Civil Rights Movement

Civil Rights Movement

Myanmar

now browsing by category

 

လုံခြုံရေးကောင်စီ ရခိုင်အရေးဆွေးနွေး

မြန်မာနိုင်ငံ၊ ရခိုင်ပြည်နယ်က အခြေအနေအရပ်ရပ်နဲ့ပတ်သက်ပြီး ကုလသမဂ္ဂလုံခြုံရေးကောင်စီမှာ စက်တင်ဘာ လ ၂၈ ရက်၊ ကြာသပတေးနေ့က တံခါးဖွင့်အစည်းအဝေးတခုလုပ်ခဲ့ပါတယ်။ ဒီအစည်းအဝေးအတွင်း အတွင်းရေးမှူးချုပ်က ကောင်စီကို အစီရင်ခံတင်ပြသလို လုံခြုံရေးကောင်စီအဖွဲ့ဝင် နိုင်ငံတွေကလဲ ရခိုင်ပြည်နယ်အခြေအနေနဲ့ပတ်သက်ပြီး သူတို့ရဲ့ စိုးရိမ်ချက်တွေနဲ့ မြန်မာအစိုးရကို တိုက်တွန်း တောင်းဆိုတာတွေကို အသီးသီးပြောသွားကြပါတယ်။ ဒီပြောဆိုချက်တချို့ကို ကောက်နုတ်စုစည်းပြီး ကိုကျော်ကျော်သိန်းက ဆက်ပြောပြပါမယ်။

မြန်မာ့အရေး လုံခြုံရေးကောင်စီ အစည်းအဝေးအဖွင့်မှာ ရခိုင်ပြည်နယ်က အခြေအနေတွေနဲ့ပတ်သက်ပြီး ကုလသမဂ္ဂ အတွင်းရေးမှူးချုပ် António Guterres က အရင်ဆုံး အစီရင်ခံတင်ပြတဲ့ထဲ သြဂုတ်လ ၂၅ ရက်နေ့မှာ Arakan Rohingya Salvation Army က မြန်မာလုံခြုံရေးတပ်ဖွဲ့တွေကို တိုက်ခိုက်ခဲ့ပြီးကတည်းကဆိုရင် လက်ရှိအခြေအနေဟာ တဖြည်းဖြည်းချင်း ယိုယွင်းလာနေတဲ့အကြောင်းနဲ့ အဲဒီလိုတိုက်ခိုက်တာကို သူ့အနေနဲ့ ပြစ်တင်ရှုတ်ချတယ်ဆိုတာ ထပ်ပြီး ပြောသွားပါတယ်။

အဲဒီအချိန်ကတည်းကစလို့ ဒုက္ခသည်အရေးပေါ်အခြေအနေ၊ လူသားဘေးဒုက္ခနဲ့ လူ့အခွင့်အရေးဆိုင်ရာ ဆိုးရွားတဲ့အခြေအနေ တခုအဖြစ် ကမ္ဘာပေါ်မှာ အလျင်မြန်ဆုံးနှုန်းနဲ့ ပြောင်းလဲ ဖြစ်ပေါ်လာတယ်လို့ အတွင်းရေးမှူးချုပ်က ထောက်ပြပါတယ်။ အဲဒီ နောက် မြန်မာအာဏာပိုင်တွေအနေနဲ့ လုပ်ငန်းစဉ်သုံးခုကို ချက်ခြင်းလက်ငင်းလုပ်ဆောင်ဖို့ သူက တောင်းဆိုသွားပါတယ်။

“မြန်မာအာဏာပိုင်တွေအနေနဲ့ ဒီခြေလှမ်း၃ ရပ်ကို ချက်ချင်းအရေးယူဆောင်ရွက်ဖို့ ကျနောဆက်လက်တိုက်တွန်းပါတယ်။ ပထမက စစ်ဆင်ရေးတွေကို အဆုံးသတ်ဖို့၊ ဒုတိယအချက်အနေနဲ့ လူသားချင်းစာနာမှု အထောက်အကူတွေကို အဟန့်အတားကင်းရှင်းစွာ ပေးနိုင်ခွင့်ပြုဖို့ ၊ တတိယက ဒုက္ခသည်တွေကို ဘေးကင်းစွာ မိမိတို့သဘောအလျောက် ဂုဏ်သိက္ခာရှိရှိနဲ့ လုံလောက်တဲ့ အချိန်တွေ ပေးပြီးတော့ သူတို့ရဲ့ နေရင်းအရပ်တွေကို ပြန်ခွင့်ရရေး အာမခံဖို့ ဖြစ်ပါတယ်။”

ကုလသမဂ္ဂဆိုင်ရာ ဗြိတိန်သံအဖွဲ့ရဲ့ ဒုတိယအမြဲတမ်းကိုယ်စားလှယ် Jonathan Allen က မြန်မာအာဏာပိုင်တွေအနေနဲ့ လက်ရှိ ပြဿနာကိုဖြေရှင်းရာမှာ သမိုင်းအမှန်ဘက်က ရပ်တည်ပြီး ဖြေရှင်းမလား၊ လုံခြုံရေးကောင်စီက အရေးယူလုပ်ဆောင်တာကို ရင်ဆိုင်မလားဆိုတာ မြန်မာအာဏာပိုင်တွေကို မေးခွန်းထုတ်သွားပါတယ်။

“ဗြိတိန်နိုင်ငံအနေနဲ့ မြန်မာနိုင်ငံနဲ့ မြန်မာပြည်သူတရပ်လုံးအကျိုးကို အလေးထားဖို့ သန္နိဌာန် ခိုင်မာပါ တယ်။ နိုင်ငံတကာ လူ့အဖွဲ့အစည်းမှာ မြန်မာနိုင်ငံကို အောင်မြင်စေချင်ပါတယ်။ ဒါ့ကြောင့်လဲ ဒီနေ့ လုံခြုံရေးကောင်စီမှာ ပွင့်ပွင့် လင်းလင်းပဲ တင်ပြခဲ့တာဖြစ်ပါတယ်။ လက်ရှိ ပဋိပက္ခဟာ နိုင်ငံတကာ မျက်နှာစာမှာ မြန်မာနိုင်ငံရဲ့ ဂုဏ်သိက္ခာအပြင် မြန်မာ ခေါင်းဆောင်တွေနဲ့ မြန်မာစစ်တပ်အပေါ် အရိပ်မဲကြီး ထင်စေတာ ဖြစ်ပါတယ်။ မြန်မာအာဏာပိုင်တွေအနေနဲ့ သမိုင်းမှာ ဘယ်လို ရပ်တည်မလဲဆိုတာ အဆုံးအဖြတ်ပေးကြရမယ့် အချိန်ရောက်ပါပြီ။”

“အကြမ်းဖက်မှုကို အဆုံးသတ်ပြီး အရပ်သားတွေကို အကာကွယ်ပေးတာ၊ လူ့အခွင့်အရေးကို စောင့်ရှောက်ကာကွယ်မလား လူသားချင်းစာနာမှု အထောက်အကူကို ကုလသမဂ္ဂအပါအဝင် အဖွဲ့အစည်းတွေကို အကူအညီပေးခွင့်ပြုမလား။ ဒုက္ခသည်တွေ နေရပ်ရင်းပြန်နိုင်ဖို့ ဘင်္ဂလားဒေ့ရ်ှနဲ့ ပူးပေါင်းဆောင်ရွက်မလား၊ လက်ရှိပြဿနာ အဖြေရှာဖို့ ကိုဖီအာနန်အကြံပေးကော်မရှင်ရဲ့ တိုက်တွန်းချက်တွေကို လိုက်နာမလား … ဒီအချက်တွေကို ဖေါ်ဆောင်ဖို့ ငြင်းနေမယ်ဆိုရင် မြန်မာနိုင်ငံဟာ လမ်းမှားဘက်မှာ ရပ်တည်တဲ့ နိုင်ငံအဖြစ် သမိုင်းအတင်ခံရမှာ ဖြစ်ပါတယ်။ ဒီလို ဖြစ်ခဲ့ရင် လုံခြုံရေး ကောင်စီအနေနဲ့ ဆက်လက်အရေးယူဖို့ အဆင်သင့် ဖြစ်ရပါမယ်။”

ကုလသမဂ္ဂဆိုင်ရာ အမေရိကန်သံအမတ်ကြီး Nikki Haley ကတော့ နှိပ်စက် ညှဉ်းပန်း သတ်ဖြတ်မှုကျူးလွန်သူတွေကို အရေး ယူဖို့၊ မြန်မာစစ်ဘက်ကို လက်နက်ခဲယမ်း ရောင်းချတာတွေ ရပ်ထားဖို့ တောင်းဆိုသွားပါတယ်။

“လက်ရှိပဋိပက္ခကိုဖြေရှင်းဖို့ အရေးယူဆောင်ရွက်ရမယ့် ခြေလှမ်းတွေက ရှင်းပါတယ်။ ပထမက မြန်မာစစ်တပ်အနေနဲ့ လူ့အခွင့်အရေးနဲ့ အခြေခံလွတ်လပ်ခွင့်တွေကို လေးစားလိုက်နာရပါမယ်။ ချိုးဖောက်မှုတွေ ကျူးလွန်ခဲ့ကြသူတွေကို ချက်ချင်းတာဝန်ကနေရပ်ဆိုင်းပြီး သူတို့ကျူးလွန်ခဲ့တဲ့ အမှုတွေအတွက်လည်း ဥပဒေအရ သူတို့ကို အရေးယူကြရမှာဖြစ်ပါတယ်။ ဒါအပြင် မြန်မာစစ်တပ်ကို လက်ရှိလက်နက်ရောင်းချနေတဲ့ နိုင်ငံမှန်သမျှလည်း စစ်တပ်က ကျူးလွန်ခဲ့တဲ့ ပြစ်မှုတွေအပေါ် အရေးယူမှုတွေ ပြီးစီးတဲ့အထိ လက်နက်ရောင်းချမှုအားလုံးတို့ကို ဆိုင်းငံ့ရပါမယ်။“

