Civil Rights Movement

Civil Rights Movement

Myanmar

now browsing by category

 

ASEAN ထိပ်သီးများ ရိုဟင်ဂျာအရေး ဆွေးနွေး

ဖိလစ်ပိုင်နိုင်ငံမှာ ကျင်းပနေတဲ့ အရှေ့တောင်အာရှ နိုင်ငံများအသင်း အာဆီယံ ထိပ်သီး ဆွေးနွေးပွဲအတွင်း မြန်မာနိုင်ငံကနေ အိမ်နီးချင်း ဘင်္ဂလားဒေ့ရှ် နိုင်ငံထဲကို ထွက်ပြေးခဲ့ကြတဲ့ ရိုဟင်ဂျာ မူစလင်ဒုက္ခသည်တွေ အရေး ဆွေးနွေး ပြောဆိုခဲ့ကြပေမဲ့လို့၊ ဒီဆွေးနွေးပွဲကနေ ထုတ်ပြန်တဲ့ ကြေညာချက် မူကြမ်းထဲမှာတော့ ရိုဟင်ဂျာအရေး ထည့်သွင်း ထုတ်ပြန်တာ မရှိပါဘူး။ ဒီအပေါ် နိုင်ငံတကာ လူ့အခွင့်အရေး လှုပ်ရှားမှုအဖွဲ့တခုဖြစ်တဲ့ Human Rights Watch က စိတ်ပျက်မိတဲ့အကြောင်း ပြောဆိုထားပါတယ်။ မခင်ဖြူထွေးက အပြည့်စုံ တင်ပြပေးပါမယ်။

ဖိလစ်ပိုင်နိုင်ငံ မနီလာမြို့တော်မှာ ဒီသီတင်းပတ်ထဲ ကျင်းပတဲ့ အရှေ့တောင်အာရှ နိုင်ငံများအသင်း အာဆီယံ ထိပ်သီး ဆွေးနွေးပွဲကနေထုတ်ပြန်ဖို့ရှိနေတဲ့ ကြေညာချက် မူကြမ်းထဲမှာ ရခိုင်ပြည်နယ် မြောက်ပိုင်းကနေ ရိုဟင်ဂျာ ဒုက္ခသည်တွေ သိန်းနဲ့ချီ အိမ်နီးချင်း ဘင်္ဂလားဒေ့ရ်ှနိုင်ငံဘက် ထွက်ပြေးခဲ့ရတာနဲ့ပတ်သက်လို့ ထည့်သွင်းဖော်ပြထားတာ မတွေ့ရပါဘူး။ ဒီကနေ့ အာဆီယံ ဆွေးနွေးပွဲတွေနဲ့ ပတ်သက်လို့ ပြုလုပ်တဲ့ သတင်းစာရှင်းလင်းပွဲအတွင်းမှာတော့ သတင်းထောက်တဦးက ရိုဟင်ဂျာ ဒုက္ခသည်အရေး ဆွေးနွေးခဲ့ခြင်းမရှိ မေးခွန်း ထုတ်ခဲ့ပါတယ်။ ဒီအပေါ် ဖိလစ်ပိုင်သမ္မတရဲ့ ပြောခွင့်ရ ဟယ်ရီ ရော့ကီ Harry Roque က ခုလို ပြောဆိုသွားပါတယ်။

“အားလုံး စုံညီ အစည်းအဝေးမှာတော့ ရိုဟင်ဂျာတွေရဲ့အရေး ဆွေးနွေးခဲ့တယ်ဆိုတာကို ကျနော် အတည်ပြု ပြောနိုင်ပါတယ်။ အထူးသဖြင့် ဒီကိစ္စနဲ့ ပတ်သက်နေတဲ့ နိုင်ငံ နှစ်နိုင်ငံက တင်သွင်း ဆွေးနွေးခဲ့တာပါ။ အထူးသဖြင့် မြန်မာနိုင်ငံက ဒီ ရိုဟင်ဂျာကိစ္စကို ပြောပါတယ်။ ပထမဆုံးအချက်ကတော့ သူတို့အနေနဲ့ ကိုဖီအာနန် အစီရင်ခံစာနဲ့အညီ အကောင်အထည် ဖော်ဆောင်ရွက်နေတဲ့အကြောင်းနဲ့ လူသားချင်း စာနာမှုအကူအညီတွေကို လက်ခံကြိုဆိုတဲ့အကြောင်း၊ ပြီးတော့… ဘင်္ဂလားဒေ့ရ်ှနိုင်ငံနဲ့ သဘောတူညီချက်ကို လက်မှတ်ရေးထိုး ပြီးတာနဲ့ အိုးအိမ်စွန့်ခွာ ထွက်ပြေးနေရတဲ့ ဒုက္ခသည်တွေ ပြန်လည် နေရာချထားရေးကို သီတင်းပတ် သုံးပတ်အတွင်း အပြီးသတ် လုပ်ဆောင် သွားမယ့်အကြောင်း ပြောခဲ့ပါတယ်။”

ရိုဟင်ဂျာ ဒုက္ခသည်တွေ အရေးနဲ့ပတ်သက်လို့ အာဆီယံခေါင်းဆောင်တွေရဲ့ ကြေညာချက်မူကြမ်းမှာ ထည့်သွင်း ဖော်ပြထားခြင်း မရှိတဲ့အပေါ် စိတ်ပျက်မိတဲ့အကြောင်း နိုင်ငံတကာ လူ့အခွင့်အရေး လှုပ်ရှားမှုအဖွဲ့တခုဖြစ်တဲ့ Human Rights Watch အဖွဲ့ကလည်း ပြောဆိုထားပါတယ်။ အခုဖြစ်ရပ်က အာဆီယံအဖွဲ့ကြီးအနေနဲ့ ထိရောက်မှုမရှိဘူးဆိုတာကို ပြသရာ ရောက်သလို၊ အရှေ့တောင်အာရှ ဒေသမှာ လူ့အခွင့်အရေး အခြေအနေ ဆုတ်ယုတ်နေတာကို ဖော်ပြလိုက်တာပဲလို့ Human Rights Watch အဖွဲ့ရဲ့ အာရှဒေသဆိုင်ရာ ဒုတိယ ညွန်ကြားရေးမှူး Phil Robertson က ပြောပါတယ်။ မြန်မာအစိုးရ လုံခြုံရေးတပ်ဖွဲ့တွေဟာ ရိုဟင်ဂျာ မူစလင်တွေကို ပြည်နယ်ထဲကနေ ထွက်ပြေးအောင် စနစ်တကျ လုပ်ဆောင်ခဲ့တာ ဖြစ်ပြီး ဒါဟာ လူသားထု တခုလုံးအပေါ် ကျူးလွန်တဲ့ ရာဇ၀တ်မှု မြောက်တယ်လို့ မစ္စတာ Robertson က ပြောပါတယ်။

“လူသားထုအပေါ် ကျူးလွန်တဲ့ ရာဇ၀တ်မှုတွေကို ရိုဟင်ဂျာတွေအပေါ် ကျူးလွန်နေတာ ကျနော်တို့ တွေ့ရပါတယ်။ ဒီလိုဖြစ်နေတယ် ဆိုတာကို ကုလသမဂ္ဂ အကြီးတန်း အရာရှိတဦးကလည်း အတည်ပြုထားတာပါ။ သူမ အနေနဲ့ နယူးယောက်မြို့ကို ပြန်သွားပြီး ဒီကိစ္စ ဖိအားပေး ပြောဆိုတာတွေ အပြင် နောက်ထပ် စုံစမ်းစစ်ဆေးမှုတွေ လုပ်နိုင်ဖို့အတွက် ငွေကြေးရန်ပုံငွေ တောင်းခံတာတွေ လုပ်ဆောင် နိုင်ပါတယ်။ ဘာဖြစ်လို့လဲဆိုတာ ဒါက အပေါ်ယံ တွေ့ရတဲ့အခြေအနေပဲ ရှိပါသေးတယ်။ ကျနော်တို့ အနေနဲ့ကတော့ လာမယ့်ရက် အနည်းငယ်… နိုဝင်ဘာလ ၁၆ ရက်နေ့မှာ အစီရင်ခံစာတစောင် ထုတ်ပြန်ဖို့ရှိပါတယ်။ ကျနော်တို့ရဲ့ ရှာဖွေတွေ့ရှိချက်တွေ ကတော့ ကုသမဂ္ဂ အထူးကိုယ်စားလှယ် တွေ့ရှိတာတွေနဲ့ အတော်ကြီးတူပါတယ်။ ရခိုင်ပြည်နယ် မြောက်ပိုင်းက ရိုဟင်ဂျာတွေကို နေရပ်ကနေ ထွက်ခွာအောင် ရည်ရွယ်ပြီး လိင်ပိုင်းဆိုင်ရာ အနိုင်ကျင့်စော်ကားတာတွေ၊ မတရားပြုကျင့်တာတွေ စနစ်တကျ ကျူးလွန်ခဲ့တယ်ဆိုတာကို ကျနော်တို့ တွေ့ရပါတယ်။”

အမေရိကန်နိုင်ငံခြားရေးဝန်ကြီး Rex Tillerson ဒီသီတင်းပတ်ထဲ မြန်မာနိုင်ငံကို သွားရောက်ဖို့ ရှိနေသလို၊ သူ့အနေနဲ့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တွေ့ဆုံတဲ့အခါ ရိုဟင်ဂျာ ဒုက္ခသည်အရေး ဖိအားပေး ပြောဆိုဖို့ လိုအပ်တယ်လို့လည်း မစ္စတာ Robertson က ပြောပါတယ်။

“၀န်ကြီး Tillerson အနေနဲ့ ဒေါ်အောင်ဆန်းစုကြည်ကို ပြောစေချင်တာကတော့ ဒီကိစ္စက ပျောက်ပျက်သွားမယ့် ကိစ္စတခု မဟုတ်ဘူး ဆိုတာနဲ့ တကယ့်ကို ဆိုးရွားတဲ့ သိသာထင်ရှားတဲ့ လူ့အခွင့်အရေး ချိုးဖောက်မှုတွေ ဖြစ်ခဲ့တယ်ဆိုတာကို တာဝန်ခံ ပြောဆိုဖို့ တိုက်တွန်းစေချင်ပါတယ်။ ဒါဟာ လူသားထုအပေါ် ကျူးလွန်တဲ့ ရာဇ၀တ်မှုတွေ ဖြစ်ပါတယ်။ သီတင်းပတ် ခြောက်ပတ် – ရှစ်ပတ်လောက် ကာလအတွင်း လူ ၆ သိန်းကျော် ထွက်ပြေးခဲ့ရတဲ့ အခြေအနေမျိုးမှာ အမေရိကန်အနေနဲ့ ဘာမှမဖြစ်သလိုမျိုး မြန်မာအစိုးရနဲ့ ဒီအတိုင်း ဆက်ဆံမနေသင့်ပါဘူး။ ဒီပြဿနာရဲ့ ပမာဏကို ဒေါ်အောင်ဆန်းစုကြည် နားလည်ရမှာဖြစ်သလို၊ နိုင်ငံခြားရေးဝန်ကြီး Tillerson အနေနဲ့လည်း မြန်မာအစိုးရက ခုလို ချိုးဖောက်မှုတွေကို စနစ်တကျ ကျူးလွန်နေမယ်ဆိုရင် နောက်ဆက်တွဲ ဆိုးကျိုးတွေ ရှိလာမယ်၊ အမေရိကန်ပြည်ထောင်စုနဲ့ ဥရောပသမဂ္ဂ အဖွဲ့ဝင်နိုင်ငံတွေလို နိုင်ငံတကာ နဲ့ရော၊ အမေရိကန်နဲ့ပါ ဆက်ဆံရေးမှာပါ ထိခိုက်လာနိုင်တယ် ဆိုတာကို နားလည်အောင် ပြောဖို့ လိုအပ်ပါတယ်။”

ဘင်္ဂလားဒေ့ရ်ှနိုင်ငံကို ထွက်ပြေးလာတဲ့ ရိုဟင်ဂျာ ဒုက္ခသည်တွေကို ပြီးခဲ့တဲ့ရက်ပိုင်းကပဲ ကိုယ်တိုင်သွားရောက် တွေ့ဆုံခဲ့သူ… ပဋိပက္ခဒေသ လိင်ပိုင်းဆိုင်ရာ အကြမ်းဖက်မှုများဆိုင်ရာ ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် Pramila Patten ကလည်း ရိုဟင်ဂျာ ဒုက္ခသည်တွေကို ရခိုင်ပြည်နယ်ထဲကနေ အလုံးအရင်းနဲ့ ထွက်ပြေးအောင် လုံခြုံရေးတပ်ဖွဲ့တွေက လူ့အခွင့်အရေး ချိုးဖောက်မှုတွေကို စနစ်တကျ ကျူးလွန်ခဲ့တယ်လို့ ဆိုပြီး၊ အထူးသဖြင့် လိင်ပိုင်းဆိုင်ရာ အကြမ်းဖက်ခံရမှုတွေ၊ နှိပ်စက်ညှင်းပမ်း ခံရတာတွေနဲ့ ပတ်သက်လို့ ပြစ်မှုဆိုင်ရာ နိုင်ငံတကာခုံရုံးမှာ တင်ပြဖို့အထိ ကြိုးပမ်းသွားမယ်လို့ ပြောဆိုထားပါတယ်။

