် လူမှုအဖွဲ့အစည်းတွေနဲ့ တွေ့ဆုံခဲ့ပြီး စစ်တွေမြို့က မွတ်ဆလင်တွေ နေထိုင်တဲ့ အောင်မင်္ဂလာ ရပ်ကွက်ကို သွားရောက် လေ့လာခဲ့ပါတယ်။

အမေရိကန် လွှတ်တော်ကိုယ်စားလှယ်များအဖွဲ့ အနေနဲ့ ရခိုင်ပြည်နယ်တွင်း အခြေအနေမှန်ကို လေ့ လာဖို့ သေချာအချိန်ယူသင့်ပြီး အောင်မင်္ဂလာရပ်ကွက်တခုတည်း လေ့လာသွားတာမျိုး မဖြစ်သင့်ဘူး လို့ ရခိုင်ပြည်နယ်အစိုးရအဖွဲ့ အတွင်းရေးမှူး ဦးတင်မောင်ဆွေက ပြောပါတယ်။

“သူတို့အနေနဲ့ ဒါကတော့ နိုင်ငံတကာက ရရှိတဲ့ သတင်းတွေ ၊ Social Media က ရရှိတဲ့ သတင်းတွေ နောက်တခါ ဘင်္ဂလားဒေ့ရ်ှကို သွားပြီးတော့ ကြည့်ရှုခဲ့တယ်ဆိုတဲ့ သူတို့ အတွေ့အကြုံတွေပေါ့။ ဒါတွေကို အခြေခံပြီးတော့ ဆွေးနွေးသွားတာ ဖြစ်နိုင်ရင်တော့ သူတို့ အချိန်နည်းနည်းယူသင့်တယ်။ အချိန်ယူပြီးတော့ ဒီ ရခိုင်ပြည်နယ်မှာ တကယ်ဖြစ်နေတဲ့ အခြေအနေတွေကို သူတို့ ကိုယ်တိုင် မျက်ဝါးထင်ထင်တွေ့ပြီးတော့ ခံစားစေချင်တယ်။ ဒီရခိုင်ပြည်နယ်မှာ လာပြီးတော့ ရခိုင်တိုင်းရင်းသားကျေးရွာတွေကို ကျနော်တို့ ဒီအကြမ်းဖက် တိုက်ခိုက်ခံရတဲ့နေရာတွေကို သူတို့မသွားဘူး။ သွားကြည့်လိုက်ရင် သူတို့တွေ့မှာပါ ကြေကွဲဝမ်းနည်းဖွယ်ဖြစ်ရပ်တွေကို ခုနပြောတဲ့ ရက်ရက်စက်စက်လုပ်ခဲ့တဲ့ ကိစ္စတွေကို ဒီ အောင်မင်္ဂလာရပ်ကွက် ထက်ပိုပြီးတော့ ဆိုးရွားတဲ့ ဖြစ်ရပ်တွေ အများကြီးရှိပါတယ်။”

အမေရိကန် လွှတ်တော်ကိုယ်စားများအဖွဲ့အနေနဲ့ ရခိုင်ပြည်နယ်အစိုးရအဖွဲ့နဲ့ တွေ့ဆုံချိန်မှာ ရခိုင် ပြည် နယ် တည်ငြိမ်အေးချမ်းရေး၊ တရားဥပဒေစိုးမိုးရေး၊ ရေရှည်တည်တံ့တဲ့ ဖွံ့ဖြိုးတိုးတက်ရေးအတွက် အဓိ က ဆွေးနွေးသွားတာပါ။

ရခိုင်ပြည်နယ်အစိုးရအဖွဲ့အတွင်းရေးမှူး ဦးတင်မောင်ဆွေကတော့ အမေရိကန် လွှတ်တော်ကိုယ်စား လှယ်များအဖွဲ့ဟာ ဘင်္ဂလားဒေ့ရ်ှနိုင်ငံတွင်းက ဒုက္ခသည်စခန်းတွေကို သွားရောက်လေ့လာခဲ့သလိုမျိုး ရခိုင်ပြည်နယ်တွင်းက အကြမ်းဖက်မှုဖြစ်ပွားခဲ့တဲ့ ဒေသနဲ့ ဒေသခံတွေရဲ့ အခြေအနေကိုလည်း သွား ရောက် လေ့လာသင့်တယ်လို့ ဆိုပါတယ်။