ဗြိတိန်နဲ့အမေရိကန်တို့ ပြောသွားတဲ့ထဲမှာ လက်ရှိအခြေအနေနဲ့ပတ်သက်လို့ မြန်မာအစိုးရပိုင်နဲ့ စစ်ဘက်ပိုင် သတင်းမီဒီယာ တွေကနေ ထုတ်လွှင့် ဖော်ပြနေတာတွေကို ထောက်ပြ ဝေဖန်သွားသလို အဲဒါတွေကို ရပ်ဖို့လဲ တောင်းဆိုသွားပါတယ်။

အစည်းအဝေးတက်ရောက်တဲ့ တရုတ်သံအဖွဲ့ရဲ့ကိုယ်စားလှယ်က ဘင်္ဂလားဒေ့ရ်ှက လုပ်ဆောင်နေတာကို ချီးကျူးသွားသလို မြန်မာအစိုးရက အပြည်ပြည်ဆိုင်ရာ ကြက်ခြေနီအဖွဲ့ ICRC အပါအ၀င် တခြားနိုင်ငံတကာအဖွဲ့အစည်းတွေနဲ့ ပူးပေါင်းလုပ်ဆောင် နေတာကိုလဲ ကြိုဆိုတယ်လို့ပြောပြီး

“မွတ်စလင် လူဦးရေအများအပြား ဘင်္ဂလားဒေ့ရ်ှဘက် ထွက်ပြေးခိုလှုံတာကို စနစ်တကျ ကိုယ်တွယ်ဖြေရှင်းနိုင်ရေး အတွက် ဒီနှစ်နိုင်ငံအကြား ဆွေးနွေးပြောဆိုတာနဲ့ ဆက်သွယ်တာကို နိုင်ငံတကာအသိုင်းအ၀ိုင်းအနေနဲ့ အားပေး ထောက်ခံသင့် ပါတယ်။”

လက်ရှိအခြေအနေကို ကိုင်တွယ်ဖြေရှင်းတာနဲ့ ဆန်းစစ်လေ့လာတဲ့နေရာမှာ ထိန်းထိန်းသိမ်းသိမ်းရှိဖို့နဲ့ မျှမျှတတရှိဖို့ သက်ဆိုင်သူ တွေကိုရော ပြင်ပက ပတ်သက်နေသူတွေကိုပါ တောင်းဆိုပါတယ်လို့ ရုရှားသံအမတ်ကြီး Vasily Nebenzya က ရုရှားဘာသာ စကားနဲ့ပြောပြီး အင်္ဂလိပ်ဘာသာနဲ့ စကားပြန်က ပြောပေးပါတယ်။

“အစုလိုက်အပြုံလိုက် သတ်ဖြတ်မှုနဲ့ လူမျိုးတုံးသတ်ဖြတ်မှုဆိုတဲ့ ဝေါဟာရတွေကို သုံးစွဲပြောဆိုတာမှာ သိပ်ကို သတိထားဖို့လိုပါတယ်။ ဒီခက်ခဲပြီး ရှုပ်ထွေးတဲ့ကိစ္စကို အပြန်အလှန်လေးစားမှုပေါ်အခြေခံပြီး ဖြေရှင်းဖို့ ကြိုးစားတာမှာ မြန်မာနဲ့ ဘင်္ဂလားဒေ့ရ်ှအစိုးရတွေကို လက်တွေ့အကူအညီပေးရေးကိစ္စ အာရုံစိုက်ဖို့လိုပါတယ်။ ဘယ်လို အကြမ်းဖက်လုပ်ရပ်မျိုးကိုမဆို၊ အခြေအနေကို မီးထိုးပေးမယ့် ဘယ်လိုအပြောအဆိုမျိုးကိုမဆို ဘယ်ဖက်ကမှ မလုပ်အောင် ကျနော်တို့ တားဆီးဖို့လိုပါတယ်။” လို့ ရုရုရှားသံအမတ်ကြီးက ပြောသွားပါတယ်။

ဒီလုံခြုံရေးကောင်စီအစည်းအဝေးကို မြန်မာအစိုးရကိုယ်စား တက်ရောက်ခဲ့တဲ့ မြန်မာနိုင်ငံ၊ အမျိုးသားလုံခြုံရေးဆိုင်ရာ အကြံပေး ပုဂ္ဂိုလ် ဦးသောင်းထွန်းက တုံ့ပြန်ပြောဆိုတဲ့ထဲမှာ နိုင်ငံတကာအသိုင်းအ၀ိုင်းရဲ့ စိုးရိမ်ချက်တွေကို နားလည်တဲ့အကြောင်း ဦးစား ပေးပြောသွားပါတယ်။ အဲဒီနောက် ARSA အကြမ်းဖက်အဖွဲ့ရဲ့ တိုက်ခိုက်မှုကြောင့် တခြားလူမျိုးစုတွေ ထိခိုက် သေကျေရတာ တွေကို ထောက်ပြသွားပြီး အကြမ်းဖက်ဝါဒကို ပြစ်တင်ရှုတ်ချသွားပြီးတော့ ကုလသမဂ္ဂအတွင်းရေးမှူးချုပ်နဲ့ ကျန်တဲ့ ကိုယ်စားလှယ်အဖွဲ့တွေက ပြစ်တင်ရှုတ်ချကြောင်း ပြောဆိုတာကိုလဲ ကြိုဆိုကြောင်း ပြောသွားသလို –

“မြန်မာနိုင်ငံမှာ လူမျိုးတုံးသတ်ဖြတ်မှုဆိုတာမရှိဘူး၊ အစုလိုက်အပြုံလိုက် သတ်ဖြတ်မှုမရှိဘူးဆိုတာ ကျနော်အလေးထား ပြောလိုပါတယ်။ လူမျိုးတုံးသတ်ဖြတ်မှု၊ အစုလိုက်အပြုံလိုက် သတ်ဖြတ်မှုဆိုတာတွေဟာ သိပ်ကိုပြင်းထန်တဲ့ စွဲချက်တွေဖြစ်ပြီး ပေါ့ပေါ့တန်တန် မသုံးစွဲသင့်ပါဘူး။ ရခိုင်ပြည်မှာဖြစ်နေတာကို ဥပဒေနဲ့အညီ အရင်သုံးသပ်တာမျိုး၊ တရားရုံးက ဆန်းစစ်လေ့လာတာမျိုးမလုပ်ဘဲ လူမျိုးတုံး သတ်ဖြတ်မှုအဖြစ် သတ်မှတ်ပြီး မိမိတို့ရဲ့အမြင်ကို စိတ်ခံစားချက်က လွှမ်းမိုး စေမယ်ဆိုရင် ဒါဟာ ကျနော်တို့ခေတ်ရဲ့ ၀မ်းနည်းဖွယ်မှတ်ချက်စကား ဖြစ်သွားပါမယ်။”

လူ့အခွင့်အရေးချိုးဖောက်မှုအားလုံး၊ အကြမ်းဖက်လုပ်ရပ်အားလုံးကို ပြစ်တင်ရှုတ်ချကြောင်း၊ စစ်ဆင်ရေးတွေ လုပ်ဆောင်တာမှာ လုံခြုံရေးတပ်ဖွဲ့တွေအနေနဲ့ လိုက်နာလုပ်ဆောင်ရမယ့် ပြဌာန်းချက်တွေနဲ့အညီ အတိအကျ လိုက်နာလုပ်ဆောင်ဖို့ ညွှန်ကြားထား ကြောင်း နိုင်ငံတော်အတိုင်ပင်ခံပုဂ္ဂိုလ်က ပြောထားတာကိုလဲ ဦးသောင်းထွန်းက ထပ်ပြောသွားပါတယ်။

ဘင်္ဂလားဒေ့ရ်ှနိုင်ငံဘက် ထွက်ပြေးသွားသူတွေကို ပြန်လည်စိစစ်လက်ခံရေး လုပ်ငန်းစဉ်ကို အချိန်မရွေး စတင်ဖို့ ပြင်ဆင်ထားပြီး ဖြစ်တဲ့အကြောင်း၊ ဒီကိစ္စမှာ ဘင်္ဂလားဒေ့ရ်ှနိုင်ငံနဲ့ အရင်က ပူးပေါင်းဆောင်ရွက်ဖူးသလို အခုလဲ ပူးပေါင်းဆောင်ရွက်မှာ ဖြစ်ကြောင်း ဦးသောင်းထွန်းက အလေးထား ပြောသွားသလို ကိုဖီ အာနန်ကော်မရှင်ရဲ့ အကြံပေးချက်တွေကို အကောင်အထည် ဖော်ဖို့လုပ်နေတာကိုလဲ ပြောသွားပါတယ်။

အဆုံးမှာတော့ နိုင်ငံတကာအသိုင်းအ၀ိုင်းအနေနဲ့ ပူးပေါင်းဆောင်ရွက်ဖို့ လိုတယ်ဆိုတာကို ဦးသောင်းထွန်းက အထူးအလေးထား ပြီး ထောက်ပြ ပြောဆိုသွားပါတယ်။

“ကျနော်တို့နိုင်ငံရဲ့ နုနယ်သေးတဲ့ ဒီမိုကရေစီနိုင်ငံအတွက် အခုလိုအရေးကြီးတဲ့အချိန်မျိုးမှာ ဒီမိုကရေစီ အခိုင်အမာ အမြစ်တွယ်ပြီး ရခိုင်ပြည်နယ်သာမက မြန်မာတနိုင်ငံလုံးကို ငြိမ်းချမ်း၊ တည်ငြိမ်၊ ဖွံ့ဖြိုးအောင် တည်ဆောက်တဲ့နေရာ မှာ နိုင်ငံတကာအသိုင်းအ၀ိုင်းအနေနဲ့ ကျနော်တို့နဲ့အတူတကွ ပူးပေါင်းဆောင်လုပ်ဖို့ သိပ်ကို အရေးကြီးပါတယ်။ ဒီနည်းလမ်းသာ လျှင် ရခိုင်ပြည်နယ်က ပြဿနာကို ကျနော်တို့ဖြေရှင်းနိုင်မယ့် တခုတည်းသောနည်းလမ်းဖြစ်ပါတယ်။”