ပြီးခဲ့တဲ့ သြဂုတ်လက ရခိုင်ပြည်နယ်တွင်းက လုံခြုံရေးကင်စခန်း အများအပြားကို ARSA အကြမ်းဖက်အဖွဲ့တွေက တိုက်ခိုက်ခဲ့ပြီးတဲ့နောက် ဒီအပေါ် တုံ့ပြန်တဲ့ လုံခြုံရေးတပ်ဖွဲ့တွေရဲ့ အင်အားသုံး နယ်မြေရှင်းလင်းမှုတွေအတွင်း ရိုဟင်ဂျာမူစလင် ၆ သိန်းကျော် အိမ်နီးချင်း ဘင်္ဂလားဒေ့ရှ် နိုင်ငံထဲ ထွက်ပြေးခဲ့ရတယ်လို့ ကုလသမဂ္ဂနဲ့ လူ့အခွင့်အရေး အဖွဲ့တွေက ပြောဆိုထားတာပါ။ ဒါပေမဲ့ မြန်မာအစိုးရ ဘက်ကတော့ ဒီလိုနိုင်ငံတကာရဲ့ စွပ်စွဲပြောဆိုမှုတွေကို ငြင်းဆန်ထားပြီး၊ သူတို့အနေနဲ့ အကြမ်းဖက်သမားတွေကိုသာ ပစ်မှတ်ထား နှိမ်နင်းနေတာ ဖြစ်တယ်လို့ တုံ့ပြန်ထားပါတယ်။

VOA မှ ကူးယူဖော်ပြပါသည်။

Source : http://www.m-mediagroup.com

ရခိုင်ကိစ္စပတ်သက်၍ အမေရိကန် နိုင်ငံခြားရေးဝန်ကြီးနှင့် ကုလအကြီးအကဲတို့ ဒေါ်အောင်ဆန်းစုကြည်နှင့် တွေ့ဆုံ

မြန်မာနိုင်ငံ၏ခေါင်းဆောင် ဒေါ်အောင်ဆန်းစုကြည်သည် ဖိလစ်ပိုင်နိုင်ငံတွင် ကုလသမဂ္ဂ အကြီးအကဲဖြစ်သူနှင့် အမေရိကန်၏ ထိပ်တန်းသံတမန်တို့အား နိုဝင်ဘာ ၁၃ ရက်နေ့ တွေ့ဆုံခဲ့ချိန်တွင် နေရပ်စွန့်ခွာ ရိုဟင်ဂျာမူဆလင်များ အကျပ်အတည်း ဖြေရှင်းရန် မြင့်မားနေသည့် ကမ္ဘာလုံးဆိုင်ရာ ဖိအားများကို ရင်ဆိုင်ခဲ့ရသည်။

ဘင်္ဂလားဒေ့ရ်ှဘက်သို့ ထွက်ပြေးခဲ့သည့် ထောင်ပေါင်း၊ ရာပေါင်းများစွာသော မူစလင်များကို မြန်မာနိုင်ငံရှိ ၎င်းတို့၏ နေအိမ်များသို့ ပြန်လာခွင့်ပေးသင့်သည်ဟု ကုလသမဂ္ဂ အထွေထွေအတွင်းရေးမှူးချုပ် အန်တိုနီယိုဂူတားရက်စ်က ငြိမ်းချမ်းရေးနိုဘယ်ဆုရှင် ဒေါ်အောင်ဆန်းစုကြည်ကို ပြောကြားခဲ့သည်။

လူသားချင်းစာနာမှုဆိုင်ရာများ ပြုလုပ်ခွင့် ရရှိနိုင်မှု၊ အန္တရာယ်ကင်းပြီး ဂုဏ်သိက္ခာရှိရှိ ဆန္ဒအလျောက် ပြန်လာမှုများအပြင် လူ့အသိုင်းအဝိုင်းနှစ်ခုအကြား စစ်မှန်သည့် ရင်ကြားစေ့ရေးမှာ မရှိမဖြစ်လိုအပ်ကြောင်း ဒေါ်အောင်ဆန်းစုကြည်အား ပြောကြားခဲ့သည်ဟု တွေ့ဆုံမှုနှင့် ပတ်သက်ပြီး အကျဉ်းချုပ်ဖော်ပြထားသည့် ကုလသမဂ္ဂ၏ ထုတ်ပြန်ချက်တွင် ဖော်ပြထားသည်။

မနီလာတွင်ကျင်းပသော အရှေ့အာရှထိပ်သီးဆွေးနွေးပွဲ၏ အနားပေးချိန် ကာလများတွင် အမေရိကန်နိုင်ငံခြားရေးဝန်ကြီး ရက်စ်တီလာဆင်နှင့် ဒေါ်အောင်ဆန်းစုကြည် မတွေ့ဆုံမီ နာရီအနည်းငယ်အလိုတွင် ဂူတာရက်စ်၏ သုံးသပ်ချက်များ ထွက်ပေါ်လာခဲ့ခြင်းဖြစ်သည်။ အမေရိကန်ကမူ ရခိုင်ဒေသ၏ အခြေအနေနှင့် ပတ်သက်၍ ၎င်းတို့၏ ကြေညာချက်များကို သတိကြီးစွာထားနေပြီး ဒေါ်အောင်ဆန်းစုကြည်အား တိုက်ရိုက်ဝေဖန်မှုကိုလည်း ရှောင်ရှားလျက်ရှိသည်။

တီလာဆန်နှင့် တွေ့ဆုံမှုအား ဓါတ်ပုံအရိုက်ခံစဉ် ရိုဟင်ဂျာများက မြန်မာနိုင်ငံသားများ ဖြစ်ပါလားဟု သတင်းထောက်တစ်ဦးက မေးမြန်းမှုကို ဒေါ်အောင်ဆန်းစုကြည်က လစ်လျူရှုခဲ့သည်။

မြန်မာခေါင်းဆောင်များအတွက် ပါးလိုသော သတင်းစကားရှိပါသလားဟု နိုဝင်ဘာ ၁၅ ရက်နေ့တွင် နေပြည်တော်သို့ သွားရောက်မည့် အမေရိကန်နိုင်ငံခြားရေးဝန်ကြီးအား သတင်းထောက်များက မေးမြန်းမှုကိုလည်း ဝန်ကြီးက လစ်လျူရှုခဲ့ပြီး “ကျေးဇူးတင်ပါတယ်”ဟုသာ ပြန်လည်ပြောကြားခဲ့သည်။

အမေရိကန်နိုင်ငံခြားရေးဝန်ကြီးသည် နေပြည်တော်တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့အား တွေ့ဆုံမည်ဖြစ်ကာ ရခိုင်ပြည်နယ်အရေးနှင့် ပတ်သက်ပြီး ဆွေးနွေးကြမည်ဖြစ်သည်။

Source : https://frontiermyanmar.net

ဝန်ကြီး Tillerson မြန်မာနိုင်ငံသွားမည်

အမေရိကန်နိုင်ငံခြားရေးဝန်ကြီး Rex Tillerson ဟာ နိုဝင်ဘာလလယ်မှာ မြန်မာနိုင်ငံကို သွားရောက်မယ့်အကြောင်း အမေရိကန် နိုင်ငံခြားရေးဌာနက နိုဝင်ဘာလ ၂ ရက်၊ ကြာသပတေးနေ့ရက်စွဲနဲ့ ထုတ်ပြန်ချက်တခုမှာ ဖော်ပြထားပါတယ်။

နေပြည်တော်ကို နိုဝင်ဘာလ ၁၅ ရက်နေ့မှာ ရောက်လာမယ့် ၀န်ကြီး Tillerson ဟာ မြန်မာအစိုးရအဖွဲ့ ထိပ်တန်းခေါင်းဆောင် တွေ၊ အကြီးတန်းတာဝန်ရှိသူတွေနဲ့ တွေ့ဆုံပြီး ရခိုင်ပြည်နယ်က လူသားဘေးဒုက္ခဆိုင်ရာ အကျပ်အတည်းကို ကိုင်တွယ်ဖြေရှင်း ရေး လုပ်ဆောင်ချက်တွေ၊ မြန်မာနိုင်ငံ ဒီမိုကရေစီအသွင်ကူးပြောင်းရေးအပေါ် အမေရိကန်ရဲ့ ပံ့ပိုးကူညီမှုနဲ့ပတ်သက်ပြီး ဆွေးနွေး မယ်လို့ ထုတ်ပြန်ချက်မှာ ပြောထားပါတယ်။

ဝန်ကြီး Tillerson ရဲ့ အခုခရီးစဉ်ဟာ သမ္မတ ဒေါ်နယ်လ်ဒ် ထရမ့်ပ် အစိုးရအဖွဲ့ တက်လာပြီးနောက်ပိုင်း အမေရိကန်အစိုးရအဖွဲ့ ထဲက မြန်မာနိုင်ငံကိုလာရောက်တဲ့ အဆင့်အမြင့်ဆုံးတာဝန်ရှိသူရဲ့ခရီးစဉ် ဖြစ်ပါလိမ့်မယ်။

ရခိုင်ပြည်နယ်မှာ အကြမ်းဖက်အခြေအနေတွေဖြစ်ပြီး ဒုက္ခသည်တွေ ဘင်္ဂလားဒေ့ရ်ှနိုင်ငံ ဘက် ထွက်ပြေးရပြီးနောက်ပိုင်း စက်တင်ဘာလ ၁၉ ရက်နေ့မှာ ၀န်ကြီး Tillerson က နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို တယ်လီဖုန်းနဲ့ ဆက်သွယ်ပြီး စကားပြောခဲ့ပါတယ်။

ဒါ့အပြင် လွန်ခဲ့တဲ့သီတင်းတပတ် အောက်တိုဘာလ ၂၆ ရက်နေ့ကလဲ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကို တယ်လီဖုန်းနဲ့ဆက်သွယ်ပြီး ရခိုင်ပြည်နယ်က အခြေအနေတွေအပေါ် စိုးရိမ်တဲ့အကြောင်းနဲ့ ရခိုင်ပြည်နယ်မှာ အကြမ်းဖက်အခြေအနေတွေ အဆုံးသတ်ရေး အစိုးရရဲ့ လုပ်ဆောင်ချက်တွေကို လုံခြုံရေးတပ်ဖွဲ့တွေဘက်က ပံ့ပိုးကူညီဖို့ တိုက်တွန်းခဲ့ပါသေးတယ်။

ဝန်ကြီး Tillerson ဟာ သမ္မတထရမ့်ပ်နဲ့အတူ ဂျပန်၊ တောင်ကိုရီးယား၊ တရုတ်၊ ဗီယက်နမ်နဲ့ ဖိလစ်ပိုင်ခရီးစဉ် တွေမှာ အတူလိုက်ပါပြီးတဲ့နောက် မြန်မာနိုင်ငံကို ခရီးဆက်မှာဖြစ်ပါတယ်။

Source : https://burmese.voanews.com

ရိုဟင်ဂျာအရေး အမေရိကန် ကူညီဖြေရှင်းဖို့ ကြိုးပမ်း

ရိုဟင်ဂျာ ဒုက္ခသည်အရေး ကူညီဖြေရှင်းဖို့ မြန်မာနိုင်ငံကို ၃ ရက်ကြာ ခရီးစဉ်အဖြစ် ရောက်ရှိနေတဲ့ အမေရိကန် ယာယီ လက်ထောက်နိုင်ငံခြားရေးဝန်ကြီး Simon Henshaw ဦးဆောင်တဲ့ သံကိုယ်စားလှယ် အဖွဲ့ဟာ ရခိုင်ပြည်နယ်ကို မနေ့က သွားရောက်ခဲ့ပြီးနောက် ဘင်္ဂလားဒေ့ရ်ှနိုင်ငံကို ဆက်လက် ထွက်ခွာသွားပြီ ဖြစ်ပါတယ်။