“ဘင်္ဂလားဒေ့ရ်ှဘက်က ဒုက္ခသည်တွေကိုပဲသွားကြည့်တယ် ဘင်္ဂလားဒေ့ရ်ှဘက်က ပြောစကားကိုပဲနားထောင်တယ်၊ သူတို့က တဖက်ပဲ ကြည့်တာကို ။ သူတို့က နိုင်ငံတကာက ရ၇ှိတဲ့ မီဒီယာ သတင်းတွေ ၊ နောက်တခု NGO တွေက ရေးထားတဲ့ Report တွေ ဒီဟာတွေကို ဖတ်ပြီးတော့ အခြေခံပြီးတော့ ဒီမှာလာပြီးတော့လည်း ဒီ မွတ်စလင်ရပ်ကွက်တခုကိုပဲ သွားကြည့်ပြီးတော့ ခုနပြောသလို အဖြစ်တွေ ဆိုးလှပါပြီဆိုပြီးတော့ သုံးသပ်တာကတော့ တဖက်သတ် ဆန်လွန်းအားကြီးတယ်။ ခုနပြောသလို တကယ်လက်တွေ့ ခံစားရတဲ့ ကျနော်တို့ တိုင်းရင်းသားကျေးရွာတွေမှာလည်း ရှိပါတယ်။ ဒီဟာတွေကို သွားပြီးတော့ လေ့လာသင့်တယ်။ ဒီလို ၂ ဖက်လေ့လာ လိုက်တဲ့အခါမှပဲ သူတို့အခြေအနေမှန်ကိုသိမယ်။ ”

အမေရိကန် လွှတ်တော်ကိုယ်စားလှယ်များအဖွဲ့ဟာ သူတို့ရဲ့ ရခိုင်ပြည်နယ်ခရီးစဉ်အပြီး ဒီကနေ့ ညနေမှာ နေပြည်တော်ကို သွားရောက်ခဲ့ပြီး အစိုးရထိပ်ပိုင်းခေါင်းဆောင်တွေ၊ လွှတ်တော်အမတ်တွေနဲ့ တွေ့ဆုံဖို့ရှိနေပြီး မနက်ဖြန် နိုဝင်ဘာ ၂၁ရက်နေ့မှာတော့ သူတို့ရဲ့ ခရီးစဉ်ကို အဆုံးသတ်မှာ ဖြစ်ပါတယ်။

အမေရိကန် လွှတ်တော်ကိုယ်စားလှယ်များအဖွဲ့ဟာ မြန်မာပြည်ခရီးစဉ်မတိုင်မီ ဘင်္ဂလားဒေ့ရှ် နိုင်ငံ Cox’s Bazar မှာရှိတဲ့ ဒုက္ခသည်စခန်းတွေကိုသွားရောက်လေ့လာခဲ့ပြီး ရခိုင်ပြည်နယ်တွင်းက ထွက်ပြေးလာတဲ့ မွတ်ဆလင် ဒုက္ခသည်တွေကိစ္စ ဘင်္ဂလားဒေ့ရ်ှအစိုးရရဲ့ ကိုင်တွယ်ဖြေရှင်းပုံနဲ့ ပတ် သက်လို့လည်း ချီးကျူးခဲ့ပါတယ်။ဘင်္ဂလားဒေ့ရှ် နိုင်ငံခြားရေး ဝန်ကြီးအနေနဲ့လည်း မကြာခင် ရက်ပိုင်း အတွင်း မြန်မာပြည်ကို လာရောက်ဖို့ရှိနေပြီး သူ့ရဲ့ မြန်မာပြည်ခရီးစဉ်အတွင်း ဒုက္ခသည်တွေ ပြန်လည် လက်ခံရေးနဲ့ ပတ်သတ်တဲ့ သဘောတူ စာချုပ်ကို မြန်မာဘက်က လက်မှတ်ထိုးဖို့ မျှော်လင့်ကြောင်း ပြောကြားထားတာလည်း ရှိပါတယ်။

Source : https://burmese.voanews.com