လာမယ့်တနင်္လာနေ့မှာ မြန်မာနိုင်ငံအခြေစိုက် နိုင်ငံတကာသံတမန်တွေ ရခိုင်ပြည်နယ်မြောက်ပိုင်းမှာ ကိုယ်တိုင်လေ့လာဖို့ အစိုးရ ကစီစဉ်ထားတာကို ဦးသောင်းထွန်းကပြောသွားသလို ကုလသမဂ္ဂအတွင်းရေးမှူးချုပ်နဲ့ လက်ထောက်အတွင်းရေးမှူးချုပ်တို့ ကိုယ်တိုင် မြန်မာနိုင်ငံကိုလာရောက်ဖို့လဲ ဖိတ်ကြားခဲ့ပါတယ်။

ဘင်္ဂလားဒေ့ရ်ှသံအမတ်ကြီး Masud Bin Momen ရဲ့ ပြောဆိုချက်တွေထဲမှာတော့ ရခိုင်ပြည်နယ်မြောက်ပိုင်းမှာ ကျန်နေတဲ့ ရိုဟင်ဂျာတွေကို အပြည့်အ၀ အကာအကွယ်ပေးဖို့အတွက် မြန်မာနိုင်ငံထဲမှာ ကုလသမဂ္ဂကကြီးကြပ်တဲ့ ဘေးကင်းလုံခြုံရေးဇုံ သတ်မှတ်ပေးဖို့ ထည့်ပြောသွားပါတယ်။

ဒါ့အပြင် ထွက်ပြေးသွားသူတွေကို ပြန်လည် စိစစ်လက်ခံရေးကိစ္စ ဘင်္ဂလားဒေ့ရ်ှရဲ့သဘောထားကို ပြောသွားတာမှာတော့

“ဒီကိစ္စအတွက် နိုင်ငံတကာလေ့လာသူတွေရှေ့မှာ ပူးတွဲ စိစစ်တာကို ဘင်္ဂလားဒေ့ရ်ှက ပိုပြီး လိုလားပါတယ်။ နေအိမ်တွေကနေ ထွက်ပြေးခဲ့ရတဲ့ မြန်မာနိုင်ငံသားတွေ သူတို့ရဲ့မူရင်းနေရာတွေဆီကို ဘေးကင်းစွာ၊ လုံခြုံစွာနဲ့ ဂုဏ်သိက္ခာရှိစွာ ပြန်သွားရသင့်ပါတယ်။ ကျနော်တို့ဝန်ကြီးချုပ်က ကုလသမဂ္ဂအထွေထွေညီလာခံမိန့်ခွန်းမှာ ပြောခဲ့တာကို ဒီနေရာမှာ ကျနော် ပြန်ပြီး ကိုးကားပြောပြချင်ပါတယ်။ ဒီအကျပ်အတည်းဟာ မြန်မာနိုင်ငံမှာ အကြောင်းရင်းခံပြုတာဖြစ်ပြီး ဖြေရှင်းရမယ့်နည်းလမ်း ကိုလဲ မြန်မာနိုင်ငံမှာပဲ ရှာဖွေရမှာပဲဖြစ်ပါတယ်။”

အစည်းအဝေးအတွင်း ပြောသွားကြတဲ့ သံတမန်တွေအကုန်လုံးက ဘင်္ဂလားဒေ့ရ်ှနိုင်ငံရဲ့ လုပ်ဆောင်ချက်တွေကို ချီးကျူးပြောဆို သွားကြသလို နောက်ထပ်အကူအညီတွေ လိုအပ်နေတာကိုလဲ ထောက်ပြပြောသွားကြပါတယ်။ သံတမန်အားလုံးနီးပါး ဘုံတူညီ စွာပြောသွားတာကတော့ တိုက်ခိုက်တာတွေကိုရပ်ဆိုင်းဖို့၊ လူသားချင်းစာနာမှုအကူအညီတွေ အကန့်အသတ်မရှိ ပေးခွင့်ပြုဖို့နဲ့ အိုးအိမ်စွန့်ထွက်ပြေးသွားသူတွေကို ကိုယ့်သဘောနဲ့ကိုယ် ဘေးကင်းလုံခြုံဂုဏ်သိက္ခာရှိစွာ နေရပ်ပြန်ခွင့်ပြုဖို့ ဆိုတာတွေပဲ ဖြစ်ပါ တယ်။ ဒါ့အပြင် မြန်မာအစိုးရအနေနဲ့ ဘင်္ဂလားဒေ့ရှ်၊ အာဆီယံ၊ ကုလသမဂ္ဂအပါအ၀င် နိုင်ငံတကာအသိုင်းအ၀ိုင်းနဲ့ ပူးပေါင်း ဆောင်ရွက်ဖို့၊ ကိုဖီ အာနန်ကော်မရှင်ရဲ့ အကြံပေးချက်တွေကို အမြန်ဆုံး အကောင်အထည်ဖော်ဖို့ကိုလဲ တိုက်တွန်းသွားပါတယ်။

လုံခြုံရေးကောင်စီရဲ့ အောက်တိုဘာလ အလှည့်ကျဥက္ကဌက ပြင်သစ်နိုင်ငံဖြစ်ပြီး အောက်တိုဘာလ ၁ ရက်နေ့မှာ အလှည့်ကျ ဥက္ကဌတာဝန်စယူတာနဲ့ ရခိုင်အရေး အကြံပေးကော်မရှင်ဥက္ကဌ ကုလသမဂ္ဂအတွင်းရေးမှူးချုပ်ဟောင်း Kofi Annan ကို ဖိတ်ခေါ် ပြီး ရခိုင်အရေး ထပ်ပြီး ပြောဆိုမယ့်အကြောင်း ပြင်သစ်သံအမတ်ကြီး François Delattreကလဲ ပြောသွားပါတယ်။

လုံခြုံရေးကောင်စီအဖွဲ့ဝင် ၁၅ နိုင်ငံထဲမှာ အမြဲတမ်းအဖွဲ့ဝင် ငါးနိုင်ငံထဲက ပြင်သစ်၊ ဗြိတိန်နဲ့ အမေရိကန်၊ အလှည့်ကျအဖွဲ့ဝင်နိုင်ငံ တွေထဲက အီဂျစ်၊ ကာဇက်စတန်၊ ဆီနီဂေါလ်နဲ့ ဆွီဒင် စုစုပေါင်း ၇ နိုင်ငံက တောင်းဆိုတာကြောင့် ကုလသမဂ္ဂအတွင်းရေးမှူးချုပ် က မြန်မာနိုင်ငံအခြေအနေကို အခုလို အစီရင်ခံတင်ပြပြီး ဆွေးနွေးကြတာပါ။

သြဂုတ်လ ၂၅ ရက်နေ့က ရခိုင်ပြည်၊ နယ်ခြားစောင့် ရဲကင်းနဲ့ စစ်တပ်စခန်းတွေကို မြန်မာအစိုးရက အကြမ်းဖက်အုပ်စုအဖြစ် သတ်မှတ်ထားတဲ့ ARSA ရိုဟင်ဂျာအဖွဲ့က တိုက်ခိုက်ပြီး တဲ့နောက်ပိုင်း တပ်မတော်က စစ်ဆင်ရေးတွေလုပ်ခဲ့ပါတယ်။ နောက်ဆက်တွဲအဖြစ် ရာပေါင်းများစွာသောလူတွေ သေဆုံးတာ၊ ဘင်္ဂလားဒေ့ရ်ှနိုင်ငံဘက်ကို ဒုက္ခသည်တွေ ထွက်ပြေးတာ၊ လူ့အခွင့်အရေးချိုးဖောက်မှုဆိုင်ရာ စွပ်စွဲချက်တွေ ထွက်လာတာ စတဲ့ အခြေအနေတွေနဲ့အတူ နိုင်ငံတကာက ဝေဖန်ပြောဆိုတာ တွေ မြင့်တက်နေချိန်မှာပဲ အခုလို လုံခြုံရေးကောင်စီမှာ မြန်မာ့အရေး တံခါးဖွင့်ဆွေးနွေးကြတာဖြစ်ပါတယ်။

Source : https://burmese.voanews.com

လူမျိုးအမည် မပါဝင်လို့ မှတ်ပုံတင်ဖို့ ဒုက္ခသည်များ ငြင်းဆန်

ရခိုင်ပြည်နယ်မှာ မကြာခင်က ဖြစ်ပွားခဲ့တဲ့ အကြမ်းဖက် ပဋိပက္ခတွေကြောင့် နေရပ်က စွန့်ခွာထွက်ပြေးပြီး ဘင်္ဂလားဒေ့ရ်ှနိုင်ငံတွင်းက ဒုက္ခသည်စခန်းတွေကို ရောက်ရှိလာခဲ့ကြသူတွေကို တာဝန်ရှိသူတွေက မှတ်ပုံတင်စာရင်းသွင်းရေးလုပ်ငန်း ဆောင်ရွက်တဲ့အခါ လူမျိုးအမည် မပါဝင်တာနဲ့ ပတ်သက်ပြီး ဒုက္ခသည်တချို့က မှတ်ပုံတင်ဖို့ လက်မခံ ငြင်းဆန်ခဲ့ကြတယ်လို့ AFP သတင်းက ဖေါ်ပြပါတယ်။

ဘင်္ဂလားဒေ့ရှ် အာဏာပိုင်တွေက ဒုက္ခသည်အဖြစ် မှတ်ပုံတင်ကဒ်ပြားတွေ ထုတ်ပေးတဲ့အခါ ကဒ်ပြားပေါ်က နိုင်ငံသားအဖြစ် ဖြည့်စွက်ရမည့်နေရာသာပါပြီး လူမျိုးအဖြစ် ဖြည့်စွက်ရမယ့်နေရာ မပါဝင်တဲ့အတွက် မှတ်ပုံတင်ဖို့ ငြင်းဆိုခဲ့ကြတာလို့ သိရပါတယ်။