ကမ္ဘာပေါ်မှာ လူသားချင်း စာနာမှုဆိုင်ရာ အကျပ်အတည်း အကြီးမားဆုံးဖြစ်လာတဲ့ ရိုဟင်ဂျာ ဒုက္ခသည်အရေးနဲ့ ပတ်သက်လို့ ဒီမိုကရေစီ နုနယ်သေးတဲ့ မြန်မာအစိုးရနဲ့ ဆွေးနွေးပြီး လိုအပ်တဲ့ အကူအညီပေးမှာ ဖြစ်သလို ရခိုင်ပြည်နယ် မြောက်ပိုင်း လူ့အခွင့်အရေး ချိုးဖောက်မှုအပေါ် တာဝန်ရှိသူတွေကို ပစ်မှတ်ထား အရေးယူမှာဖြစ်ကြောင်း အမေရိကန် နိုင်ငံခြားရေးဌာန ပြောခွင့်ရအမျိုးသမီး Heather Nauret က ပြောကြားခဲ့ပါတယ်။ မအင်ကြင်းနိုင်က အပြည့်အစုံကို တင်ပြမှာပါ။

လူဦးရေ၊ ဒုက္ခသည်နဲ့ ရွှေ့ပြောင်းနေထိုင်ခြင်း ဆိုင်ရာ ယာယီ လက်ထောက် နိုင်ငံခြားရေးဝန်ကြီး Simon Henshaw ဦးဆောင်တဲ့ အဆင့်မြင့် အမေရိကန် အစိုးရကိုယ်စားလှယ်အဖွဲ့ရဲ့မြန်မာနိုင်ငံ ခရီးစဉ်နဲ့ ပတ်သက်လို့ အမေရိကန် နိုင်ငံခြားရေးဌာန ပြောခွင့်ရအမျိုးသမီး Heather Nauret က မနေ့ အင်္ဂါနေ့က အမေရိကန် နိုင်ငံခြားရေးဌာနမှာ ပြုလုပ်တဲ့ ပုံမှန်သတင်းစာရှင်းလင်းပွဲအတွင်း အခုလိုပြောပါတယ်။

“ကိုယ်စားလှယ်အဖွဲ့ဟာ ခရီးစဉ် ပထမ ရပ်နားရာ မြန်မာနိုင်ငံ ခရီးစဉ် ပြီးဆုံးခါနီးပါပြီ။ သူတို့တွေဟာ ရိုဟင်ဂျာတွေအပြင် ရခိုင်ပြည်နယ် လူ့အဖွဲ့အစည်း ခေါင်းဆောင်တွေနဲ့ တွေ့ဆုံခဲ့ပါတယ်။ ဒါ့အပြင် အိုးအိမ်စွန့်ခွာထွက်ပြေးခဲ့ကြသူတွေနေထိုင်တဲ့ စခန်းကိုလည်း သွားရောက်ခဲ့ပါတယ်။ အစိုးရအပြင် အရပ်ဖက် အဖွဲ့စည်းခေါင်းဆောင်တွေနဲ့ တွေ့ဆုံခဲ့ပါတယ်။ ကိုယ်စားလှယ်အဖွဲ့ဟာ ဘင်္ဂလားဒေ့ရ်ှကို ခရီးဆက်မှာဖြစ်ပြီး အဲဒီမှာ Cox’s Bazar မှာရှိတဲ့ ဒုက္ခသည်တွေကို သွားရောက်တွေ့ဆုံဖို့ရှိပါတယ်။”

ကိုယ်စားလှယ် အဖွဲ့ဟာ ရခိုင်ပြည်နယ် အကျပ်အတည်းကနေ ပေါ်ပေါက်လာတဲ့ လူသားဆိုင်ရာနဲ့ လူ့အခွင့်အရေး ဆိုင်ရာ စိုးရိမ်ဖွယ် အခြေအနေတွေကို ဖြေရှင်းရေးနဲ့ မြန်မာနိုင်ငံက အိုးအိမ်စွန့် ထွက်ပြေးရသူတွေ အတွက် လူသားချင်း စာနာမှု အကူအညီတွေ တိုးမြှင့်ပေးနိုင်ရေး နည်းလမ်းရှာဖွေဖို့ မြန်မာအစိုးရ တာဝန်ရှိသူတွေ အပါအ၀င် လူမှုအကူအညီပေးရေး အဖွဲ့အစည်းတွေနဲ့ တွေ့ဆုံခဲ့သလို စစ်တွေ ဒုက္ခသည်စခန်းကိုလည်း သွားရောက်ကြည့်ရှုခဲ့တယ်လို့ Heather Nauret ကပြောပါတယ်။

“အမေရိကန်ကိုယ်စားလှယ် အဖွဲ့ဟာ ရန်ကုန်နဲ့ နေပြည်တော်ကို သွားရောက်ခဲ့ပါတယ်။ သံတမန်အဖွဲ့ရဲ့ ခရီးစဉ် အဓိက ရည်ရွယ်ချက်က အစိုးရအပြင် အခြားအထောက်ကူပေးတဲ့ အဖွဲ့တွေနဲ့ လက်တွဲဆောင်ရွက်ဖို့ ဖြစ်ပါတယ်။ သူတို့တွေရဲ့ အတွေ့အကြုံအကြောင်းတွေ ကြားသိနိုင်ဖို့၊ သူတို့လိုအပ်တဲ့ ပစ္စည်းကိရိယာတွေအပြင် လူသားချင်းစာနာမှု အစီအစဉ်တွေကို မြန်မာနိုင်ငံမှာ အကူအညီလိုအပ်သူတွေကို ပေးနိုင်ဖို့ ဖြစ်ပါတယ်။ သိတဲ့အတိုင်းပါပဲ ရိုဟင်ဂျာ ၆ သိန်းလောက် အိုးအိမ်စွန့်ခွာထွက်ပြေးခဲ့ကြရပြီး အများအပြားဟာ အိမ်နီးချင်းနိုင်ငံ ဘင်္ဂလားဒေ့ရ်ှကို ရောက်ခဲ့ကြတာဖြစ်ပါတယ်။ လက်ထောက် နိုင်ငံခြားရေးဝန်ကြီး Henshaw အနေနဲ့ နောက် တရက် နှစ်ရက်မှာ ဘင်္ဂလားဒေ့ရ်ှကို သွားရောက်မှာဖြစ်ပြီး အချိန်ရသလောက် သူတို့တတွေနဲ့ တွေ့ဆုံဖို့လည်းရှိပါတယ်။ ”

အမေရိကန် ကိုယ်စားလှယ် အဖွဲ့ရဲ့ ဘင်္ဂလားဒေ့ရှ် ခရီးစဉ်ဟာ နိုဝင်ဘာလ ၄ ရက်နေ့အထိ ကြာမြင့်မှာဖြစ်ပြီး ဘင်္ဂလားဒေ့ရှ် အစိုးရအဖွဲ့ အကြီးတန်း တာဝန်ရှိသူတွေ၊ အလှူရှင်တွေ၊ လူသားစာနာမှု အကူအညီပေး အဖွဲ့တွေနဲ့ တွေ့ဆုံပြီး ဒုက္ခသည်တွေအတွက် အရေးပေါ် လိုအပ်ချက်တွေကို ထိရောက်စွာ ဖြည့်ဆည်းပေးနိုင်ရေး အခြေအနေတွေကို ဆွေးနွေးဖို့ရှိကြောင်း အမေရိကန် နိုင်ငံခြားရေးဌာနရဲ့ အောက်တိုဘာလ ၂၉ ရက်နေ့ ကြေညာချက်မှာ ဖေါ်ပြထားပါတယ်။

ရခိုင်ပြည်နယ် မြောက်ပိုင်းမှာ မြန်မာလုံခြုံရေးတပ်တွေ အင်အားသုံးပြီး နယ်မြေရှင်းလင်းမှုကြောင့် ၂ လအတွင်း ဒုက္ခသည်ပေါင်း သန်းတ၀က်ကျော် တဖက် ဘင်္ဂလားဒေ့ရ်ှနိုင်ငံဘက် ထွက်ပြေးခိုလှုံခဲ့ရတဲ့ အခြေအနေအပေါ် အမေရိကန် ပြည်ထောင်စု အနေနဲ့ အလွန်အမင်း စိုးရိမ်မကင်း ဖြစ်မိကြောင်းနဲ့ အကြမ်းဖက်မှုမှာ တာဝန်ရှိတဲ့ လူပုဂ္ဂိုလ်၊ အဖွဲ့အစည်းတွေကို ပစ်မှတ်ထား အရေးယူမှာဖြစ်ကြောင်း ပြီးခဲ့တဲ့ သတင်းပတ်တွင်း အမေရိကန်နိုင်ငံခြားရေးဌာန၊ အရှေ့အာရှနဲ့ ပစိဖိတ်ရေးရာ ဒုလက်ထောက် နိုင်ငံခြားရေးဝန်ကြီး Patrick Murphy ကပြောကြားခဲ့ပါတယ်။ အဲဒီနောက်မှာ အခုလို အဆင့်မြင့် အမေရိကန် အစိုးရကိုယ်စားလှယ်အဖွဲ့ရဲ့မြန်မာနဲ့ ဘင်္ဂလားဒေ့ရ်ှနိုင်ငံ ခရီးစဉ် ထွက်ပေါ်လာတာ ဖြစ်ပါတယ်။

အခုတခေါက် ခရီးစဉ်မှာ မြန်မာ တပ်မတော်ဘက်က ခေါင်းဆောင်တွေနဲ့ တွေ့ဆုံခဲ့ခြင်း မရှိခဲ့ကြောင်း Heather Nauret ကဆိုပါတယ်။ ဒါကြောင့် လက်ရှိ မြန်မာနဲ့ အမေရိကန် ဆက်ဆံရေး အခြေအနေနဲ့ ပတ်သက်လို့ Heather Nauret က သတင်းထောက်တွေကို အခုလိုပြောသွားပါတယ်။

“မြန်မာအစိုးရအပေါ် ဖိအားပေးမှာကတော့ အမှန်ပါပဲ။ ပြီးခဲ့တဲ့ သတင်းပတ်နှောင်းပိုင်းက အမေရိကန်က ချမှတ်တဲ့ ဒဏ်ခတ်ပိတ်ဆို့မှုတွေကို ထုတ်ပြန်ခဲ့ပြီးဖြစ်ပါတယ်။ အတော်လေးလည်း ရှည်လျားပါတယ်။ ဒါ့ကြောင့် ဒါဟာ ဘက်စုံ အရေးယူဆောင်ရွက်တဲ့ နည်း အဖြစ် ကျမတို့ ယူဆပါတယ်။ အဲဒီနည်းရဲ့ တစိတ်တပိုင်းအဖြစ် အစိုးရနဲ့ ဆွေးနွေးဖို့၊ အစိုးရအနေနဲ့ တက်သစ်စ ဒီမိုကရေစီကျင့်သုံးနေတာဖြစ်တဲ့အတွက်ကြောင့်လည်း အကူအညီလိုအပ်နေတယ်ဆိုတာကိုလည်း အသိအမှတ်ပြုရမှာဖြစ်ပါတယ်။ အမေရိကန်ရဲ့ စိုးရိမ်မကင်းဖြစ်မှုတွေ ကြီးမားတာကိုလည်း အသိပေးခဲ့ပြီးဖြစ်ပါတယ်။ ရိုဟင်ဂျာအရေးနဲ့ ပတ်သက်ပြီးတော့ အမေရိကန်နိုင်ငံတွင်းမှာ ဆွေးနွေးမှုတွေ ပြုလုပ်ခဲ့သလို အမေရိကန်ကိုယ်စားလှယ်အဖွဲ့တွေလည်း အဲဒီဒေသကို ခရီးထွက်ခဲ့ပြီး ကိုယ်တိုင်မြင်တွေ့ ကြားသိနိုင်ဖို့လည်း ကြိုးစားခဲ့ကြတဲ့အကြောင်းတွေကိုလည်း သိပြီး ဖြစ်ကြမှာပါ။”

ယာယီ လက်ထောက် နိုင်ငံခြားရေးဝန်ကြီး Mr. Henshaw နဲ့အတူ ဒီမိုကရေစီ၊ လူ့အခွင့်အရေးနဲ့ အလုပ်အကိုင်ဆိုင်ရာ ဗျူရို ဒုလက်ထောက်ဝန်ကြီး Scott Busby ၊ တောင်နဲ့ ဗဟိုအာရှဒေသ ရေးရာဌာန ယာယီ ဒုလက်ထောက်ဝန်ကြီး Tom Vajda နဲ့ အရှေ့အာရှနဲ့ ပစိဖိတ်ရေးရာဗျူရို၊ ရုံးညွှန်ကြားရေးမှူး Patricia Mahoney တို့လည်း လိုက်ပါသွားခဲ့ကြပါတယ်။

၃ ရက်ကြာ မြန်မာနိုင်ငံခရီးစဉ်အတွင်း လက်ထောက်နိုင်ငံခြားရေးဝန်ကြီး Simon Henshaw ဦးဆောင်တဲ့ အမေရိကန် ကိုယ်စားလှယ်အဖွဲ့ဟာ လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေး ဒုတိယ၀န်ကြီး ဦးစိုးအောင်နဲ့ မနေ့က တွေ့ဆုံရာမှာ ဘင်္ဂလားဒေ့ရ်ှနိုင်ငံ ဘက်ကို ထွက်ပြေးသွားတဲ့ ဒုက္ခသည်တွေကို မြန်မာနိုင်ငံက ပြန်လည် လက်ခံရေးမှာ အမေရိကန်ပြည်ထောင်စုက အကူအညီပေးနိုင်တဲ့ ကိစ္စရပ်တွေကို ဆွေးနွေးခဲ့ကြောင်း မြန်မာအစိုးရဘက်က သတင်း ထုတ်ပြန်ထားပါတယ်။

Source : https://burmese.voanews.com

ရခိုင်ပဋိပက္ခအပေါ် ကန် ဖိအားပေး

မြန်မာ့ဒီမိုကရေစီရေး တွေ့ဆုံမေးမြန်းခန်းမှာ မြန်မာနိုင်ငံ ရခိုင်ပြည်နယ်မြောက်ပိုင်းမှာ ရိုဟင်ဂျာမူစလင် သိန်းနဲ့ချီ အိုးအိမ်စွန့်ခွါ ထွက်ပြေးနေရတဲ့ အခြေအနေဟာ လူမျိုးတုံးသုတ်သင်ရှင်းလင်းတဲ့ပုံစံမျိုး ဖြစ်နေတယ်ဆိုပြီး ဒီအခြေအနေကို လုံးဝလက်မခံနိုင်တဲ့အကြောင်း ဒီမိုကရက်အထက်လွှတ်တော်အမတ် Dick Durbin က ပြောပါတယ်။ အထက်လွှတ်တော်အမတ်ကို VOA သတင်းထောက် Greta Van Susteren တွေ့ဆုံမေးမြန်းထားပါတယ်။

Ms. Greta – အခုလို တွေ့ဆုံမေးမြန်းခွင့် ပေးတဲ့အတွက် အထက်လွှတ်တော်အမတ်ကို ကျေးဇူးအများကြီးတင်ပါတယ်။ မြန်မာနိုင်ငံအတွင်းမှာရှိတဲ့ ရိုဟင်ဂျာတွေအပေါ် ပြုမှုပုံတွေဟာ လူမျိုးတမျိုးကို အမြစ်ပျက်ရှင်းလင်းမှု။ ဒါမှမဟုတ် လူမျိုးတုံး သတ်ဖျက်မှုလို့ ထင်လား။ အထက်လွှတ်တော်အမတ်အနေနဲ့ ဘယ်လို ယူဆလဲ။ အမေရိကန်ပြည်ထောင်စုရဲ့  တရားဝင် ရပ်တည်ချက်က ဘာလဲ။

Senator Durbin – လက်ရှိအစိုးရရဲ့  တရားဝင် ရပ်တည်ချက်ကိုတော့ ကျနော် မသိပါဘူး။ ဒါပေမဲ့ ဒါက လူမျိုးတမျိုးကို အမြစ်ပြတ်ရှင်းလင်းချင်တဲ့ ပုံစံလိုမျိုး ဖြစ်နေပါတယ်။ အဲဒီလိုပုံမျိုး ဖြစ်နေတယ်ပေါ့။ ကျနော်ရဲ့  မိတ်ဆွေ မယ်ရီလန်းက အထက်လွှတ်တော်အမတ် Ben Cardin ကတော့ လူမျိုးတုံးသတ်ဖျက်မှုလို့ ခေါ်ပါတယ်။ ဘယ်လိုပုံစံပဲဖြစ်ဖြစ်၊ အမေရိကန်ပြည်ထောင်စုထဲမှာ ရှိနေတဲ့ ကျနော်တို့အနေနဲ့ ဘယ်ဘက်ကို ရပ်တည်တယ်ဆိုတာ လိုအပ်ပါတယ်။ လွှတ်တော်အမတ်တွေ တော်တော်များများ ဒီလိုပဲ လုပ်ဆောင်ကြမှာပါ။

Ms. Greta – ဒီကိစ္စက အမေရိကန်ပြည်သူတွေအတွက် ဘာကြောင့် အရေးကြီးလဲ။ ဒါက သိပ်ကိုအလှမ်းမဝေးလွန် မနေဘူးလားရှင့်။

Senator Durbin – လူတွေ မူစလင်တွေ၊ ရိုဟင်ဂျာတွေဟာ မြန်မာစစ်တပ်ရဲ့  အကြမ်းဖက် ခြိမ်းခြောက်မှုတွေကို ခံနေရပါတယ်။ သူတို့ရဲ့  နေအိမ်တွေ မီးရှို့ ခံရတယ်။ အသတ်ခံရတယ်။ အဓမ္မပြုကျင့်ခံရတယ်။ ရွှေ့ ပြောင်းတိမ်ရှောင်ရတဲ့ လူဦးရေဟာ သိန်းနဲ့ချီ ရှိပါတယ်။ နတ်မြစ်ရပ်တဘက်ကမ်းကို ဖြတ်ကျော်ပြီး ဒုက္ခသည်စခန်းမှာ သူတိုိ့ကို ထားပါတယ်။ စိတ်ချလုံခြုံမှု မရှိတဲ့၊ နေချင်စရာ မကောင်းတဲ့ အစိုးဝါးဆုံး အခြေအနေတွေမှာ ရင်ဆိုင်နေရပါတယ်။ ဒါတွေဟာ လုံးဝကို လက်မခံနိုင်တဲ့ ကိစ္စပါ။

Ms. Greta – တိုင်းရင်းသားလူမျိုးစုတွေကို နိုင်ငံသားဖြစ်ခွင့်ပေးတဲ့ မြန်မာနိုင်ငံရဲ့  ၁၉၈၂ ခုနှစ် ဥပဒေထဲမှာ ရိုဟင်ဂျာတွေကို လုံးဝဖယ်ထုတ်ထားခဲ့တယ်။ ရိုဟင်ဂျာတွေ အဲဒီနေရာမှာ နေထိုင်၊ သိမ်းပိုက်မှာကို ဘာကြောင့် သူတို့ အပြင်းအထန် ခုခံနေကြသလဲရှင့်။

Senator Durbin – ကျနော်တို့ နားလည်ရသလောက်ကတော့ သူတို့ဘက်က အကြောင်းပြချက်တွေက ရိုဟင်ဂျာတွေဟာ မြန်မာနိုင်ငံသားတွေ မဟုတ်ဘူး။ သူတို့တွေဟ ဘင်္ဂလားဒေ့ရ်ှဘက်ခြမ်းက ပါလာတဲ့ ဘင်္ဂလီတွေ ဖြစ်တယ်။ ဒုတိယအချက်အနေနဲ့တော့ သူတို့တွေဟာ မူစလင်တွေ နေထိုင်တဲ့ နိုင်ငံထဲမှာ ရှိနေကြတယ် မူစလင်တွေဖြစ်ပေမယ့်လဲ တသန်းထက်မကရှိတဲ့ မူစလင်တွေကို ဘယ်တုန်းကမှ သူတို့ရဲ့  နိုင်ငံသားအဖြစ် လက်ခံထားကြတာ မဟုတ်သလို၊ ထည့်ထည့်ဝင်ဝင် ထိတွေ့ဆက်ဆံတာမျိုးလည်း မရှိကြပါဘူး။

Ms. Greta – မြန်မာစစ်တပ်ထဲက လူတချို့ ကတော့ သူတို့တွေက အကြမ်းဖက်သမားတွေလို့ ပြောကြပါတယ်။

Senator Durbin – အကြမ်းဖက်သမားတွေရဲ့  လုပ်ရပ်လိုမျိုး ကိစ္စတမျိုး ဖြစ်ခဲ့ပါတယ်။ သတ်ဖြတ်မှု ဖြစ်ခဲ့ပါတယ်။ ကျနော်တို့ သိရသလောက်တော့ မြန်မာစစ်သားတွေ နဲ့ လုံခြုံရေးရဲတပ်ဖွဲ့ဝင်တွေ (၁၆) ဦးထက်မနည်း အသတ်ခံခဲ့ရပါတယ်။ ဒီအဖြစ်အပျက်ကို အပေါ်ယံကြည့်ရင် ကိုယ်ဖြစ်ချင်တဲ့ ပုံစံမျိုး ကောက်ချက်ချ ပုံဖော်ပြောလိုရပါတယ်။ အပြန်အလှန် တိုက်ခိုက်မှုတွေအတွင်း နှစ်ဘက်စလုံး အသတ်ခံခဲ့ရတာတွေ ရှိပါတယ်။ ဒါပေမဲ့ ဒီကိစ္စနဲ့ ပတ်သက်လို့ လူပေါင်း (၆) သိန်းလောက် တိမ်ရှောင်ကြရတယ်ဆိုတာကတော့ အတော့်ကို ဆိုးရွာတဲ့ လုပ်ရပ်တခုလို့ ပြောရမှာ ဖြစ်ပါတယ်။ ဒီကိစ္စအပေါ် တာဝန်ရှိသူတွေရဲ့  ကိုင်တွယ်ပုံဟာ မျှတတဲ့ တုံ့ပြန်ချက်အတွက် ကျော်လွှန်တဲ့လုပ်ရပ် ဖြစ်ပါတယ်။ ဒီအပေါ် အဓိပ္ပါယ်ဖွင့်ဆိုရမယ်ဆိုရင် လူမျိုးတမျိုးကို အမြစ်ပျက်ရှင်းလင်းမှုတခုဆိုတာ ရှင်းပါတယ်။

Ms. Greta – သြဂုတ်လ (၂၅) ရက်နေ့က ဖြစ်ခဲ့တဲ့ကိစ္စနဲ့ ပတ်သက်ပြီး အထက်လွှတ်တော်အမတ် ပြောနေတာဖြစ်တယ်။ ဒီကိစ္စကို အကြောင်းပြပြီးတော့ စစ်တပ်က မဟာဗျူဟာတခုလိုချပြီး စစ်တပ်က အဓမ္မပြုကျင့်တာတွေ၊ ရွာတွေကို မီးရှို့ တာတွေ လုပ်ပြီးတော့ မြန်မာနိုင်ငံ ရခိုင်ပြည်နယ်ဒေသထဲကနေ ဒီလူတွေကို တွန်းထုတ်ဖို့ လုပ်နေကြတယ်။

Senator Durbin – ဟုတ်ပါတယ်။ အထူးသဖြင့် ရခိုင်ပြည်နယ် မြောက်ပိုင်းမှာ မနေ့တုန်းက ဒီကိစ္စနဲ့ ပတ်သက်ပြီး မြန်မာသံအမတ်ကြီးကို ကျနော့်ရုံးခန်းမှာ ခေါ်တွေ့ပါတယ်။ ဒီကိစ္စဘက်မှာ ဒီမိုကရက်ဘက်၊ Republican ဘက်ကရော အထက်လွှတ်တော် ခုနှစ်ယောက်နဲ့ တစ်နာရီကျော် စကားပြော၊ မေးမြန်းတာတွေ လုပ်ခဲ့ပါတယ်။ မေးထားတဲ့အချက်တွေကိုတော့ သူဘက်က တပတ်၊ နှစ်ပတ်အတွင်း ကျနော်တို့ကို အကြောင်းပြန်မယ်လို့ ပြောသွားပါတယ်။ ကျနော်တို့ဘက်က အသေအချာ ဂရုတစိုက် စောင့်ကြည့်နေတယ်ဆိုတာကို သူကို ပြောခဲ့ပါတယ်။ မြန်မာနိုင်ငံနဲ့ ကျနော်တို့ရဲ့  ဆက်ဆံရေးဟာ ဒီအခြေအနေကနေ ထွက်ပေါ်လာတဲ့ ရလဒ်တွေပေါ်မှာ မူတည်ပါတယ်။ အဲဒီရလဒ်ကိုလည်း ကျနော်တို့အနေနဲ့ အမြန်ဆုံး လိုချင်ပါတယ်။

Ms. Greta – ဒီကိစ္စအပေါ် ပြစ်တင်ရှုတ်ချဖို့ ဆုံးဖြတ်ချက်တခုကို အထက်လွှတ်တော်အမတ်အနေနဲ့ အဆိုပြုထားပြီးပြီ။ ပါတီကြီးနှစ်ရပ်စလုံးရဲ့  ထောက်ခံမှုကို ရပြီလားရှင့်။