အသစ်ရောက်ရှိလာတဲ့ ဒုက္ခသည် ၅ သိန်းနီးပါးကို မှတ်ပုံတင်ကိစ္စ ဆောင်ရွက်ပေးနေရာမှာ အခုထိ မှတ်ပုံတင်ပြီးသူ နှစ်သောင်းလေးထောင်လောက် ရှိတယ်လို့ ဒုက္ခသည်အဖြစ် အသိအမှတ်ပြုကဒ်ပြားရဲ့ လူမျိုးနေရာမှာ မြန်မာနိုင်ငံသားအဖြစ်ဖေါ်ပြဖို့ ဘင်္ဂလာေးဒ့ရှ် အစိုးရ က ဆုံးဖြတ်ထားပေမယ့် ဒုက္ခသည်တချို့က နိုင်ငံသားဆိုတာထက် ရိုဟင်ဂျာလူမျိုးအဖြစ် ထည့်သွင်း စေချင်ကြတယ်လို့ တာဝန်ရှိသူတွေကပြောပါတယ်။

ဘင်္ဂလားဒေ့ရှ် အရာရှိတစ်ဦးကတော့ ဒုက္ခသည်ကဒ်ပြားမှာ လူမျိုးအမည် မထည့်သွင်းတာဟာ နိုင်ငံတကာစံနှုန်းနဲ့အညီဖြစ်အောင် အစိုးရက ဆောင်ရွက်ထားတာဖြစ်ကြောင်းပြောပါတယ်။

Source : RFA Burmese

ရိုဟင်ဂျာပဋိပက္ခ အမြန်အဖြေရှာရေး ကန်အောက်လွှတ်တော်ကော်မတီဆွေးနွေး

မြန်မာနိုင်ငံ၊ ရခိုင်ပြည်နယ်ကအခြေအနေတွေနဲ့ ဘင်္ဂလားဒေ့ရ်ှနိုင်ငံဘက် ထွက်ပြေးနေတဲ့ ဒုက္ခသည်တွေအရေးနဲ့ ပတ်သက်ပြီး ဗုဒ္ဓဟူးနေ့က အမေရိကန်အောက်လွှတ်တော်၊ နိုင်ငံခြားရေးရာကော်မတီမှာ ကြားနာပွဲတခုလုပ်ခဲ့ပါတယ်။ လက်ရှိ အခြေအနေနဲ့ပတ်သက်ပြီး ကော်မတီဝင် လွှတ်တော်အမတ်တွေက သုံးသပ်ပြောဆိုကြသလို ကြားနာပွဲမှာ တက်ရောက် တင်ပြသူတွေကလဲ သူတို့သိရှိထားတာတွေကို အစီရင်ခံ တင်ပြကြပါတယ်။ အပြည့်အစုံကို ကိုကျော်ကျော်သိန်းက ပြောပြပါမယ်။

အောက်လွှတ်တော် နိုင်ငံခြားရေးရာကော်မတီမှာ ၂ နာရီနီးပါးကြာ ကြားနာပွဲတခုလုပ်ခဲ့တာ ဖြစ်ပြီး လက်ရှိ ရခိုင်ပြည်နယ်က အခြေအနေတွေနဲ့ ဖြစ်ရပ်တွေကို လွှတ်တော်အမတ်တွေနဲ့ တက်ရောက်အစီရင်ခံသူတွေက အကျယ်တ၀ံ့ ပြောဆို မေးမြန်း တင်ပြခဲ့ကြတာပါ။

ကော်မတီဥက္ကဌ အောက်လွှတ်တော်အမတ် Ed Royce က ပြောသွားတာမှာ –

“ရိုဟင်ဂျာမူစလင်တွေနဲ့ တခြား လူနည်းစုတွေကို မြန်မာအစိုးရက အပြင်းအထန် ရက်ရက် စက်စက် ပြုမူနေတာ ခွင့်ပြုထားလို့မဖြစ်နိုင်ပါဘူး။ အမေရိကန်ပြည်ထောင်စုအနေနဲ့ မြန်မာနိုင်ငံနဲ့ ဆက်ဆံရေးမှာ ရိုဟင်ဂျာအရေးနဲ့ လူ့အခွင့်အရေးကို ဦးစားပေးကိစ္စတွေအဖြစ် သတ်မှတ်ရပါမယ်။ အကြမ်းဖက်အခြေအနေတွေကို ရပ်ပစ်ဖို့အတွက် ကျနော်တို့ လုပ်နိုင်သမျှ နည်းလမ်းတွေအကုန်လုံးကို အသုံးပြုသင့်ပါတယ်။”

မြန်မာနိုင်ငံနဲ့ပတ်သက်ပြီး အရင် အမေရိကန်သမ္မတတွေလက်ထက်က ပြဌာန်းသွားတဲ့ ဥပဒေ တွေ၊ အမိန့်ကြေညာစာတွေဟာ မြန်မာနိုင်ငံကပြဿနာတွေကို ကိုင်တွယ်ဖြေရှင်းတာမှာ အသင့်တော်ဆုံးနည်းလမ်း မဟုတ်ခဲ့ဘူးလို့ The Heritage Foundation၊ အာရှရေးရာ လေ့လာမှုဌာနက ညွှန်ကြားရေးမှူး Walter Lohman က ထောက်ပြပြီး အမေရိကန်ကွန်ဂရက် လွှတ်တော်အနေနဲ့ လုပ်ဆောင်သင့်တာတွေကိုတင်ပြတာမှာ နှစ်နိုင်ငံကြား စစ်ဘက်ဆက်ဆံ ရေး ပုံမှန်ပြန်ဖြစ်အောင် နောက်ထပ်မလုပ်ဖို့ အကြံပြု တင်ပြသွားပါတယ်။

“မြန်မာစစ်ဘက်ကို အကြံပေးဖို့၊ သင်ကြားပေးဖို့၊ လေ့ကျင့်ပေးဖို့ ကာကွယ်ရေးဌာနကို ခွင့်ပြု ထားတဲ့ ၂၀၁၈ ခုနှစ်၊ National Defense Authorization Act (NDAA) ပါ ပြဌာန်းချက်တွေ ကိုဖယ်ရှားဖို့ အထက်လွှတ်တော်အမတ် ဂျွန် မက်ကိန်းက ဆုံးဖြတ်ခဲ့တာဟာ မှန်ကန်တဲ့ လမ်းကြောင်းနဲ့ လုပ်ဆောင်ချက်တခုဖြစ်ပါတယ်။ ဒီလိုလုပ်ငန်းမျိုးတွေအတွက် အခြေခံချပေး ထားတဲ့ ၂၀၁၅ ခုနှစ် NDAA ဥပဒေပါ ပြဌာန်းချက်တွေကို ကွန်ဂရက်လွှတ်တော်က ဖျက်သိမ်း ပြီး နောက်ထပ် အရေးယူ လုပ်ဆောင်သင့်ပါတယ်။”

မစ္စတာ Lohman အပါအ၀င် ကျန်တဲ့လူတွေ အကြံပြုတင်ပြသွားတဲ့ထဲမှာ စစ်ဘက်ချင်း ဆက်ဆံရေး မလုပ်ဖိ်ု့အပြင် အမေရိကန်နိုင်ငံသားတွေ မြန်မာနိုင်ငံမှာ စီးပွားရေးလုပ်ကိုင်ခွင့်ကို ပြန်ပြီးကန့်သတ်ဖို့၊ မြန်မာစစ်ဘက် တာဝန်ရှိသူတွေရဲ့ ပိုင်ဆိုင်ပစ္စည်းတွေကို ထိန်းချုပ်ဖို့နဲ့ ပြည်ဝင်ခွင့်ဗီဇာပိတ်ပင်ဖို့၊ အထူး ဒဏ်ခတ်အရေးယူတဲ့ လူပုဂ္ဂိုလ်များစာရင်း SDN ထဲမှာ မြန်မာ စစ်ဘက် ခေါင်းဆောင်တွေကို ထည့်သွင်းဖို့ စသည်အားဖြင့် ဒဏ်ခတ် အရေးယူမှုမျိုးစုံ ချမှတ်ဖို့ တင်ပြသွားတာတွေရှိပါတယ်။

ဘင်္ဂလားဒေ့ရ်ှနိုင်ငံဘက်ကို ရိုဟင်ဂျာ ၄၀၀,၀၀၀ သိန်းကျော် ထွက်ပြေးသွားရတဲ့ အကြောင်း ရင်းတွေကို ကိုင်တွယ်ဖြေရှင်းတာမှာ မြန်မာစစ်တပ်၊ ဒေါ်အောင်ဆန်းစုကြည်နဲ့ နိုင်ငံတကာ အသိုင်းအ၀ိုင်းက တာဝန်ယူ လုပ်ဆောင်ရမှာတွေကို တင်ပြသွားသူကတော့ Refugees International အဖွဲ့က လူ့အခွင့်အရေးဆိုင်ရာ အကြီးတန်းတာဝန်ရှိသူ Daniel Sullivan ပါ။

“ပထမဆုံးနဲ့ အဓိကအကျဆုံးကတော့ ဗိုလ်ချုပ်မှူးကြီးမင်းအောင်လှိုင် ဦးဆောင်တဲ့ မြန်မာ စစ်ဘက်ဟာ ဒီပြဿနာမှာ တိုက်ရိုက် တာဝန်ရှိပါတယ။် ဆိုးရွားတဲ့ လူ့အခွင့်အရေး ချိုးဖောက်မှုတွေကို ကျူးလွန်ကြတာမှာ မြန်မာစစ်သားတွေနဲ့ သူတို့ရဲ့ခေါင်းဆောင်တွေဟာ အဓိကတာဝန်ရှိသူတွေဖြစ်ပြီး အဲဒီချိုးဖောက်မှုတွေ အဆုံးသတ်ဖို့ အားအကောင်းဆုံးအနေ အထားမှာ ရှိနေကြသူတွေဖြစ်ပါတယ်။”