Senator Durbin – ရမယ်လို့တော့ ကျနော် ယုံကြည်ပါတယ်။ ပြောလို့တော့ မရသေးဘူး။

Ms. Greta – ဒါဆိုရင်လို့ရှိရင် ဒါကို ဥပဒေတခုအဖြစ်နဲ့ အတည်ပြုပါလား။

Senator Durbin – မူလကတည်းက ဒီဆုံးဖြတ်ချက်နဲ့ ပတ်သက်လို့ John MacCain က ကျနော့်ကို ထောက်ခံပြီးသာ။ ဆိုတော့ တခြားလူတွေကလည်း ကျနော်တို့ကို ထောက်ခံမယ်လို့ ထင်ပါတယ်။ ပါတီကြီး နှစ်ရပ်စလုံးက ပါဝင်ပါလိမ့်မယ်။ ပြယုဂ်တရပ်အဖြစ် ဖြစ်ကောင်းဖြစ်နိုင်တယ်။ ဒီဆုံးဖြတ်ချက်မျိုး ကျလာမယ့် အချိန်အထိ ကျနော်တို့ စောင့်မနေချင်ပါဘူး။ ဖြေရှင်းကိုင်တွယ်မှုတွေကို အခုပဲ တွေ့ချင်ပါတယ်။ ဒီအစိုးရနဲ့ ဒေါ်အောင်ဆန်းစုကြည်အနေနဲ့ အမှန်တကယ် လက်တွေ့ လုပ်ဆောင်ပြတာ၊ ထုတ်ဖော်ပြောဆိုတာမျိုး တခုခုလုပ်ဆောင်ဖို့ ကျနော်တို့ တောင်းဆိုပါတယ်။ ပထမအနေနဲ့ အမေရိကန်ပြည်ထောင်စု၊ ပြီးတော့ အစိုးရမဟုတ်တဲ့ အဖွဲ့အစည်းတွေပါဝင်တဲ့ သီးခြားလွတ်လပ်တဲ့ အဖွဲ့တွေကို ဖွဲ့ပြီး ရခိုင်ပြည်နယ်အတွင်းက လက်ရှိ သူတို့ကို ရှင်းထုတ်ပြစ်တဲ့နေရာတွေကို ဝင်ခွင့်ပြုပြီး မြေပြင်မှာ ဘာတွေဖြစ်နေသလဲဆိုတာကို သူတို့ တွေ့မြင်ရပါမယ်။ ဒုတိယအနေနဲ့ ဒီလို ရက်စက်ကြမ်းကြုတ်တဲ့ လုပ်ရပ်တွေမှာ ပါဝင်သူတွေ။ ရွာတွေကို မီးရှို့ ခဲ့တဲ့ မြန်မာစစ်တပ်ထဲက တာဝန်ရှိသူတွေကို အရေးယူပါလိမ့်မယ်။ တတိယအနေနဲ့က နေရပ်ပြန်နိုင်ရေးအတွက် စီစဉ်မယ်ဆိုရင်လဲ UNHCR ဒုက္ခသည်များဆိုင်ရာ ကုလသမ္မဂ မဟာမင်းကြီးရုံးကို တာဝန်ပေးပြီး ဒီလူတွေကို စနစ်တကျ ခေါ်ဆောင်လာရပါမယ်။ နေအိမ်တွေ မီးရှို့ ခံရပြီး

ထွက်ပြေးတိမ်ရှောင်နေရတဲ့ သူတွေဆီကနေ စာရွက်စာရွက်တမ်း၊ အထောက်အထားတွေ တောင်းတယ်ဆိုတာ လုံးဝကို လက်တွေ့မကြပါဘူး။

Ms. Greta – အဖိနှိပ်ခံ ရိုဟင်ဂျာတွေရဲ့  ပြဿနာကို ရှင်းပေးဖို့အတွက် ဒေါ်အောင်ဆန်းစုကြည်အပေါ်မှာ အများကြီး မျှော်လင့်ထားကြပါတယ်။ ဒီကိစ္စနဲ့ ပတ်သက်လို့ ပြစ်တင်ရှုတ်ချတာတွေ မလုပ်ခဲ့တဲ့ အတွက်ကြောင့်မို့ သူတို့ကို ကြံရာပါဆိုပြီး သတင်းခေါင်းကြီးပိုင်းတချို့ တွေမှာ တွေ့ခဲ့ရပါတယ်။ အဲဒီတုံးက ဒေါ်အောင်ဆန်းစုကြည်နဲ့ ပတ်သက်လို့ ဘယ်လိုထင်လဲရှင့်။

Senator Durbin – ကျနော် သူကို သိပ်ပြီးလေးစားပါတယ်။ ကျနော် ပြောချင်တာက သူဟာ ဆယ်စုနှစ်တခုကျော် နေအိမ်အကျယ်ချုပ်နဲ့ နေခဲ့ရပါတယ်။ သူ့ရဲ့  တိုင်းပြည်မှာ ဒီမိုကရေစီ အစပျိုလာအောင် ခိုင်ခိုင်မာမာ ရပ်တည်လှုပ်ရှားနိုင်ပါတယ်။ ခေါင်းဆောင်တယောက်အနေနဲ့ ရပ်တည်ခဲ့ပါတယ်။ တိုင်းပြည်မှာ လိုအပ်နေတဲ့ ခိုင်မာအားကောင်းတဲ့ ခေါင်းဆောင်တယောက်အနေနဲ့ ရပ်တည်ခဲ့ပါတယ်။ အဲဒီတိုင်းပြည်မှာ လိုအပ်နေတဲ့ ခိုင်မာအားကောင်းတဲ့ ခေါင်းဆောင်တယောက်ထက်တောင် ပိုပါတယ်။ မြန်မာနိုင်ငံဟာ စစ်တပ်အုပ်ချုပ်ရေးကနေ ဒီမိုကရေစီ အသွင်ကူပြောင်းလာခဲ့တာ အခုဆိုရင် သက်တမ်းနှစ်တမ်းတောင် မရှိသေးပါဘူး။ ဒါပေမဲ့ သူ့အနေနဲ့ အခုတိုင်းပြည်ထဲမှာ ဖြစ်ပျက်နေတဲ့ ရက်စက်ကြမ်းကြုတ်မှုတွေနဲ့ ပတ်သက်လာရင် အခုထက်ပိုပြီး တိုက်တိုက်တွန်းတွန်း ရှေ့ တိုးလုပ်ဆောင်သင့်ပါတယ်။

Ms. Greta – သူတို့လုပ်ရပ်တွေ မရပ်တန့်ဘူးဆိုရင် နောက် ဒဏ်ခတ်ပိတ်စို့မှုဒဏ်။ စစ်တပ်ကို တိုက်ရိုက်ဒဏ်ခတ်ပိတ်စို့တာမျိုး ရင်ဆိုင်ရနိုင်ပါတယ်။ စီးပွားရေးဒဏ်ခတ်ပိတ်စို့မှုတွေက အင်မတန်ဆင်းရဲလှတဲ့ နိုင်ငံကို ထိခိုက်မှာပါ။

Senator Durbin – ဒါဟာ ဒွီဟ ဖြစ်စရာပါ။ သူတို့ဘက်က မတုံ့ပြန်ရင် ဒါမှမဟုတ် ကျေနပ်လောက်တဲ့ အပြုသဘောဆောင်တဲ့ တုံ့ပြန်မှု မပေးနိုင်ဘူးဆိုရင် ကျူးလွန်တယ်လို့ ယူဆရတဲ့ လူတွေအပေါ် မှတ်ထားပြီး ဒဏ်ခတ်ပိတ်စို့မှုတွေ လုပ်ပါတယ်။

Ms. Greta – သမ္မတ က သဘောတူမယ်လို့ ထင်လား။

Senator Durbin – သဘောတူမယ်လို့ မျှော်လင့်ပါတယ်။ ဒါပေမဲ့ သမ္မတက အရေးတယူ ဆောင်ရွက်မလားဆိုမလား အဆိုကိုတော့ ကျနော် မသိနိုင်ပါဘူး။

Ms. Greta – ဒီကိစ္စမှာ အမေရိကန်တွေ ပိုပြီးပါဝင်လာမှုက အကျိုးယုတ်စေတယ်လို့ ထင်ပါသလား။ အမေရိကန်နိုင်ငံသားတွေကို ရည်ညွှန်းတာ မဟုတ်ပါဘူး။ ဒေါ်အောင်ဆန်းစုကြည်အနေနဲ့ ပိုပြီးပြင်းပြင်းထန်ထန် ကိုင်တွယ်သင့်တယ်ဆိုပြီး အမေရိကန်အစိုးရက တွန်းအားပေး လုပ်ဆောင်နေတာ အကျိုးယုတ်စေတယ်လို့ ထင်ပါသလား။

Senator Durbin – အကျိုးယုတ်စေတယ်လို့ မမြင်ပါဘူး။ ပြောရမယ်ဆိုရင် ဘာမှမလုပ်ဘဲ ငြိမ်နေတာကမှ အကျိုးယုတ်စေတယ်လို့ ထင်ပါတယ်။ မူစလင်အသိုင်းအဝိုင်းတခု နှိပ်ကွပ်ခံနေရတယ်ဆိုတာ အရှင်းကြီး မြင်နေရပါတယ်။ ကျနော်တို့က ဒီအသိုင်းအဝိုင်းဘက်ကနေ မရပ်တည်ပေးဘူးဆိုရင် ကမ္ဘာတဝှမ်းက မူစလင်တွေက သူတို့နဲ့ ဆက်ဆံရေးအပေါ် အမြင်လွဲသွားမှာပါ။

Ms. Greta – မြန်မာနိုင်ငံမှာ တခြားတိုင်းရင်းသားအုပ်စုတွေ ရှိပါတယ်။ ခရစ်ယာန်ဘာသာဝင် အသိုင်းအဝိုင်းဖြစ်တဲ့ ကရင်တိုင်းရင်းသားတွေလည်း ရှိပါတယ်။ သမိုင်းတလျှောက်မှာ သူတို့တွေကလည်း အလားတူ ဖိနှိပ်မှုတွေ များစွာခံခဲ့ရတယ်ဆိုပေမယ့်လဲ အခုတွေ့နေရတဲ့ ရိုဟင်ဂျာအရေးလောက်တော့ လူအပြောမများခဲ့ပါဘူး။ သူတို့အတွက်နဲ့ သူတို့အပေါ်အတွက် အာရုံစိုက်မှုတွေ ရှိပါလားရှင့်။

Senator Durbin – ဖြစ်သင့်ပါတယ်။ ထောင်နဲ့သောင်းနဲ့ ရှိတဲ့လူတွေ ရွှေ့ ပြောင်းခံရတဲ့အကြောင်း သတင်းတွေ ထွက်ပေါ်လာတဲ့နောက်မှာ ရိုဟင်ဂျာအရေးကို အာရုံစိုက်လာတာ ဖြစ်ပါတယ်။ ဒါပေမဲ့ ကရင်တိုင်းရင်းသားတွေလည်း အရေးလည်း ထိုနည်းတူပါ။ ဒီမိုကရေစီနိုင်ငံ တည်ဆောက်မယ်ဆိုရင် ဘာသာရေးနောက်ခံမတူတဲ့သူတွေ။ လူမျိုးရေးနောက်ခံ ကွဲပြားသူတွေအပေါ် အမြင်ပွင့်လင်းစွာနဲ့ အတူယှဉ်တွဲနေထိုင်နိုင်ဖို့ မျှော်လင့်သင့်ပါတယ်။ ဒီမိုကရေစီရဲ့  အစိတ်အပိုင်းတွေပါ။ ခရစ်ယာန်ဖြစ်ဖြစ်၊ မူစလင်ဖြစ်ဖြစ် တသားတည်းဆောင်ရွက်သွားရမှာ ဖြစ်ပါတယ်။

Source : https://burmese.voanews.com

ရခိုင် ALP ခေါင်းဆောင်ရဲ့ခင်ပွန်း ဘင်္ဂလားဒေ့ရ်ှမှာဖမ်းခံရ

အစိုးရနဲ့ အပစ်ရပ်စာချုပ်ချုပ်ဆိုထားတဲ့ ရခိုင်လက်နက်ကိုင်အဖွဲ့ရဲ့ ထိပ်ပိုင်းခေါင်းဆောင်က မိမိရဲ့ ခင်ပွန်းကို ဘင်္ဂလားဒေရ်ှအာဏာပိုင်တွေက ဖမ်းဆီးလိုက်တာဟာ လက်ရှိ ဖြစ်ပွားနေတဲ့ ရခိုင်ပြည်နယ်မြောက်ပိုင်းအရေးနဲ့ ဆက်စပ်တိုင်ကြားလို့ဖြစ်ကြောင်း ဒီကနေ့ သတင်းစာရှင်းလင်းပွဲမှာ ထုတ်ဖော်ပြောဆိုပြီး လက်ရှိဖြစ်ပွားနေတဲ့ ပြဿနာမှ မိမိတို့ ပါဝင်ပတ်သက်မှုမရှိကြောင်း ငြင်းဆိုလိုက်ပါတယ်။ ဒီသတင်းကို ဗီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ရခိုင်ပြည်လွတ်မြောက်ရေးပါတီ ALP ရဲ့ အထွေထွေအတွင်းရေးမှုး ဒေါ်စောမြရာဇာလင်းရဲ့ ခင်ပွန်းဖြစ်သူ ဘင်္ဂလားဒေ့ရ်ှနိုင်ငံသား ဦးဦးချစ်မောင်ဟာ ဒီလ ၁၈ရက်နေ့က ရန်ကုန်မြို့ကို အလာ ဘင်္ဂလားဒေ့ရ်ှနိုင်ငံ ဒက္ကာမြို့ လေဆိပ်မှာ ဖမ်းဆီးထိန်းသိမ်းခံခဲ့ရတာဖြစ်ပါတယ်။

ဖမ်းဆီးခံရချိန်မှာ ဘယ်အဖွဲ့အစည်းက ဖမ်းဆီးမှန်းမသိရတဲ့အတွက် ရဲစခန်းမှာ လူပျောက်တိုင်ကြားခဲ့တဲ့နောက် ၁၉ရက်နေ့ ညနေမှာမှ အစိုးရအဆင့်မြင့်အဖွဲ့အစည်းတခုက ဖမ်းဆီးကြောင်း ရဲတပ်ဖွဲ့က အသိပေးခဲ့သလို ၂၀နဲ့ ၂၁ရက်နေ့တွေမှာတော့ မိသားစုနဲ့ တွေ့ဆုံခွင့်ရခဲ့တာဖြစ်ပါတယ်။

ဒေါ်စောမြရာဇာလင်းဟာ ALP ခေါ် ရခိုင်လက်နက်ကိုင်အဖွဲ့ရဲ့ ထိပ်ပိုင်းခေါင်းဆောင်တဦးဖြစ်သလို မြန်မာနိုင်ငံ ငြိမ်းချမ်းရေးတည်ဆောက်မှုလုပ်ငန်းစဉ်မှာလည်း ဦးဆောင်ပါဝင်နေသူတဦးဖြစ်ပါတယ်။

လက်ရှိ ခင်ပွန်းသည်ဖမ်းဆီးခံရမှုဟာ သူနဲ့ ဆက်စပ်သလို ရခိုင်ပြည်နယ်မြောက်ပိုင်းအရေးနဲ့ ဆက်စပ်ပြီးတိုင်ကြားခံရတာကြောင့် ဖြစ်တယ်လို့ ဒီနေ့ ရန်ကုန်မြို့ Green Hill ဟိုတယ်မှာ ကျင်းပတဲ့ သတင်းစာရှင်းလင်းပွဲမှာ ဒေါ်စောမြရာဇာလင်းက ပြောပါတယ်။

“ကျမတို့ လေ့လာသိရှိရသလောက်ဆိုရင် ကျမနဲ့ ဆက်စပ်တယ်။ ကျမဟာဆိုရင် ဘင်္ဂလားဒေ့ရ်ှနိုင်ငံကို အန္တရာယ်ပြုနိုင်တဲ့လူဆိုပြီးတော့ ကျမကို တိုင်ထားတဲ့လူတွေရှိတယ်။ ဘင်္ဂလားဒေ့ရ်ှမှာ ထောက်လှမ်းရေးတွေကို တိုင်ထားတဲ့လူတွေရှိတယ်။ သူလည်း ကျမနဲ့ ဆက်စပ်ပြီးတော့မှ ဘင်္ဂလားဒေ့ရ်ှနိုင်ငံကို အန္တရာယ်ပြုနိုင်တဲ့လူဆိုတဲ့ ပုံစံမျိုးနဲ့ တိုင်ထားတယ်။ ပြီးလို့ရှိရင် အခုမကြာခင်ကဖြစ်သွားတဲ့ ဘင်္ဂလားဒေ့ရ်ှနဲ့ နယ်စပ် မောင်တောပြဿနာတွေနဲ့ ရောထွေးပြီးတော့မှ အဲလိုပုံစံမျိုးတွေရေးပြီးတော့ တင်ထားတယ်ဆိုတာကို ကျမတို့ သိရတယ်။”

နယ်စပ်ပြဿနာနဲ့ ဆက်စပ်ပြီး တိုင်ကြားထားပေမဲ့ ဒီကိစ္စတွေကို ပါဝင်ပတ်သက်မှုမရှိကြောင်းလည်း ဒေါ်စောမြရာဇာလင်းက ငြင်းဆိုထားပါတယ်။

“မကောင်းမှုကို ကြံစည်တဲ့လူဟာဆိုရင် ဒီနယ်စပ်ပြဿနာကိုထည့်ပြီးတော့ လုပ်ထားတာကို ကျမတို့ တွေ့နေရပါတယ် စွဲချက်မှာ။ ကျမတို့ ဒီလိုပြဿနာတွေမှာ ၀င်ပါစရာအကြောင်းမရှိဘူး။ သူ့အနေနဲ့လည်း ဘယ်သောအခါမှလည်း အဲလိုကိစ္စမျိုးကို စဉ်းစားမှာမဟုတ်ဘူး။”

ခင်ပွန်းဖြစ်သူလွတ်မြောက်ရေးအတွက် မြန်မာအစိုးရကိုလည်း ကြားဝင်ဆောင်ရွက်ပေးဖို့ အကူအညီတောင်းခံသွားမယ်လို့လည်း ဆက်ပြောပါတယ်။

“ကျမတောင်းဖို့ကြိုးစားနေပါတယ်။ ကျမက ဒီမှာ EAO တွေနဲ့ ညှိနေတယ်။ ကျမဟာ ငြိမ်းချမ်းရေးကို လုပ်နေတဲ့သူဖြစ်တယ်။ ကျမအမျိုးသားဆိုရင်လည်း ကောင်းသောအလုပ်ကိုပဲ လုပ်နေတဲ့လူပဲဖြစ်တယ်။ ကျမနဲ့ ပတ်သက်ပြီးတော့မှ ဘာသံသယမှ ရှိစရာလည်းအကြာင်းမရှိဘူး။ အဲဒါကြောင့်မို့လို့ ကျမကို ကူညီပေးကြပါ။ ကျမကို စာရေးပေးကြပါဆိုပြီးတော့ EAO ကို ပြောပါတယ်။ ပြီးရင် ကျမ Peace Commission ကိုလည်း မေတ္တာရပ်ခံသွားမယ်။ UPDJC တခုလည်းကိုလည်း မေတ္တာရပ်ခံသွားမှာပါ။ Peace Process တခုလုံး ရှေ့ကိုလှမ်းနိုင်ဖို့အတွက် ကျမ ကြိုးစားနေသူတယောက်ဖြစ်တယ်။ ပြီးလို့ရှိရင် NCA ရှေ့ကိုသွားနိုင်ရန်အတွက်လည်း ကျမရှေ့ကိုကြိုးစားသွားနေတဲ့လူဖြစ်တာမို့လို့ အစိုးရကိုလည်း မေတ္တာရပ်ခံသွားမှာပါ။”

ဒေါ်စောမြရာဇာလင်းရဲ့ ခင်ပွန်းဖြစ်သူ ဦးဦးချစ်မောင်ဟာ ဘင်္ဂလားဒေ့ရ်ှနိုင်ငံသား ရခိုင်အမျိုးသားတဦးဖြစ်သလို ဘင်္ဂလားဒေ့ရ်ှနိုင်ငံလွတ်လပ်ရေးကြိုးပမ်းမှု ပါဝင်ခဲ့သူဖြစ်တာကြောင့် တိုက်ပွဲဝင် သူရဲကောင်းဆုကိုလည်း ရရှိထားသူ ဖြစ်ပါတယ်။ သူဟာ ၁၉၉၀ခုနှစ်မှာ ရခိုင်ဗုဒ္ဓဘာသာဖွံ့ဖြိုးရေးအသင်းကို ထူထောင်ပြီး ဥက္ကဌအဖြစ် ၁၀နှစ်ကြာ တာဝန်ထမ်းဆောင်ခဲ့သလို ၁၉၉၃ခုနှစ်မှာ Rakhine Development Foundation ကိုတည်ထောင်ပြီး ဘင်္ဂလားဒေ့ရ်ှရှိ ရခိုင်အမျိုးသားတွေရဲ့ ပညာရေး၊ လူမှုရေး၊ စီးပွားရေးလုပ်ငန်းတွေကို ကူညီနေသူဖြစ်ပါတယ်။ စစ်တွေမြို့မှာ အခြေစိုက်ဖွဲ့စည်းထားတဲ့ သက်တံရောင် မိခင်နဲ့ ကလေးဖောင်ဒေးရှင်းလုပ်ငန်းနဲ့ မြန်မာပြည်ကို လာရောက်ချိန်မှာ ဖမ်းဆီးခံရတာဖြစ်ပြီး မနက်ဖန်မှာ တရားရုံးထုတ်ဖို့ ရှိနေပါတယ်။

ရိုဟင်ဂျာဟု သုံးစွဲနေခြင်းက ရခိုင်အရေး ပိုမိုရှုတ်ထွေးစေ

ရိုဟင်ဂျာလို့ သုံးစွဲနေတာဟာ ရခိုင်အရေးကို ပိုမိုရှုတ်ထွေးစေတယ်လို့ ၈၈ ကျောင်းသားခေါင်းဆောင် ဦးကိုကိုကြီးက ပြောဆိုလိုက်ပါတယ်။

ဂျပန်နိုင်ငံခြားရေးဝန်ကြီးဌာနနှင့် နိပွန်ဖောင်ဒေးရှင်းတို့ရဲ့ ဖိတ်ကြားချက်အရ ဂျပန်နိုင်ငံကို ရောက်ရှိနေကြတဲ့ နိုင်ငံရေးပါတီဖြစ်မြောက်ရေးကော်မတီဝင်တွေ သတင်းစာရှင်းလင်းပွဲကို အောက်တိုဘာ ၁၁ ရက်နေ့က တိုကျိုမြို့မှာ ပြုလုပ်ခဲ့စဉ် ဂျပန် မိုင်းနီချီ သတင်းစာကြီးရဲ့ မေးမြန်းချက်ကို ပြန်လည်ဖြေကြားပြောဆိုခဲ့တာပါ။

ဦးကိုကိုကြီးဦးဆောင်တဲ့ နိုင်ငံရေးပါတီ ဖြစ်မြောက်ရေးကော်မတီဝင် ၈ ဦးဟာ တိုကျိုမြို့ရှိ ဝန်ကြီးချုပ်ရုံး၊ နိုင်ငံခြားရေးဝန်ကြီးဌာန၊ သယ်ယူပို့ဆောင်ရေးအပါအ၀င် ငွေကြေးစီမံခန့်ခွဲမှု ဆိုင်ရာနည်းပညာတွေ အပါအ၀င်လေ့လာမှုတွေကို အောက်တိုဘာ ၁၆ ရက်အထိ ဂျပန်နိုင်ငံမှာ ၇ ရက်ကြာ နေထိုင်လေ့လာကြမှာဖြစ်ပါတယ်။

Source : http://burmese.dvb.no

ရခိုင်ဒေသအဖြစ်အပျက်များ စုံစမ်းအရေးယူဖို့ ကုလအရာရှိများ တောင်းဆို

ရခိုင်ပြည်နယ်မြောက်ပိုင်းမှာ အကြမ်းဖက်မှုတွေ ချက်ချင်း ရပ်ဆိုင်းပြီး ဒီအကြမ်းဖက်မှုတွေအတွင်း အမျိုးသမီးနဲ့ ကလေးငယ်တွေ သတ်ဖြတ်ခံရ၊ လိင်ပိုင်းဆိုင်ရာ မတရားပြုကျင့်ခံရတဲ့ အခြေအနေတွေကို စုံစမ်းဖော်ထုတ်ပြီး အပြစ်ရှိသူတွေကို အရေးယူပေးဖို့ ကုလသမဂ္ဂ CEDAW ကော်မတီနဲ့ CRC ကော်မတီတွေက မြန်မာအစိုးရကို တိုက်တွန်းလိုက်ပါတယ်။ ရခိုင်ပြည်နယ်တွင်း အကြမ်းဖက်မှုတွေဟာ လူသားထုအပေါ် ကျူးလွန်တဲ့ ရာဇ၀တ်မှုအထိ မြောက်နိုင်တယ်လို့လည်း ဆိုပြီးတော့ CEDAW နဲ့ CRC ကော်မတီတွေအနေနဲ့ အထူး စိုးရိမ်တဲ့အကြောင်း ပြောပါတယ်။ မခင်ဖြူထွေးက အပြည့်စုံ ပြောပြပေးပါမယ်။