အမေရိကန်၊ Holocaust အထိမ်းအမှတ်ပြတိုက်၊ မျိုးတုန်းသတ်ဖြတ်မှု တားဆီးရေးဆိုင်ရာ Simon-Skjodt ဌာနက အစီအစဉ် မန်နေဂျာ Andrea Gittleman ကလဲ ရခိုင်မှာဖြစ်သွားတဲ့ ဖြစ်ရပ်တွေနဲ့ပတ်သက်ပြီး စစ်ဘက်မှာရော၊ ဒေါ်အောင်ဆန်းစုကြည်မှာပါ တာဝန်ရှိတယ်လို့ ကြားနာပွဲမှာ ပြောသွားပါတယ်။

“တိုက်ခိုက်မှုတွေမှာပိုပြီးပါဝင်လာတဲ့ တိုင်းရင်းသား ရခိုင်အရပ်သားတွေရဲ့ ထောက်ကူမှုနဲ့ ရိုဟင်ဂျာတွေအပေါ် မကြာသေးခင်ကကျူးလွန်တဲ့ သတ်ဖြတ်မှုတွေမှာ အဓိက လက်သည်က တော့ မြန်မာစစ်တပ်ပါပဲ။ ဒါပေမဲ့လဲ လက်ရှိ အကြမ်းဖက်သံသရာကို အရှိန်လျှော့ချဖို့၊ မြန်မာ နိုင်ငံက လူနည်းစုတွေရဲ့ ဘ၀တွေနဲ့ လွတ်လပ်မှုကို စစ်ဘက်ရန်ကနေရော ARSA လို အဖွဲ့မျိုး တွေရဲ့ရန်ကနေပါ အကာအကွယ်ပေးဖို့ တကယ်တမ်းတာဝန်ရှိသူကတော့ နိုင်ငံမှာ တကယ့် ခေါင်းဆောင်ဖြစ်တဲ့ ဒေါ်အောင်ဆန်းစုကြည်ရဲ့ တာဝန်ပါပဲ။”

ဒီကြားနာပွဲကို အမေရိကန်ပြည်ထောင်စုဆိုင်ရာ ဘင်္ဂလားဒေ့ရ်ှသံအမတ်ကြီး တက်ရောက်ခဲ့ပေ မဲ့ မြန်မာသံအမတ်ကြီးတော့ မတက်ရောက်ခဲ့ပါဘူး။ ဒါကို ထောက်ပြ ပြောဆိုသွားသူကတော့ ဒီမိုကရက်ပါတီက အောက်လွှတ်တော်အမတ် Brad Sherman ပါ။

“မြန်မာသံအမတ်ကြီးကိုလဲ ကျနော် ဒီမှာ မိတ်ဆက်ပေးလိုပေမဲ့ သံအမတ်ကြီးက ဒီမှာ ရှိမနေ ပါဘူး။ သံအမတ်ကြီးသာ ဒီမှာရှိနေမယ်ဆိုရင် မြန်မာအစိုးရရဲ့မူဝါဒတွေကြောင့် ထောင်ပေါင်း များစွာသောလူတွေ နိုင်ငံကနေ ထွက်ပြေးသွားရတဲ့အပေါ် ကမ္ဘာက ဘယ်လိုမြင်နေတယ် ဆိုတာကို သိသွားမှာပါပဲ။”

ကြားနာပွဲ အဆုံးသတ်ခါနီးမှာတော့ ပွဲကို အဓိကတာဝန်ယူကြီးကြပ်တဲ့ ကော်မတီဥက္ကဌတဦး ဖြစ်သူ၊ ရီပတ်ဘလီကန် အောက်လွှတ်တော်အမတ် Ted Yoho က ဒီကြားနာပွဲကနေ ဆက်ပြီး တင်ပြသွားမယ့် လုပ်ဆောင်ရမယ့်အချက်တွေကို အခုလို ပြောသွားပါတယ်။

“ခင်ဗျားတို့ ဒီကြားနာပွဲမှာ တင်ပြတာကနေထွက်လာမယ့် ကျနော်တို့ရဲ့ အကြံပြုချက်တွေက တော့ Jade Act ကို ချက်ခြင်း ဖျက်သိမ်းဖို့၊ မြန်မာနိုင်ငံကို အကူအညီပေးဖို့ တင်ပြထားတဲ့ ဒေါ်လာ ၆၃ သန်း အကူအညီကို ဆိုင်းငံ့ထားဖို့၊ ဒါကို ကော်မတီအဖွဲ့ဝင်တွေတောင် မသိသေးပါ ဘူး၊ အခုတော့သိပြီလို့ ကျနော်ထင်ပါတယ်။ ပြီးတော့ ကုလသမဂ္ဂအနေနဲ့ အခုချက်ခြင်း အရေးယူလုပ်ဆောင်ရေး တောင်းဆိုဖို့ဖြစ်ပါတယ်။”

ရခိုင်ပြည်နယ်က အကြမ်းဖက်အခြေအနေတွေ၊ ဒုက္ခသည်အများအပြား ထွက်ပြေးနေရတာ တွေ၊ လူသားချင်းစာနာမှုဆိုင်ရာ အကူအညီ လိုအပ်နေတာတွေ စသည်အားဖြင့် နိုင်ငံတကာမှာ အထူးအာရုံစိုက် ပြောဆိုတာတွေရှိနေချိန်မှာပဲ အမေရိကန် အောက်လွှတ်တော် နိုင်ငံခြားရေးရာ ကော်မတီမှာ ကြားနာပွဲလုပ်တာဖြစ်ပါတယ်။

Source : https://burmese.voanews.com

မောင်တောဒေသ ရှာတွေ့ ဟိန္ဒူအလောင်းများကို ယနေ့ သင်္ဂြီုဟ်

ရခိုင်ပြည်နယ် မောင်တောမြို့နယ် ရဲဘော်ကျကျေးရွာမှ ပျောက်ဆုံးသွားသော ဟိန္ဒူဘာသာဝင် ၁၀၀ ကျော်အနက် အလောင်း ၄၅ လောင်းကို ရှာဖွေတူးဖော် တွေ့ရှိခဲ့ရာ ယနေ့ စက်တင်ဘာလ ၂၈ ရက်နေ့ မွန်းလွဲ ၂ နာရီ ၂၀ မိနှစ် အချိန်က ဟိန္ဒူဘာသာဝင်များ၏ ဓလေ့ထုံးတမ်းအရ သင်္ဂြီုဟ် လိုက်ပြီ ဖြစ်ကြောင်း သတင်း ရရှိသည်။

အဆိုပါ အလောင်းများကို သင်္ဂြီုဟ်သည့်နေရာသို့ ဟိန္ဒူဘာသာရေးခေါင်းဆောင်များနှင့် သေဆုံးသွားသည့် မိသာစုဝင်များ အပါအဝင် လူပေါင်း ၇၀ ကျော်တက်ရောက်ပြီး ယင်းတို့၏ ဓလေ့ထုံးတမ်းအရ ဆောင်ရွက် လုပ်ကိုင်ကာ သဂြိုလ်ပေးလိုက်ပြီ ဖြစ်ကြောင်း ၎င်းနယ်မြေတွင် တာဝန်ကျနေသော နယ်ခြားစောင့်ရဲတပ်ဖွဲ့မှ ရဲမှူးကြီး ဥက္ကာကို က ဧရာဝတီသို့ ပြောသည်။

ရဲမှူးကြီး ဥက္ကာကို က “ အလောင်းအားလုံးကို ဒီနေ့ပဲ သင်္ဂြီုဟ်ပါတယ်။ မီးသင်္ဂြီုဟ်တာပါ ။ သူတို့ရဲ့ ဓလေ့ထုံးတမ်းအရ ဟိန္ဒူဘာသာရေး ခေါင်းဆောင်တွေက ဆောင်ရွက်ပါတယ်။ ကျနော်တို့ကတော့ သူတို့ရဲ့ လိုအပ်ချက်တွေကို ပံ့ပို့ပေးပါတယ်။ သင်္ဂြီုဟ်တဲ့နေရာကတော့ အဲဒီအလောင်းထားတဲ့ အနီးက နေရာတခုမှာ သူတို့ ထုံးတမ်းအရ လုပ်ကိုင်ဆောင်ရွက်ပြီးတော့ သင်္ဂြီုဟ်လိုက်တာပါ ” ဟုပြောသည်။

အဆိုပါ ဟိန္ဒူဘာသာဝင် အလောင်းများအား ရှာဖွေ တွေ့ရှိခဲ့ခြင်းမှာ ARSA အကြမ်းဖက်သမားများ၏ တိုက်ခိုက်မှု လုပ်ရပ်များကြောင့် စစ်တွေမြို့သို့ နေရပ်စွန့်ခွာ ထွက်ပြေး ရောက်ရှိနေသည့် မောင်တောမြို့နယ်၊ လေးမိုင်ရွာနေ ဟိန္ဒူဘာသာဝင် ကူညီရေးခေါင်းဆောင် ဦးနီမော်လ် ထံသို့ ဘင်္ဂလားဒေ့ရှ် နိုင်ငံသို့ ရောက်ရှိနေသည့် ရဲဘော်ကျကျေးရွာနေ ဟိန္ဒူဘာသာဝင် အမျိုးသမီးတဦးက ဖုန်းဆက် အကြောင်းကြားချက်အရ ရှာဖွေ တွေ့ ရှိခဲ့ခြင်း ဖြစ်ကြောင်း သိရသည်။

တူးဖော်တွေ့ရှိထားသော အလောင်းများနှင့်ပတ်သက်ပြီး စက်တင်ဘာလ ၂၇ ရက်နေ့တွင် အာဏာပိုင်များက ပြည်တွင်း ပြည်ပ သတင်းမီဒီယာများကို ခေါ်ယူပြသခဲ့သည်။

မောင်တောမြို့နယ် ခမောင်းဆိပ်မြို့ ရဲဘော်ကျ ဟိန္ဒူကျေးရွာနှင့် တောင်ဟိန္ဒူကျေးရွာသားများ ပျောက်ဆုံးနေရာခြင်းကို သိရှိပြီးနောက် သတင်းအရ စက်တင်ဘာလ ၂၄ ရက်နေ့မှ စတင်ပြီး အလောင်းများကို ရှာဖွေခဲ့ရာ စက်တင်ဘာလ ၂၄ ရက်နေ့က ၂၈ လောင်းနှင့် စက်တင်ဘာလ ၂၅ ရက်နေ့က ၁၇ လောင်း ပေါင်း ၄၅ လောင်း တွေ့ရှိခဲ့ခြင်း ဖြစ်သည်။