ရခိုင်ပြည်နယ်တွင်း ရိုဟင်ဂျာမူစလင်တွေ ကြုံနေရတဲ့ အကြမ်းဖက်မှုတွေဟာ လူသားထုအပေါ် ကျူးလွန်တဲ့ ရာဇ၀တ်မှုအထိ မြောက်နိုင်တယ်လို့ ဆိုပြီးတော့ အကြမ်းဖက်မှုတွေ ချက်ချင်းရပ်တန့်ဖို့နဲ့ ပြစ်မှု ကျူးလွန်သူတွေကို စုံစမ်းဖော်ထုတ် အရေးယူပေးဖို့ အမျိုးသမီးများအပေါ် ခွဲခြားဆက်ဆံမှု အဆုံးသတ်ရေး ကုလသမဂ္ဂ CEDAW ကော်မတီ နဲ့ ကလေးငယ် အခွင့်အရေးဆိုင်ရာ ကော်မတီ CRC တို့က မြန်မာအစိုးရကို တိုက်တွန်းလိုက်တာ ဖြစ်ပါတယ်။ ရခိုင်ပြည်နယ်မြောက်ပိုင်းမှာ ဖြစ်ပွားခဲ့တဲ့ အကြမ်းဖက် ပဋိပက္ခတွေအတွင်း ရိုဟင်ဂျာ အမျိုးသမီးနဲ့ ကလေးငယ်တွေ သတ်ဖြတ်ခံရတာ၊ လိင်ပိုင်းဆိုင်ရာ မတရားပြုကျင့်ခံရတာ၊ အိုးအိမ်စွန့်ခွာ ထွက်ပြေးနေကြရတာ စတဲ့ အခြေအနေတွေနဲ့ ပတ်သက်လို့ အထူးစိုးရိမ်တဲ့အကြောင်း ဒီကနေ့ ပူးတွဲ ကြေညာချက် ထုတ်ပြန်ထားပါတယ်။ ဒီလိုပြောဆိုမှုတွေနဲ့ ပတ်သက်လို့ အချက်အလက် ခိုင်မာမှု ဘယ်လောက်ရှိသလဲ ဆိုတဲ့ အမေးကိုတော့ CEDAW ကော်မတီ ဥက္ကဋ္ဌ Dalia Leinarte က ဗွီအိုအေကို ခုလို ဖြေပါတယ်။

“ကျမတို့ ဒီကနေ့ ပြောနေတာက လူ ငါးသိန်းကျော် ဒုက္ခသည်တွေ အိုးအိမ်စွန့်ခွာ ထွက်ပြေးနေရတဲ့ကိစ္စပါ။ အမျိုးသမီးနဲ့ ကလေးငယ်တွေ ထွက်ပြေးနေတဲ့ပုံတွေ၊ ရေနစ်နေတဲ့ပုံတွေ မှတ်တမ်းရုပ်သံတွေကို ကျမတို့ နေ့စဉ် တွေ့နေရတာပါ။ ဒါတွေ တကယ်တမ်း ဖြစ်နေတာ မဟုတ်ပါဘူးလို့ ပြောချင်တယ်ဆိုရင်တော့ ကျမတို့ရဲ့ ကြေညာချက်ထဲမှာ တိုက်တွန်းထားသလိုပဲ ကုလသမဂ္ဂ လူ့အခွင့်အရေး ကောင်စီကနေ မကြာခင်တုန်းက ဖွဲ့စည်းပေးခဲ့တဲ့ အချက်အလက် ရှာဖွေရေးအဖွဲ့ကို မြန်မာနိုင်ငံထဲ ၀င်ရောက်ခွင့်ပြုပြီး လေ့လာခွင့်ပေးဖို့ လိုပါတယ်။ ဒီအချက်အလက်ရှာဖွေရေးအဖွဲ့ သွားရောက် လေ့လာပြီး ထွက်လာတဲ့ရလဒ်အပေါ်မှာမှ အကောင်း အဆိုး သေချာ ပြောနိုင်လိမ့်မယ်လို့ ထင်ပါတယ်။”

မြန်မာအစိုးရကတော့ ကုလသမဂ္ဂ လူအခွင့်အရေးကောင်စီက ဖွဲ့စည်းထားတဲ့ အချက်အလက် ရှာဖွေရေးအဖွဲ့ဟာ ရခိုင်ပြည်နယ်တွင်း ပဋိပက္ခကို ဖြေရှင်းရာမှာ အထောက်အကူ မဖြစ်တဲ့အပြင် ပဋိပက္ခကို ပိုပြီး ဆိုးရွားစေနိုင်တယ်လို့ ဆိုပြီးတော့ ဒီအဖွဲ့ကို လက်မခံပါဘူး။ ဒီလို လက်မခံတဲ့အပေါ်မှာ နိုင်ငံတကာ က လည်း ဝေဖန်နေတာ ဖြစ်ပါတယ်။

ရခိုင်ပြည်နယ်တွင်း အကြမ်းဖက်မှုတွေကြောင့် အိုးအိမ်စွန့်ခွာ ထွက်ပြေးနေကြရတဲ့ အကာအကွယ်မဲ့ ရိုဟင်ဂျာ အမျိုးသမီးနဲ့ ကလေးငယ်တွေရဲ့ လိုအပ်ချက်တွေကို မြန်မာအစိုးရက ဖြေရှင်းကိုင်တွယ်ပေးရလိမ့်မယ်လို့ CEDAW နဲ့ CRC ကော်မတီတွေကလည်း ပြောနေတာပါ။ ဒီကော်မတီတွေရဲ့ အဖွဲ့ဝင်နိုင်ငံတခုဖြစ်တဲ့ မြန်မာနိုင်ငံအနေနဲ့ အမျိုးသမီးနဲ့ ကလေးငယ်တွေအပေါ် အကြမ်းဖက်မှုတွေ မရှိအောင် ကာကွယ်ပေးရမယ့် တာဝန်ရှိတယ်လို့ CEDAW ကော်မတီ ဥက္ကဋ္ဌ Dalia Leinarte က ပြောပါတယ်။“CEDAW ကော်မတီအနေနဲ့ ဇူလိုင်လထဲမှာ အမျိုးသမီးတွေအပေါ် အကြမ်းဖက်မှုတွေနဲ့ ပတ်သက်ပြီး ယေဘုယျ အကြံပြုချက် အမှတ် (၃၅) ထုတ်ပြန်ထားတာ ရှိပါတယ်။ ဒီအထဲ အရေးကြီးတဲ့အချက်တွေထဲမှာတော့ CEDAW အဖွဲ့ဝင်နိုင်ငံ အစိုးရတွေ အနေနဲ့ အခု မြန်မာနိုင်ငံမှာ ဖြစ်ပျက်နေတဲ့ အခြေအနေမျိုးတွေမှာဆိုရင်… အကြမ်းဖက်မှုတွေ မဖြစ်အောင် ကာကွယ်တာ၊ စုံစမ်းစစ်ဆေးမှုတွေ လုပ်ပြီး အပြစ်ရှိသူတွေကို အရေးယူတာမျိုး ဆောင်ရွက်ရမှာဖြစ်ပါတယ်။ ဒါကြောင့် မြန်မာအစိုးရအနေနဲ့ CEDAW ကော်မတီမှာ ပြီးခဲ့တဲ့နှစ်က ချမှတ်ခဲ့တဲ့ ဆုံးဖြတ်ချက်တွေနဲ့အညီ လိုက်ပါ ဆောင်ရွက်ဖို့၊ ပြီးတော့.. CEDAW ကော်မတီရဲ့ ယေဘုယျ အကြံပြုချက် အမှတ် (၃၅) နဲ့အညီ လိုက်ပါဆောင်ရွက်ဖို့ တိုက်တွန်းပါတယ်။”

မြန်မာအစိုးရအနေနဲ့ နိုင်ငံတကာ လူသားချင်းစာနာမှု အကူအညီပေးရေး အဖွဲ့တွေကို မြန်မာနိုင်ငံထဲ အတားအဆီးမရှိ အမြန်ဆုံး ၀င်ရောက်ခွင့်ပြုဖို့နဲ့ ဒီအဖွဲ့တွေနဲ့ ပူးပေါင်း ဆောင်ရွက်ဖို့ကိုလည်း CEDAW နဲ့ CRC ကော်မတီတွေက မြန်မာအစိုးရကို တိုက်တွန်းပါတယ်။

ဒီအတောအတွင်းမှာပဲ နိုင်ငံတကာ လူ့အခွင့်အရေးအဖွဲ့တခုဖြစ်တဲ့ Human Rights Watch အဖွဲ့က ရခိုင်ပြည်နယ် မောင်နုကျေးရွာမှာ သြဂုတ်လ ၂၇ ရက်နေ့က ရိုဟင်ဂျာ မူစလင်တချို့ ရက်ရက်စက်စက် သတ်ဖြတ်ခံခဲ့ရတဲ့အကြောင်း ဒီကနေ့ ကြေညာချက် ထုတ်ပြန်ပါတယ်။ ဒီရွာမှာ ရိုဟင်ဂျာရွာသားတွေကို မြန်မာစစ်တပ်က ရိုက်နှက်တာ၊ ဓားနဲ့ထိုးတာ၊ သေနတ်နဲ့ပစ်သတ်တာ၊ လိင်ပိုင်းဆိုင်ရာ အနိုင်ကျင့်တာ အပါအ၀င် ရက်ရက်စက်စက် သတ်ဖြတ်တာတွေ ရှိခဲ့တယ်လို့ ဆိုပြီး နံမည်တွေနဲ့ ပုံတွေနဲ့အတူ ဖော်ပြထားပါတယ်။ ဒါပေမဲ့ ဒီဖော်ပြချက်နဲ့ပတ်သက်လို့ ဗွီအိုအေ အနေနဲ့ကတော့ သီးခြား အတည်ပြုနိုင်တာ မရှိသေးပါဘူး။

မြန်မာ့အရေးထိရောက်စွာကိုင်တွယ်ဖို့ ကုလလုံခြုံရေးကောင်စီဥက္ကဋ္ဌသစ် ပြင်ဆင်

လုံခြုံရေးကောင်စီမှာ အောက်တိုဘာလ (၁)ရက်ကစပြီး ပြင်သစ်နိုင်ငံအနေနဲ့ အလှည့်ကျဥက္ကဌအဖြစ်ဆောင်ရွက်မယ့်အချိန်ကာလအတွင်း မြန်မာ့အရေးကို ဦးစားပေးဆောင်ရွက်ဖို့ရှိကြောင်း ကုလသမဂ္ဂဆိုင်ရာ ပြင်သစ်သံအမတ်ကြီး Francois Delattre က ပြောကြားလိုက်ပါတယ်။

အစောပိုင်းကတည်းက သတိပေးမှုတွေရှိခဲ့ပေမဲ့ မြန်မာနိုင်ငံမှာ လူသားချင်းစာနာမှုဆိုင်ရာ ဘေးဒုက္ခကြီး ဖြစ်ပေါ်မလာအောင် ကုလသမဂ္ဂရော လုံခြုံရေးကောင်စီပါ ဟန့်တားနိုင်ခြင်း မရှိခဲ့ဘူးလို့လည်း ပြင်သစ်သံအမတ်ကြီးက မနေ့ တနင်္လာနေ့က သတင်းထောက်တွေနဲ့ တွေ့ဆုံရာမှာ ၀န်ခံပြောကြားခဲ့ပါတယ်။မအင်ကြင်းနိုင်က အပြည့်အစုံကို ဆက်ပြီးတင်ပြမှာပါ။

အောက်တိုဘာလအတွက် အလှည့်ကျဥက္ကဌအဖြစ်ဆောင်ရွက်မယ့် ပြင်သစ်နိုင်ငံအနေနဲ့ လုံခြုံရေးကောင်စီမှာ အရေးပေးကိုင်တွယ်ဖြေရှင်းမယ့် အစီအစဉ်တွေထဲ ရခိုင်အကြံပေးကော်မရှင် ဥက္ကဌ ကိုဖီအာနန်ကို လုံခြုံရေးကောင်စီကို ဖိတ်ခေါ်ပြီး မြန်မာ့အရေး အလွတ်သဘောဆွေးနွေးဖို့ရှိကြောင်း နယူးရောက် ကုလသမဂ္ဂဌာနချုပ်မှာ တနင်္လာနေ့က ပြုလုပ်တဲ့ သတင်းထောက်တွေနဲ့ တွေ့ဆုံပွဲမှာ ကုလသမဂ္ဂဆိုင်ရာ ပြင်သစ်သံအမတ်ကြီး Francois Delattre ကအခုလိုပြောပါတယ်။