Source : https://burma.irrawaddy.com

မြန်မာအစိုးရ လူမျိုးတုံးသတ်ဖြတ်ကြောင်း ခုံရုံးကြားနာဆုံးဖြတ်

မြန်မာအစိုးရဟာ နိုင်ငံတွင်းက ထွက်ပြေးနေတဲ့ ရိုဟင်ဂျာမွတ်ဆလင်တွေကို လူမျိုးတုံးရှင်းလင်းရေး လုပ်နေ တယ်ဆိုတာ ထင်ရှားတယ်လို့ နိုင်ငံတကာတရားသူကြီးတွေပါဝင်တဲ့ သမာဓိခုံရုံးအဖွဲ့က သောကြာနေ့က မလေးရှားနိုင်ငံမှာ ပြောဆိုလိုက်ပါတယ်။

ကမ္ဘာ့နိုင်ငံအတော်များများက ပညာရှင်နဲ့ ကျွမ်းကျင်သူတွေနဲ့ ဖွဲ့စည်းထားတဲ့ သမာဓိခုံရုံးအဖွဲ့က မျက်မြင် သက်သေတွေကို မလေးရှားနိုင်ငံ ကွာလာလမ်ပူမြို့မှာ ၅ ရက်ကြာ စစ်ဆေးမေးမြန်းဆွေးနွေးခဲ့ပြီးတဲ့နောက် အခုလို ထုတ်ပြန်လိုက်တာဖြစ်ပါတယ်။

မြန်မာအစိုးရက ရိုဟင်ဂျာတွေကို ရှင်းလင်းနေတာဟာ လူမျိုးတုံးသတ်ဖြတ်တဲ့ ရာဇဝတ်မှုမြောက်တယ် လို့ ဆွေးနွေးပွဲကိုဦးဆောင်သူ ဒန်နီရယ် ဖီရာရာစတိန်းက မလေးရှားတက္ကသိုလ်မှာ ပြောဆိုခဲ့ပါတယ်။

တကယ်လို့ အဲဒီလိုလူမျိုးတုံး သတ်ဖြတ်ရှင်းလင်းနေတာတွေကို မဟန့်တားနိုင်ခဲ့ရင် သေဆုံးသူအရေအတွက် ပိုများလာနိုင်တယ်လို့လည်း သူကပြောခဲ့ပါသေးတယ်။

မြန်မာအစိုးရရဲ့ လုပ်ရပ်ကိုဖိအားပေးဖို့ အဲဒီ သမာဓိခုံရုံးအဖွဲ့ဟာ သူတို့ စစ်ဆေးတွေ့ရှိချက်တွေကို နိုင်ငံတကာနဲ့ အရပ်ဘက်အဖွဲ့အစည်းတွေဆီ ပေးပို့သွားမယ်လို့လည်း ဆိုပါတယ်။

အဲဒီဆွေးနွေးပွဲမှာ အင်ဒိုနီးရှား၊ အီရန်၊ မလေးရှား၊ အီတလီနဲ့ သြစတြေးလျက တရားသူကြီးတွေ ပါဝင်ခဲ့ပါတယ်။

Source : http://www.rfa.org/burmese/news

လုံခြုံရေးတပ်ဖွဲ့အကြမ်းဖက်မှု မြန်မာအစိုးရ မသိကျိုးကျွံပြုနေကြောင်း AI ဝေဖန်

ရခိုင်ပြည်နယ်မှာ လုံခြုံရေးတပ်ဖွဲ့တွေရဲ့ အကြမ်းဖက်မှုတွေနဲ့ ပတ်သက်လို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ မြန်မာအစိုးရအဖွဲ့ဟာ မသိကျိုးကျွံပြုနေကြတယ်လို့ ဗြိတိန် အခြေစိုက် အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ AI က ဝေဖန်ပြောကြားလိုက်ပါတယ်။

ဒ်ါအောင်ဆန်းစုကြည် မိန့်ခွန်းကို အစိုးရ သတင်းမီဒီယာတွေကနေ တိုက်ရိုက်ထုတ်လွှင့် အပြီးမှာ အခုလို ကြေညာချက်ထုတ်ပြန်ပြီး ဝေဖန်လိုက်တာပါ။

ဒေါ်အောင်ဆန်းစုကြည်နဲ့ မြန်မာအစိုးရဟာ ရခိုင်ပြည်နယ်မှာ ဖြစ်ပျက်နေတဲ့ ထိတ်လန့်တုန်လှုပ်စရာ အဖြစ်အပျက်တွေကို မသိကျိုးကျွံပြု ခေါင်းရှောင်နေကြကြောင်း၊ မိန့်ခွန်းထဲမှာ မမှန်ကန်တဲ့ အချက်အလက်တွေ၊ နစ်နာထိခိုက်ရသူတွေကို အပြစ်တင်တာတွေ မကြာခဏ ပါဝင်နေကြောင်းလည်း AI ရဲ့ ကြေညာချက်မှာ ထောက်ပြထားပါတယ်။

မြန်မာအစိုးရက နိုင်ငံတကာ စိစစ်မှုတွေကို မကြောက်ပါဘူးလို့ ဒေါ်အောင်ဆန်းစုကြည်က ပြောလိုက်တာဟာလည်း နက်နဲမှုမရှိကြောင်း၊ အမှန်တကယ် ဖုံးကွယ်ထားစရာ မရှိဘူးဆိုရင် ကုလသမဂ္ဂ စုံစမ်း စစ်ဆေးရေးမှူးတွေကို ရခိုင်ပြည်နယ် အပါအဝင် မြန်မာနိုင်ငံထဲကို ဝင်ရောက်ခွင့် ပြုသင့်ကြောင်းလည်း AI အဖွဲ့က ဝေဖန်ထားပါတယ်။

Source : RFA Burmese

ရခိုင်အရေး ရီပတ်ပလီကန် အမတ်ခေါင်းဆောင် ဒေါ်အောင်ဆန်းစုကြည်ဆီ ဖုန်းဆက်

ရခိုင်ပြည်နယ်ထဲက ရိုဟင်ဂျာ မွတ်ဆလင်တွေဆီ လူသားချင်း စာနာ နားလည်တဲ့ အကူအညီတွေ ပို့ဆောင် ပေးနိုင်ရေး ပိုမို တိုးတက်အောင် လုပ်ဆောင်ပေးဖို့ အရေးတကြီး လိုအပ်နေတဲ့ အချက်အပေါ် ဒေါ်အောင်ဆန်းစုကြည် အနေနဲ့လည်း သဘောတူကြောင်း ပြောခဲ့တယ်လို့ အမေရိကန် ထိပ်တန်း ဆီးနိတ်လွှတ်တော် အမတ် တစ်ယောက်က ပြောပါတယ်။
အမေရိကန် ဆီးနိတ်လွှတ်တော်ထဲ လွှမ်းမိုးထားတဲ့ ရီပတ်ဘလီကန် အမတ်တွေရဲ့ ခေါင်းဆောင် မစ်ခ်ျ မက်ကော်နဲလ်က ရခိုင်ပြည်နယ် အရေးနဲ့ ပတ်သက်ပြီး အတိုင်ပင်ခံ ပုဂ္ဂိုလ်နဲ့ တယ်လီဖုန်းကနေ ဆက်သွယ် စကား ပြောဆိုခဲ့တာ ဖြစ်ပါတယ်။
လူ့အခွင့်အရေး ချိုးဖောက်မှုတွေကို ကိုင်တွယ် ဆောင်ရွက်ဖို့ လိုကြောင်းလည်း ဒေါ်အောင်ဆန်းစုကြည်က ပြောဆိုခဲ့တယ်လို့ မစ္စတာ မက်ကောနဲလ်က ပြောသလို၊ ဒေါ်အောင်ဆန်း စုကြည် အနေနဲ့ ဩဇာ အာဏာပြင်းတဲ့ စစ်တပ် အပေါ် အမိန့်ပေး ခိုင်းစေနိုင်စွမ်း မရှိတဲ့ အချက်အပေါ် သူ့ဘက်က သတိပြုမိတယ် လို့ မစ္စတာ မက်ကော်နဲလ်က ဆိုပါတယ်။
စစ်တပ်နဲ့ အာဏာခွဲဝေ အုပ်ချုပ်နေရတဲ့ မြန်မာ အစိုးရအနေနဲ့ ရိုဟင်ဂျာ မွတ်ဆလင်တွေအပေါ် နှိပ်ကွပ်မှု တွေကို ရပ်တန်းကရပ်ဖို့ လိုတယ်လို့ အစောပိုင်းကလည်း အမေရိကန် နိုင်ငံခြားရေး ဝန်ကြီး Rex Tillerson က တိုက်တွန်းခဲ့ပါတယ်။
ယူကေရောက်မြန်မာ နိုင်ငံသား တချို့ကတော့ ရခိုင်ပြည်နယ် အရေးကို ဒေါ်အောင်ဆန်း စုကြည် ကိုင်တွယ် ဆောင်ရွက်မှုအပေါ် ထောက်ခံကြောင်း လန်မြို့တော်က နိုင်ငံခြားရေး ဝန်ကြီးရုံးရှေ့မှာ ထောက်ခံ ဆန္ဒ ပြခဲ့ကြပါတယ်။

Source : http://www.bbc.com

ရခိုင်ပြည်နယ်အရေး နိုင်ငံတကာ အားပေးကူညီဖို့ မြန်မာအစိုးရတိုက်တွန်း

ရခိုင်ပြည်နယ်မှာ ဖြစ်ပွားနေတဲ့ အခြေအနေအပေါ် စိုးရိမ်မှုတွေ တိုးလာနေတဲ့ နိုင်ငံတကာ အသိုင်းအ၀န်းအနေနဲ့ ပြဿနာကို ဖြေရှင်းနိုင်ရေး ကြိုးပမ်းမှုတွေကို အားပေးကူညီဖို့နဲ့ မတည်မငြိမ် အခြေအနေတွေ ပေါ်ပေါက်လာရတဲ့ အကြောင်းရင်းတခုဖြစ်တဲ့ အစွန်းရောက်တွေရဲ့ အကြမ်းဖက် တိုက်ခိုက်မှုတွေကို ပြစ်တင်ရှုတ်ချဖို့လည်း မြန်မာအစိုးရက တိုက်တွန်းလိုက်ပါတယ်။ ရခိုင်ပြည်နယ်က မတည်မငြိမ် အခြေအနေတွေကြောင့် သိန်းနဲ့ချီပြီး ထွက်ပြေးခိုလှုံခဲ့ကြတဲ့ အိမ်နီးချင်း ဘင်္ဂလားဒေ့ရ်ှနိုင်ငံ ၀န်ကြီးချုပ်ကတော့ ဒီကနေ့ပဲ ဒုက္ခသည်စခန်းတွေကို သွားရောက်ကြည့်ရှုခဲ့ပြီး၊ အစွန်းရောက်အဖွဲ့တွေရဲ့ လုပ်ရပ်တွေကို ပြစ်တင်ပြောဆိုလိုက်သလို၊ မြန်မာအစိုးရ အနေနဲ့လည်း ထိန်းထိန်းသိမ်းသိမ်း ဆောင်ရွက်ဖို့ တိုက်တွန်းခဲ့ပါတယ်။ အပြည့်အစုံကိုတော့ နန်းလောဝ် က တင်ပြပေးမှာ ဖြစ်ပါတယ်။

ရခိုင်ပြည်နယ် မြောက်ပိုင်းမှာ ဖြစ်ပွားနေတဲ့ အခြေအနေတွေအပေါ် နိုင်ငံတကာက စိုးရိမ်သလို၊ မြန်မာနိုင်ငံ အနေနဲ့လည်း စိုးရိမ်ကြောင်းနဲ့ ပြဿနာကို ဖြေရှင်းနိုင်ဖို့ အတတ်နိုင်ဆုံး ကြိုးပမ်းနေကြောင်း မြန်မာနိုင်ငံခြားရေး ၀န်ကြီးဌာနက ကြေညာချက်ထုတ်ပြန် ပြောဆိုလိုက်တာပါ။ နိုင်ငံတကာ အသိုက်အ၀န်း အနေနဲ့ ရခိုင်ပြည်နယ် တည်ငြိမ်အေးချမ်းရေးနဲ့ ဖွံ့ဖြိုးရေးအတွက် မြန်မာအစိုးရရဲ့ ကြိုးပမ်းမှုတွေကို ပါဝင်ပံ့ပိုးတာဟာလည်း အကောင်းဆုံး ကူညီရာရောက်ကြောင်း ဖော်ပြထားပါတယ်။

တချိန်တည်းမှာပဲ သြဂုတ်လ ၂၅ ရက်နေ့နဲ့ ပြီးခဲ့တဲ့နှစ် အောက်တိုဘာလထဲမှာ လုံခြုံရေးတပ်ဖွဲ့တွေနဲ့ အရပ်သားတွေအပေါ် ပစ်မှတ်ထားပြီး တပြိုင်နက်တည်း တိုက်ခိုက်မှုတွေ ကျုးလွန်ခဲ့တဲ့ ARSA အစွန်းရောက် အုပ်စုရဲ့ လုပ်ရပ်တွေကြောင့် ပဋိပက္ခတွေ ကြီးထွားခဲ့ရတာကိုလည်း ပြစ်တင်ရှုတ်ချဖို့ တိုက်တွန်းခဲ့တာပါ။ ရခိုင်ပြည်နယ်က အခြေအနေကြောင့် သိန်းနဲ့ချီထွက်ပြေးနေရတဲ့ အိမ်နီးချင်း ဘင်္ဂလားဒေ့ရ်ှနိုင်ငံက ၀န်ကြီးချုပ် Sheikh Hasina ကတော့ ဒီကနေ့ပဲ ဒုက္ခသည် စခန်းတွေကို သွားရောက်ကြည့်ရှုခဲ့ပြီး အစွန်းရောက်တွေရဲ့ လုပ်ရပ်ကို ရှုတ်ချခဲ့သလို၊ မြန်မာအစိုးရကိုလည်း ထိန်းထိန်းသိမ်းသိမ်း ဖြေရှင်းဖို့ တိုက်တွန်းခဲ့ပါတယ်။

“အခုဖြစ်ရပ်ကို ကျုးလွန်သူတွေအပေါ်မှာလည်း ကျမအနေနဲ့ ရှုတ်ချပါတယ်။ မြန်မာစစ်တပ်နဲ့ နယ်ခြားစောင့်ရဲတပ်ဖွဲ့ဝင်တွေ တိုက်ခိုက်ခံခဲ့ရတယ်၊ ၁၃၅ ယောက် သေပါတယ်။ စစ်တပ်နဲ့ နယ်ခြားစောင့်တပ်တွေကို တိုက်ခိုက်ခဲ့တဲ့ ဒီလူတွေရဲ့ လက်ချက်ကြောင့် အခုလို အခြေအနေတွေ ပေါ်ပေါက်လာတာဖြစ်တဲ့အတွက်၊ ဒါတွေကို ရပ်ရပါလိမ့်မယ်။ တချိန်တည်းမှာပဲ မြန်မာအစိုးရ အနေနဲ့ အခြေအနေကို စိတ်ရှည်လက်ရှည် ကိုင်တွယ်ဖို့ လိုပါတယ်။ စစ်တပ်နဲ့ လုံခြုံရေးတပ်ဖွဲ့တွေကို သာမာန်လူထုအပေါ် တိုက်ခိုက်တာမျိုး ခွင့်မပြုသင့်ပါဘူး။ အမျိုးသမီးတွေ၊ ကလေးတွေ၊ အပြစ်မဲ့ပြည်သူတွေအနေနဲ့ ဘာရာဇ၀တ်မှုမှ ကျုးလွန်ခဲ့ကြတာ မဟုတ်ပါဘူး။”

မြန်မာနိုင်ငံခြားရေး ၀န်ကြီးဌာနရဲ့ ကြေညာချက်မှာတော့ ARSA အစွန်းရောက် အဖွဲ့ရဲ့ တိုက်ခိုက်မှုတွေဟာ ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန် ဦးဆောင်တဲ့ ရခိုင်အကြံပေးကော်မရှင်ရဲ့ အစီရင်ခံစာ ထုတ်ပြန်ချိန်နဲ့ အချိန်ကိုက် ကျုးလွန်ခဲ့တာ ဖြစ်ကြောင်းလည်း ဖော်ပြထားပါတယ်။ ဒါပေမဲ့လည်း အကြမ်းဖက်တိုက်ခိုက်မှုတွေ ကြုံခဲ့ရပြီး နောက်ဆက်တွဲအဖြစ် ရခိုင်ပြည်နယ် မြောက်ပိုင်းမှာ စစ်တပ်က ဦးဆောင်ပြီး နယ်မြေရှင်းလင်းရေး လုပ်ဆောင်ရာမှာ၊ အရပ်သားသေဆုံးမှုတွေ ရှိခဲ့တယ်ဆိုတဲ့ စွပ်စွဲချက်တွေနဲ့ ဘင်္ဂလားဒေ့ရ်ှနိုင်ငံကို ဒုက္ခသည်တွေ သိန်းနဲ့ချီထွက်ပြေးနေရတယ်လို့ ကုလသမဂ္ဂ အပါအ၀င် နိုင်ငံတကာက ပြောဆိုနေကြတာပ။ါ ၀ါရှင်တန် အခြေစိုက် Carnegie Endowment for International Peace က နိုင်ငံရေးအကဲခတ် Vikram Nehru ကတော့ ဒုက္ခသည်တွေ အလုံးအရင်းနဲ့ ထွက်ပြေးနေရတာဟာ ARSA အစွန်းရောက်အဖွဲ့ထက်၊ မြန်မာလုံခြုံရေးတပ်ဖွဲ့တွေရဲ့ စစ်ဆင်ရေးကြောင့် ထွက်ပြေးရတဲ့သူက ပိုများတယ်လို့ သုံးသပ်ပါတယ်။

“ARSA ဟာ အဖွဲ့ငယ်လေး တခုပါ၊ လတ်တလောမှာလည်း တိုက်ခိုက်မှုတွေ ဆက်တိုက်ဆိုသလို လုပ်နိုင်စွမ်းရှိတဲ့ အဖွဲ့မျိုး မဟုတ်ပါဘူး။ ရခိုင်ပြည်နယ်ကနေ ဘင်္ဂလားဒေ့ရ်ှကို အလုံးအရင်းနဲ့ ထွက်ပြေးနေရတာဟာ စစ်တပ်ရဲ့ ရက်စက်ကြမ်းကြုတ်လွန်းတဲ့ လုပ်ရပ်ကြောင့်ပါ။ ARSA နဲ့ ဘာမှ မဆိုင်ပါဘူး။”

မြန်မာအစိုးရကတော့ လုံခြုံရေးတပ်ဖွဲ့ဝင်တွေ အနေနဲ့ စစ်ဆင်ရေးမှာ ဥပဒေနဲ့အညီ ထိန်းထိန်းသိမ်းသိမ်း ဆောင်ရွက်ဖို့နဲ့ တည်ငြိမ်မှုရရှိရေး ကြိုးပမ်းရာမှာ အပြစ်မဲ့ပြည်သူတွေ မထိခိုက်အောင် ဆောင်ရွက်ဖို့ ညွန်ကြားထားကြောင်း ကြေညာချက် မှာ ဖော်ပြထားတာပါ။ လူ့အခွင့်အရေး ချိုးဖောက်မှုတွေ ရှိခဲ့ရင်လည်း တရားဥပဒေအရ အရေးယူသွားမှာ ဖြစ်ကြောင်းလည်း ပြောဆိုထားတာဖြစ်ပါတယ်။