“အောက်တိုဘာလ၁၅ ရက်နေ့မတိုင်ခင် လုံခြုံရေးကောင်စီမှာမြန်မာ့အရေးအလွတ်သဘောဆွေးနွေးဖို့ရှိပါတယ်။ ဒီစည်းဝေးပွဲမှာ ရခိုင်ပြည်နယ်မြောက်ပိုင်းမှာ ဖြစ်ပျက်နေတဲ့ အခြေအနေတွေကိုသာမက ပဋိပက္ခဖြစ်ရတဲ့အခြေခံအကြောင်းရင်းနဲ့ ပတ်သက်ပြီး အားလုံးလက်ခံနိုင်မယ့် နားလည်မှု၊ သဘောတူညီမှု ရယူနိုင်ဖို့ ဆွေးနွေးကြမှာဖြစ်သလို ကိုဖီအာနန်ဦးဆောင်တဲ့ ရခိုင်အကြံပေးကောင်မရှင်ရဲ့ အကြံပြုချက်တွေကို အသေးစိတ်လေ့လာသုံးသပ်ပြီးတော့ လုံခြုံရေးကောင်စီအနေနဲ့ ဘယ်လိုအကောင်အထည်ဖေါ်နိုင်သလဲဆိုတာ ဆွေးနွေးမှာပါ။

ဒါကြောင့် မြန်မာဟာ လုံခြုံရေးကောင်စီက ဦးစားပေးဆွေးနွေးမယ့် နိုင်ငံတနိုင်ငံဖြစ်ပါတယ်။ဒါအပြင် အခြားကောင်စီအဖွဲ့ဝင်နိုင်ငံတွေနဲ့အတူ လုံခြုံရေးကောင်စီရဲ့ စိုးရိမ်မကင်းဖြစ်မှုတွေကို ဖေါ်ထုတ်ပြီး ခိုင်မာပြီး ပူးပေါင်းဆောင်ရွက်တဲ့ သဘောထားနဲ့ ညှိုနှိုင်း ဆောင်ရွက်မှာဖြစ်ပါတယ်။ ဒီလိုနည်းလမ်းနဲ့ လုပ်ဆောင်ဖို့ အရေးကြီးပြီးလိုအပ်တယ်လို့ ကျနော်တို့ယုံကြည်ပါတယ်။

သြဂုတ်လ ၂၅ ရက်နေ့က ရခိုင်ပြည်နယ်မြောက်ပိုင်းမှာ ရိုဟင်ဂျာ အကြမ်းဖက်အဖွဲ့ကနေ မြန်မာလုံခြုံရေးစခန်းတွေကို အကြမ်းဖက်ဝင်ရောက်တိုက်ခိုက်ပြီးနောက်ပိုင်း မြန်မာစစ်တပ်ကနေ ပြန်လည်နှိမ်နင်းရာမှာ ရိုဟင်ဂျာဒုက္ခသည်ပေါင်း သန်း တ၀က်နီးပါး ဘင်္ဂလားဒေ့ရ်ှနယ်စပ်ကို ထွက်ပြေးရတဲ့ အခြေအနေထိဖြစ်ပေါ်ခဲ့တာနဲ့ပတ်သက်လို့ ကုလသမဂ္ဂအပါအ၀င် နိုင်ငံတကာအသိုင်းအ၀ိုင်းက လူမျိုးတုန်းသတ်ဖြတ်မှုအဆင့်လို့ သတ်မှတ်ခဲ့ကြပါတယ်။ ဒီအပေါ်မှာ မြန်မာအစိုးရဘက်ကလည်း ပြင်းပြင်းထန်ထန် ငြင်းဆိုပယ်ချထားတာပါ။ သေချာတာကတော့ အဲဒီဒေသမှာ လူသားချင်းစာနာမှုဆိုင်ရာ ဘေးဒုက္ခကြီးဖြစ်ပေါ်နေပြီး ဒါကို ကုလသမဂ္ဂရော၊ လုံခြုံရေးကောင်စီကပါ ဟန့်တားနိုင်ခြင်းမရှိခဲ့ဘူးလို့ပြင်သစ်သံအမတ်ကြီးက ၀န်ခံပြောကြားခဲ့ပါတယ်။

“သံတမန်ရေးအရ ကြိုတင်ကာကွယ်ရာမှာ လုံခြုံရေးကောင်စီအနေနဲ့ မအောင်မြင်ခဲ့ပါဘူး။ ဒါကြောင့်မို့လို့အစောပိုင်းကတည်းက သတိပေးမှုတွေရှိခဲ့ပေမယ့် ဒီကိစ္စ ဘာကြောင့် ပျက်ကွက်ခဲ့ရသလဲဆိုတာ ကုလသမဂ္ဂအတွင်းရေးမှူးချုပ်နဲ့ အတူ အခြား နိုင်ငံတွေပါ အသေအချာဆွေးနွေးဖို့လိုပါတယ်။ဒီလိုအဖြစ်ဆိုးမျိုးဆိုက်မယ်ဆိုတဲ့ သတိပေးမှုတွေ၊ အခြေအနေတွေပြသခဲ့ပေမယ့် အကာအကွယ်မပေးနိုင်ခဲ့တဲ့အတွက် ကြေကွဲဝမ်းနည်းဖွယ်ရာ အဖြစ်ဆိုးကြီးနဲ့ ရင်ဆိုင်နေရပါတယ်။”

ဒါကြောင့်လည်း လုံခြုံရေးကောင်စီမှာ တာဝန်ရှိနေကြောင်းနဲ့ ပထမခြေလှမ်းအဖြစ် အလွတ်သဘောဆွေးနွေးတဲ့အဆင့်ပြီးတဲ့နောက်မှာ ဒုတိယခြေလှမ်းဖြစ်တဲ့ တညီတညွတ်တည်း ဆုံးဖြတ်ချက် ချမှတ်ဆောင်ရွက်နိုင်ဖို့ ဆက်လက်ဆောင်ရွက်သွားမှာဖြစ်တယ်လို့ ဖရန်ဆွာ ဒေးလာချာက ပြောပါတယ်။

“လုံခြုံရေးကောင်စီမှာ ရခိုင်အရေးကို အဓိကကျတဲ့ နိုင်ငံတွေနဲ့ အလွတ်သဘောဆွေးနွေးလိုတဲ့ အချက်က အကဲဖြတ်ရာမှာ အားလုံးလက်ခံနိုင်တဲ့ အမြင်တွေရရှဖို့၊ ပြဿနာကိုလက်တွေ့ဖြေရှင်းတဲ့နေရာမှာ အားလုံးသဘောတူနိုင်မယ့် လျာထားချက် ချပြနိုင်ဖို့ဖြစ်ပါတယ်။ ဒီပဋိပက္ခကြီး အဆုံးသတ်နိုင်ရေးအတွက် အကောင်းဆုံးနည်းလည်းဖြစ်ပါတယ်။ ဒါက ပထမခြေလှမ်းဖြစ်ပါတယ်။ ဒုတိယခြေလှမ်းကတော့ ကျနော်တို့ အမြင်အရဆိုရင် ပြတ်ပြတ်သားသား၊ ပြင်းပြင်းထန်ထန်နဲ့ တညီတညွတ်တည်း လုံခြုံရေးကောင်စီအနေနဲ့ ဆုံးဖြတ်ချက်ချမှတ်ဖို့ဖြစ်ပါတယ်။ လုံးဝလက်မခံနိုင်တဲ့ ကြေကွယ်ဖွယ်ရာ ဖြစ်ရပ်နဲ့ ပတ်သက်ပြီးတော့ တကယ်လို့ လုံခြုံရေးကောင်စီက ထိထိရောက်ရောက်လုပ်မယ်လို့ စိတ်ပိုင်းဖြတ်မယ်ဆိုရင် ဒီလမ်းကြောင်းအတိုင်းဆောင်ရွက်ရမှာဖြစ်ပါတယ်။”

လုံခြုံရေးကောင်စီမှာ ဒီတကြိမ် မြန်မာ့အရေးအလွတ်သဘောဆွေးနွေးဖို့ ပြင်သစ်နဲ့အတူ ဗြိတိန်နိုင်ငံက တောင်းဆိုခဲ့တာဖြစ်ပါတယ်။

Source : https://burmese.voanews.com

ရိုဟင်ဂျာတွေအတွက်လိုအပ်ပါက ထမင်းတနပ်လျော့စားမည်ဟု ဘင်္ဂလားဒေ့ရ်ှဝန်ကြီးချုပ်ပြော

ဘင်္ဂလားဒေ့ရှ် ကြည်း၊ ရေ၊ လေတပ်ဖွဲ့တွေ၊ ရဲ၊ အုပ်ချုပ်ရေးနဲ့ ပါတီစေနာ့ဝန်ထမ်းတွေ အနေနဲ့ ရိုဟင်ဂျာတွေ ခံစားနေရတာတွေ လျော့နည်းသက်သာသွားစေဖို့ ကြိုးစားလုပ်ကိုင်နေပြီး ရိုဟင်ဂျာတွေအတွက် လိုအပ်ရင် ထမင်းတနပ်လျော့စားမယ်လို့ ၀န်ကြီးချုပ် ရှိတ်ဟာဆီနာက ပြောကြားလိုက်ပါတယ်။

ဘင်္ဂလားဒေ့ရှ် အစိုးရအနေနဲ့ ဒုက္ခတွေ့ကြုံနေတဲ့ ရိုဟင်ဂျာတွေအတွက် အစားအစာ၊ နေစရာနဲ့ ဆေးဝါးတွေ ကူညီထောက်ပံ့ပေးနေတာနဲ့ ပတ်သက်ပြီးပြောကြားခဲ့တာလို့ ဒါကာထရီဗြူး သတင်းစာမှာဖော်ပြပါတယ်။

“ကျမတို့ လူသန်း၁၆၀လောက်ကို ကျွေးနိုင်ရင် ဆင်းရဲဒုက္ခအဖြစ်ဆုံး အချိန်ရောက်နေတဲ့  နောက်ထပ်လူ ၅သိန်းကနေ ၇သိန်းလောက်ကိုလည်း ကျွေးနိုင်ပါတယ်။ လိုအပ်မယ်ဆိုရင် ကျမတို့ တရက်မှာ ထမင်းတနပ်ပဲစားပြီး ကျန်တဲ့တစ်နပ်ကိုတော့ ဒီလိုဒုက္ခသုတ်ခရောက်နေ သူတွေ မျှဝေပေးမယ်”လို့ ၀န်ကြီးချုပ် ရှိတ်ဟာဆီနားက Ritz Carlton ဟိုတယ်မှာ အမေရိကန် ပြည်ထောင်စု ပြည်နယ်အသီးသီးက သူ့ပါတီခေါင်းဆောင်တွေနဲ့ အမြင်ချင်းဖလှယ်ရာမှာ ပြောကြားခဲ့တာလို့ ဆိုပါတယ်။

ဘင်္ဂလားဒေ့ရ်ှနိုင်ငံဟာ မချမ်းသာပေမယ့် နှလုံးသားရှိတယ်၊ သူတို့ဟာ လူသားတွေ ဖြစ်ကြပြီး သူတို့ကို ဘင်္ဂလားပင်လယ်အော်ထဲကို ပစ်ချလို့မရဘူးလို့ လည်း ပြောပါတယ်။

ဝန်ကြီးချုပ် ရှိတ်ဟာဆီးနားဟာ အမေရိကန်ပြည်ထောင်စု နယူးယောက်မှာ ကျင်းပတဲ့ ၇၂ ကြိမ်မြောက် ကုလသမဂ္ဂအထွေထွေညီလာခံမှာ မိန့်ခွန်းမပြောကြားခင် နယ်စပ် ကော့စ်ဘဇားမှာ ရှိတဲ့ ဒုက္ခသည်စခန်းကိုသွားရောက်ခဲ့ပါတယ်။

ရခိုင်ပြည်နယ်ကနေ နယ်စပ်ဖြတ်ကျော် ဘင်္ဂလားဒေ့ရ်ှဘက်ပြေးသူတွေကိစ္စဆွေးနွေးဖို့  နိုင်ငံတော် အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေခေါင်းဆောင်တဲ့ ကိုယ်စားလှယ်အဖွဲ့ ဘင်္ဂလားဒေ့ရ်ှနိုင်ငံမှာ ရောက်ရှိနေပြီး ဘင်္ဂလားဒေ့ရှ် နိုင်ငံခြားရေးဝန်ကြီးနဲ့ တွေ့ဆုံဆွေးနွေးနေပါတယ်။

Source : http://burmese.dvb.no