Source : https://burmese.voanews.com

မြန်မာ့လူ့အခွင့်အရေးအခြေအနေ နိုင်ငံတကာ စောင့်ကြည့်ဖို့ Yanghee Lee တိုက်တွန်း

မြန်မာနိုင်ငံမှာ ပြီးခဲ့တဲ့လအနည်းငယ်အတွင်း အခြေအနေတွေက နိုင်ငံတကာ အသိုင်းအ၀ိုင်းအနေနဲ့ မြန်မာနိုင်ငံရဲ့ လူ့အခွင့် အရေးအခြေအနေကို သတိထားပြီး မပြတ်စောင့်ကြည့်သွားရမယ်ဆိုတာ ပြနေတယ်လို့ မြန်မာနိုင်ငံ လူ့အခွင့်အရေး အခြေအနေ ဆိုင်ရာ ကုလသမဂ္ဂ အထူးစုံစမ်းစစ်ဆေးရေးမှူး Yang Hee Lee က ပြောလိုက်ပါတယ်။

မြန်မာနိုင်ငံခရီးစဉ်စဖို့ သုံးရက်အလို ဒီကနေ့ထွက်လာတဲ့ ထုတ်ပြန်ချက်တခုထဲမှာ မစ္စယန်ဟီးလီက အဲဒီလို ပြောထားတာပါ။ ရခိုင်ပြည်ဘက်မှာ ဖြစ်နေတာအပြင် ကချင်နဲ့ရှမ်းဘက်မှာ တိုက်ပွဲတွေ အရှိန်မြင့်လာတာ၊ အဲဒီကနေ အရပ်သားတွေရဲ့ အခြေ အနေအပေါ် အနုတ်လက္ခဏာဆောင် သက်ရောက်မှုတွေ မလွှဲမရှောင်သာ ဖြစ်လာတာတွေဟာ အစိုးရအဖွဲ့သစ်ရဲ့ ပထမနှစ်အတွင်း သွားနေတဲ့လမ်းကြောင်းပေါ် စိုးရိမ်ပူပန်စရာတချို့ ဖြစ်လာစေပါတယ်လို့ မစ္စယန်ဟီးလီကပြောပါတယ်။

မစ္စယန်ဟီးလီဟာ ဇန်န၀ါရီလ ၉ ရက်နေ့ကနေ ၂၀ ရက်နေ့အထိ မြန်မာနိုင်ငံကို လာမှာပါ။ ဒီခရီးစဉ်အတွင်း ကချင်ပြည်နယ်ထဲက မြစ်ကြီးနား၊ ဖားကန့်နဲ့ လိုင်ဇာ၊ ရခိုင်ပြည်နယ်ထဲက စစ်တွေ၊ ရသေ့တောင်၊ ဘူးသီးတောင်နဲ့ မောင်းတောမြို့တွေ အပြင် နေပြည် တော်နဲ့ ရန်ကုန်မြို့တွေကိုလည်းသွားဖို့ စီစဉ်ထားပါတယ်။

အစိုးရရဲ့ဖိတ်ကြားချက်နဲ့ လာရောက်မယ့် ၁၂ ရက်ကြာခရီးစဉ် အတွင်း နိုင်ငံရေးခေါင်းဆောင်တွေနဲ့ ရပ်ရွာအကြီးအကဲတွေ၊ အရပ်ဘက် လူမှုအဖွဲ့အစည်းတွေက ကိုယ်စားလှယ်တွေအပြင် လူ့အခွင့်အရေး ချိုးဖောက်ခံရသူတွေနဲ့ တွေ့ဆုံဖို့ရှိသလို နိုင်ငံ တကာအသိုင်းအ၀ိုင်းက လူပုဂ္ဂိုလ်တွေနဲ့လည်း တွေ့ဆုံဖို့ရှိပါတယ်။ ဒီခရီးစဉ် အတွင်း လေ့လာတွေ့ရှိ ချက်တွေကို အစီရင်ခံစာ ရေးပြီး ကုလသမဂ္ဂ လူ့အခွင့်အရေးကောင်စီကို ၂၀၁၇ ခုနှစ် မတ်လမှာ တင်သွင်းမှာဖြစ်ပါတယ်။

source : VOA

မြန်မာ့လူ့အခွင့်အရေး အခြေအနေ ကန်ဝေဖန်

မြန်မာနိုင်ငံက လုံခြုံရေးတပ်ဖွဲ့တွေဟာ လူ့အခွင့်အရေးချိုးဖောက်မှုတွေကို သမားရိုးကျ လုပ်ရိုးလုပ်စဉ်လို ဆက်လုပ်နေပြီး၊ လုပ်ခွင့်ပေးထားပုံရတယ်လို့ အမေရိကန် ထိပ်တန်း တာဝန်ရှိသူတယောက်က ပြောလိုက်ပါတယ်။ ရခိုင်ပြည်နယ် မောင်တော ခရိုင်ထဲကနယ်ခြားစောင့်စခန်းတွေ တိုက်ခိုက်ခံခဲ့ရပြီးနောက် လုံခြုံရေးတပ်ဖွဲ့တွေ နယ်မြေရှင်းလင်းစဉ် ကိုးတန်ကောက်ကျေးရွာမှာ မွတ်ဆလင်တွေကို လုံခြုံရေး တပ်ဖွဲ့ဝင်တွေက နိုင့်ထက်စီးနင်းပြုမူနေတဲ့ Video ထွက်ပေါ်ခဲ့ပါတယ်။

အဲဒီလို လူ့အခွင့်အရေးချိုးဖောက်နေတဲ့လုပ်ရပ်ဟာ သူတို့လုပ်နေကျ ခွင့်ပြုချက် ရထားတဲ့ လုပ်ရပ်မို့သာ သူတို့ကိုယ်တိုင် Video ရိုက်ပြနေတာဖြစ်တယ်လို့ အမေရိကန်နိုင်ငံခြားရေးဌာနရဲ့ ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ လက်ထောက်ဝန်ကြီး Tom Malinowski က AP သတင်းဌာနကို ပြောကြားခဲ့ပါတယ်။

အီရတ်က Abu Ghraib အကျဉ်းထောင်မှာ အမေရိကန်စစ်သားတွေ အီရတ် အကျဉ်းသားတွေကို နိုင့်ထက်စီးနင်းလုပ်နေတဲ့ ဓါတ်ပုံတွေကြောင့် သင်ခန်းစာရ စရာဖြစ်ခဲ့သလို ကိုးတန်ကောက်ရွာကိုစစ်ဆေးခဲ့တဲ့ တပ်ဖွဲ့ထဲမှာ ဒီလို အပြုအမူတွေ ကို ခွင့်ပြုထားတယ်လို့ သူ့အနေနဲ့ထင်ကြောင်း Mr. Malinowski ကအေပီသတင်းဌာနကို ပြောတာကို ဝါရှင်တန်ပို့စ်သတင်းစာမှာ ကိုးကားဖော်ပြပါတယ်။ မြန်မာအစိုးရကတော့ ဒီ Video ထွက်ပေါ်လာခဲ့ပြီးနောက် သက်ဆိုင်သူတွေကို ဖမ်းဆီးအရေးယူခဲ့ပါတယ်။ ဒီဖြစ်ရပ်ဟာလည်း အဲဒီတနေရာမှာဖြစ်ခဲ့တာလို့ ဆိုပါတယ်။

မွတ်ဆလင်တွေဖက်က နစ်နာခံစားချက်တွေကို ဖြေရှင်းဖို့လိုတယ် ဆိုတာကို မြန်မာအစိုးရကို အမေရိကန်ဖက်က လွန်ခဲ့တဲ့ ၂ နှစ်လောက်ထဲက ပြောကြားခဲ့တယ်လို့လည်း နိုင်ငံခြားရေးဌာနရဲ့ လူ့အခွင့်အရေးဆိုင်ရာအကြီးအကဲက AP သတင်းဌာနကိုပြောပါတယ်။

အဲဒီလိုမှ မဖြေရှင်းရင် ခံစားနေရသူကို ပြည်ပအဖွဲ့အစည်းတွေက အခွင့်ကောင်းယူပြီး အကြမ်းဖက်တုံ့ပြန်အောင် လုပ်လာလိမ့်မယ်လို့ ပြောခဲ့တယ်လို့သူကဆိုပါတယ်။ အခုလက်ရှိမှာ ကြီးမားတဲ့ အတိုင်းအတာနဲ့ မဟုတ်ပေမဲ့ အဲဒီလိုအခြေအနေမျိုး ဖြစ်လာပုံရတယ်လို့ Mr. Malinowski ကပြောပါတယ်။

အမေရိကန်အစိုးရအနေနဲ့ မြန်မာပြည်သူတွေနဲ့ နယ်စပ်လုံခြုံရေးအတွက် အကူအညီပေးဖို့အဆင်သင့်ပဲလို့လည်း အမေရိကန်နိုင်ငံခြားရေးဌာနရဲ့ ဒီမိုကရေစီ၊ လူ့အခွင့်အရေးနဲ့ အလုပ်သမားရေးရာ လက်ထောက်ဝန်ကြီး Tom Malinowski က AP သတင်းဌာနကို ပြောကြားခဲ့ပါတယ်။

တချိန်က အထီးကျန်ဖြစ်ခဲ့တဲ့ မြန်မာနိုင်ငံကို ဒီမိုကရေစီနိုင်ငံဖြစ်အောင် အမေရိကန်က ကူညီပြောင်းလဲပေးနိုင်ခဲ့တယ်လို့ သမ္မတအိုဘားမားနဲ့ သူ့ရဲ့အကြံပေးတွေက ပြောနေတာဖြစ်ပါတယ်။ ဒါပေမဲ့ ခုလိုလူ့အခွင့်အရေး ချိုးဖောက်မှုတွေရှိနေဆဲဖြစ်တဲ့အတွက် သမ္မတအိုဘားမားရဲ့ နိုင်ငံခြားရေး မူဝါဒဆိုင်ရာ အောင်မြင်မှုမှာ ထောက်ပြစရာဖြစ်တယ်လို့ အဲဒီ AP သတင်းထဲမှာ ရေးသားထားပါတယ်။

source : burmese.voanews.com